प्रस्थान 28:4 - परमेश्‍वरए ताँ तमु क्युइर

⁴ क्हिए आघें हारून नेरो चए च्हमैं खेगि तसि ङए सेवा लबै ल्हागिर च क्वें टुब्मैंइ चमैंए ल्हागिर चु पबित्र क्वें टुमिंरिगे: तिंर खिबै क्वें, एपोद, लबेदा, अलखा, क्रेगि नेरो फगि।

प्रस्थान 28:4 ပူးပေါင်းရင်းမြစ်များ

प्रस्थान 25:7

एपोद नेरो खेगिए तिंर खिबै क्वेंए ल्हागिर आनिक्स नेरो अरू मँगो तुथुमैं।

प्रस्थान 29:6

चए क्रर क्रेगि तिमिंन् झाइले क्रेगिए फिर पबित्र मुकुट कुमिंन्।

प्रस्थान 39:28

क्रेगि, कुलेमैं नेरो न्होंर खिबै क्वें चमैंइ टुइ।

एफिसी 6:14

शत्तुरमैंए उँइँर भोंन्‍ले टिद्। क्रेर फगिइ फैब् धोंले क्हेमैंए सैं परमेश्‍वरए क्ह्रोंसेंन्बै ताँइ फैद्। झाइले तिं नेरो फोए रक्षा लबै कोट खिब् धोंले छ्याँबै खोंउँइँले ठिक केमैं लप्रद्।

१ थेसलोनिकी 5:8

दिलेया ङ्योम् त्हिंर्बै म्‍हिमैं तबइले ङ्यो न्ह क्रों मि क्रोंले टिल् त्‍हुम्। सिपाइमैंइ तिं थोबए ल्हागिर खिबै ढाल धोंले ङ्योए सैं जोगेमिंबै ल्हागिर ङ्योइ बिश्‍वास नेरो सब् लमिंबै म्हाँया लल् त्‍हुम्, झाइले क्र जोगेबै ल्हागिर कुबै कुले धोंले ङ्योइ स्‍वर्गर ह्‍याबै क्ह्रोंसेंन्बै आशा लल् त्‍हुम्।

दर्शन 9:17

झाइले ङइ दर्शनर घोडामैं नेरो घोडा क्रेब्‍मैं म्रोंइ। घोडाए फिर क्रेब्‍मैंए तिंर्बै पैए प्लाँ मि लुँब् धोंबै ओल्‍ग्‍या, निलम् बिबै युँमा धों तबै मु रङबै नेरो उर्ग्‍या मुँल। च घोडामैंए क्र सिंहमैंल् धों ब्योंब मुँल। धै च घोडामैंए सुँउँइँले मि, मिखु नेरो आछ्याँबै थाँ नाँबै सै त्‍होंरिल।