प्रस्थान 3:19 - परमेश्‍वरए ताँ तमु क्युइर

¹⁹ दिलेया मिश्रर्बै म्रुँइ क्हेमैं आकुलै आतबै त्हे आखन् समा ह्‍याल् पिंब आरे बिब ङइ सेइमुँ।

प्रस्थान 3:19 ပူးပေါင်းရင်းမြစ်များ

प्रस्थान 10:20

दिलेया याहवेहजी फारोए सैं सारो लमिंमा चइ इस्राएलीमैं ह्‍याल् आपिं।

प्रस्थान 11:10

मोशा नेरो हारूनइ औदिबै केमैं ताँन् फारोए उँइँर लइ। दिलेया याहवेहजी फारोए सैं सारो लमिंसि चइ इस्राएलीमैं ह्रोंसए ह्‍युलउँइँले ह्‍याल् आपिं।

प्रस्थान 11:9

“मिश्रर ङए औदिबै केमैं ल्हें तदै ह्‍यारिगे बिसि फारोइ क्हिए ताँ थेरिब् आरे,” बिसि याहवेहजी मोशाने बिल।

प्रस्थान 13:15

च त्हेर फारोइ सैं सारो लसि ङिलाइ ह्‍याल् आपिं, छतमा याहवेहजी मिश्रर ताँन् म्हि नेरो खेदोए ओंसों फिब्मैं सैवाइ। छतसि ओंसों फिबै त्होबामैं याहवेहए ल्हागिर ख्रो पिंमुँ, धै ङए च्हमैं न्होंर्बै च्ह थेबलाइ या ख्रो पिंसि खाम्।

प्रस्थान 4:21

याहवेहजी धबै मोशाने बिइ, “क्हि मिश्रर एह्‍यामा ङइ क्हिए योर थेंमिबै भोंउँइँले औदिबै केमैं फारो म्रुँए उँइँर लद्। दिलेया ङइ चए सैं सारो लब्मुँ। छतसि चइ ङए म्हिमैंलाइ ह्‍याल् पिंरिब् आरे।

प्रस्थान 5:2

दिलेया फारोइ बिइ, “याहवेह बिब खाब् रो? ङइ तले चए ताँ ङिंसि इस्राएलीमैं ह्‍याल् पिंब? याहवेह ङइ ङो आसे, छतसि इस्राएलीमैं ङइ ह्‍याल् आपिं।”

प्रस्थान 6:1

च त्हेर याहवेहजी मोशाने बिइ, “ङइ फारोलाइ तो लब्मुँ बिसि तारे क्हिइ म्रोंब्मुँ। ङए भोंबै योइ लमा चइ क्हेमैं ह्‍याल् पिंब्मुँ। ङए भोंबै योइ लमा चइ ह्रोंसए ह्‍युलउँइँले चमैंलाइ ल्हावाब्मुँ।”

प्रस्थान 8:28

छबिमा फारोइ बिइ, “तम्, ङइ क्हेमैंलाइ क्यु आयोंबै क्ल्ह्‍योर क्हेमैंए याहवेह परमेश्‍वरए ल्हागिर ख्रो पिंबर ह्‍यालम् पिंम्, दिलेया ह्रेंगो बिस्याँ आह्‍याद्। ङए ल्हागिरै या प्राथना लमिंन्।”

प्रस्थान 9:35

छले फारोए सैं सारो तइ, झाइले याहवेहजी मोशाने बिब् धोंलेन् चइ इस्राएलीमैं ह्‍याल् आपिं।

प्रस्थान 9:7

फारोइ चजरे ङ्‍ह्‍योबर म्हिमैं कुलमा इस्राएलीमैंल खेदोमैं घ्रि या सिब चमैंइ आम्रों। छान् तलेया फारोए सैं सारो तरिसि चइ म्हिमैं ह्‍याल् आपिं।