प्रस्थान 28:21 - परमेश्‍वरए ताँ तमु क्युइर

²¹ इस्राएलए कुल ङो सेबै ल्हागिर च च्युसे ङ्हिं मणिर याकूबए च्युसे ङ्हिं च्हमैंए मिं घ्रि-घ्रिले खोप्दिद्।

प्रस्थान 28:21 ပူးပေါင်းရင်းမြစ်များ

प्रस्थान 24:4

झाइले मोशाइ याहवेहए ताँन् ताँमैं प्ह्रिइ। धै प्हँन्हाँग्धों न्हाँकर्न रेसि मोशाइ कोंए जरर ख्रो पिंबै क्ल्ह्‍यो घ्रि बनेसि चर इस्राएलए कुल घ्रि-घ्रि ल्हागिर घ्रि-घ्रि लसि च्युसे ङ्हिं युँमा क्योइ।

प्रस्थान 28:11

युँमार खोप्दिल् ह्रब्मैंइ खैले खोप्दिमुँ, छलेन् युँमा ङ्हिंर इस्राएलए च्हमैंए मिं खोप्दिद्। झाइले च युँमा माराए के लबै म्हिने जोड्दिबर ल्हैदिद्।

प्रस्थान 28:20

ल्हस्यार प्लिर पितमणि, आनिक्स नेरो बिल्‍लौर झोंन्। चु ताँन् मारा तोबै धिंजरे बोसि जोड्दिद्।

प्रस्थान 28:22

“तिंर खिबै क्वेंए ल्हागिर छो धोंले ख्रिंबै छ्याँबै माराए सिक्रिमैं बनेद्।

लूका 22:30

झाइले क्‍हेमैं या ङए ग्याल्सर ङने बालु चल् योंब्‍मुँ, थुँल् योंब्‍मुँ। धै राजगद्दिर क्हुँसि इस्राएलर्बै च्युसे ङ्हिं कुलए निसाफ लब्‍मुँ।”

याकूब 1:1

परमेश्‍वर नेरो प्रभु येशू ख्रीष्‍टए के लबै म्‍हि याकूबउँइँले चु ह्‍युल तिगोंन् प्हुँइ टिबै च्युसे ङ्हिं कुललाइ जय मसीह मुँ।

दर्शन 21:12

च सहरए कारग्युले बेल्‍ले थेब नेरो नुबै बानु मुँल। च बानुर च्युसे ङ्हिं थेबै म्रा मुँल। च म्रा ह्रोंसे स्‍वर्गदूत घ्रि-घ्रि राल। च म्रामैंए फिर इस्राएलर्बै च्युसे ङ्हिं कुलमैंए मिं प्‍ह्रिल।