प्रस्थान 28:30 - परमेश्‍वरए ताँ तमु क्युइर

³⁰ तिंर खिबै क्वेंर ऊरीम नेरो तुम्मिम थेंन्। हारून ङए ओंसों खब्रें लमा चए तिंर खिबै क्वें तल् त्हुम्। छले हारूनइ इस्राएलीमैंए ल्हागिर ङए इच्छा तो मुँ च छेनाले था सेल् खाँब्मुँ।

प्रस्थान 28:30 ပူးပေါင်းရင်းမြစ်များ

प्रस्थान 28:29

“हारून पबित्र क्ल्ह्‍योर होंमा चइ इस्राएलए कुलए मिं खोप्दिबै तिंर खिबै क्वें खिब्मुँ धै ङ याहवेहजी ङए म्हिमैं मैंरिब्मुँ।

२ कोरिन्थी 12:15

क्‍हेमैंए ल्हागिर सैं तोंदै ङने मुँबै ताँन् सै न्होर नेरो ङए ज्यु या पिंब्मुँ। छले ङइ क्‍हेमैंए फिर ल्हें म्हाँया लसेरो क्‍हेमैंइ ङलाइ च्युगुदे म्हाँया लब् वा?

२ कोरिन्थी 7:3

क्‍हेमैंलाइ छ्याब् ल्हैदिबर ङइ छ बिब आङिं। ङइ ओंसों बिब् धोंलेन्, ङिए सैंर क्हेमैंए फिर ल्हें म्हाँया मुँ, छतसि सिलेया सोलेया ङि खोंयोंन् बिलै क्‍हेमैंने बालुन् तब्मुँ।

हिब्रू 2:17

छतसि ताँन् सैर खी ह्रोंसए अलिमैं धोंबन् तल् त्हुइ, धै म्‍हिमैंए पाप त्होमिंसि क्षमा लबै ल्हागिर परमेश्‍वरए सेवा लबै ल्हागिर खी बिश्‍वास मुँब नेरो ल्हयो मुँबै ख्रो पिंबै खेगि क्रथे तइ।

हिब्रू 4:15

ङ्योए ल्हागिर ख्रो पिंबै खेगि क्रथेजी ङ्योए दुःखर ल्होल् खाँम्। तलेबिस्याँ ङो चुसि ङ्योलाइ पापर च्होवाब् धोंले खीलाज्यै या पापर च्होवाबै ल्हागिर तोन्‍दोंरि सैर ङो चुल, दिलेया खैबै ङोज्यै या खीलाइ पापर च्होवाल् आखाँ।

हिब्रू 9:12

र-क्युए कोजी आङिं, दिलेया म्हिमैंए पाप क्षमा लबर ख्रीष्‍टजी ह्रोंसए को पिंसि म्हिमैंलाइ खोंयोंइ आखाँबै छ्ह पिंबै ल्हागिर तिखेर्न ताँन् भन्दा पबित्र क्ल्ह्‍योर होंइ।

हिब्रू 9:24

ओंसोंबै पबित्र क्‍ल्‍ह्‍यो क्ह्रोंसेंन्बै पबित्र क्ल्ह्‍योए नकल मुँल। दिलेया ख्रीष्‍ट म्‍हिमैंइ बनेबै पबित्र क्‍ल्‍ह्‍योर आहों, खी स्‍वर्ग न्होंर्न होंइ। छले खी ङ्योए ल्हागिर परमेश्‍वरए उँइँर टिइमुँ।