प्रस्थान 3:12 - परमेश्‍वरए ताँ तमु क्युइर

¹² छबिमा परमेश्‍वरजी धबै बिइ, “ङ क्हिने बालु तब्मुँ। ङइ क्हिलाइ कुलब् ग बिबै चिनु चु तब्मुँ: क्हिइ च म्हिमैं मिश्रउँइँले तेइ पखमा क्हेमैंइ चु कोंर ङए सेवा लब्मुँ।”

प्रस्थान 3:12 ပူးပေါင်းရင်းမြစ်များ

उत्पत्ति 15:1

च लिउँइँ याहवेह अब्राम ङाँर म्रोंयुसि चने बिइ, “अब्राम, क्हि आङ्हिंन्, क्हिए ढाल ङन् ग; ङइ क्हिलाइ बेल्‍ले थेबै इनाम पिंब्मुँ।”

उत्पत्ति 15:8

दिलेया अब्रामइ खीने “ओ याहवेह परमेश्‍वर, ङ चु ह्‍युलए क्ल्हे तल् योंम् बिसि ङइ खैले सेल् खाँम्?” बिसि ङ्योएइ।

उत्पत्ति 26:3

ङ क्हिने बालु तब्मुँ, धै क्हिए फिर आशिक पिंब्मुँ। चु ताँन् ह्‍युल क्हि नेरो क्हिए सन्तानमैं पिंब्मुँ। क्हिए आबा अब्राहामने बालु फैबै बाछा ङइ पूरा लब्मुँ।

उत्पत्ति 31:3

च लिउँइँ याहवेहजी याकूबने बिइ, “क्हिए खेमैं नेरो क्हिए ङ्‍हेब्-ट्हुब् ङाँर एह्‍याद्। ङ क्हिने तब्मुँ।”

भजनमैं 86:17

ओ याहवेह, क्हिजी ङ ल्होमिंइमुँ धै ङए सैं क्होमिंइमुँ। छतसि क्हिजी ङिए फिर छ्याँबन् लम् बिसि ङलाइ चिनु घ्रि उँइँमिंन्, धै ङलाइ आखोब्मैं च चिनु म्रोंसि फापिरिगे।

प्रस्थान 18:5

मोशाए च्हमैं नेरो प्ह्रेंस्यो पसि मोशाए क्यें यित्रो परमेश्‍वरए कों ङाँर मोशा टिबै क्यु आयोंबै क्ल्ह्‍योर खइ।

प्रस्थान 3:1

मोशाइ ह्रोंसए क्यें मिद्यानर्बै खेगि यित्रोए र-क्युमैं छरिल। छले छरिमा क्यु आयोंबै क्ल्ह्‍योए क्योंजा परमेश्‍वरए कों होरेब बिबै क्ल्ह्‍यो समन् चइ र-क्युमैं छदै बोइ।

प्रस्थान 3:13

मोशाइ परमेश्‍वरने बिइ, “ङ इस्राएलीमैं ङाँर ह्‍यासि चमैंने छले बिमा, ‘क्हेमैंए खेमैंए परमेश्‍वरजी ङ क्हेमैं ङाँर कुलब् ग।’ बिसि, चमैंइ ‘खीए मिं तो जा?’ बिसि ङ्योएस्याँ ङइ चमैंने तो बिब?”

प्रस्थान 33:14

छबिमा याहवेहजी बिइ, “ङ क्हिने बालुन् ह्‍याब्मुँ, धै क्हिलाइ भों न्हल् पिंब्मुँ।”

प्रस्थान 4:12

छतसि ह्‍याद्! क्हि पोंबर ङइ ल्होमिंब्मुँ, क्हिइ तो तो पोंल् त्हुम् चै या ङइ लोमिंब्मुँ।”

प्रस्थान 4:15

क्हिइ चने बालु ताँ लसि चइ बिल् त्हुबै ताँ चने बिद्। क्हेमैं ङ्हिंने बालु ङ तब्मुँ धै क्हेमैंइ तो लल् त्हुम् च ङ लोमिंस्यो।

प्रस्थान 8:27

ङि सोंरोबै घ्याँ ह्‍यासि क्यु आयोंबै क्ल्ह्‍योर ह्रोंसए परमेश्‍वरजी बिब् धोंलेन् खीए ल्हागिर ङिइ ख्रो पिंल् त्हुम्।”

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”

मर्कूस 16:20

झाइले च चेलामैं खन्‍तोदोंन् ह्‍यासि खीए ताँ बिप्रइ। प्रभु चमैंने बालु तसि औदिबै चिनुमैं लसि चमैंइ बिबै ताँमैं क्ह्रोंसेंन् ग बिसि उँइँमिंइ।

चेला चिब्मैंए केमैं 11:21

प्रभुए आशिक ने शक्‍ति चमैए फिर तबाइले ल्हें ल्हें म्हिइ प्रभु येशूए फिर बिश्‍वास लसि खी ङाँइ सैं एइ।

चेला चिब्मैंए केमैं 7:7

दिलेया परमेश्‍वरजी खीने बिइ, ‘चमैं खाब् ह्रेंए केब्छैं तसि टिमुँ च ह्रेंलाज्यै या ङइ दण्ड पिंब्मुँ। च लिउँइँ चमैं त्होंखब्मुँ धै चु क्ल्ह्‍योर्न ङए मिं क्वेब्मुँ।’

रोमी 8:31

चु ताँमैं सैंर मैंमा ङ्योइ अझै या तो बिल् खाँम्? परमेश्‍वरन् ङ्योने बालुन् मुँ बिस्याँ, ङ्योए बिरोधर खाब् तम्?

हिब्रू 13:5

क्‍हेमैंइ ल्हें मारा-मुइए लोब आलद्। क्हेमैंने मुँबै सैर्न सन्‍तोक तइ टिद्। तलेबिस्याँ परमेश्‍वरजी बिइमुँ, “ङइ क्‍हेमैं खोंयोंइ वाथेंरिब् आरे, ङइ क्हेमैं पिरिब् आरे।”