प्रस्थान 28:2 - परमेश्‍वरए ताँ तमु क्युइर

² क्हिए आघें हारूनए ल्हागिर बेल्‍ले छ्याँब नेरो इजेत तबै खेगिइ खिबै क्वें टुमिंन्।

प्रस्थान 28:2 ပူးပေါင်းရင်းမြစ်များ

भजनमैं 132:16

चर्बै खेगिमैंलाइ ङइ मुक्ति पिंब्मुँ, धै चर्बै ङए म्हिमैं सैं तोंदै कै तेसि ओरब्मुँ।

भजनमैं 132:9

क्वें खिब् धोंले क्हिए खेगिमैंइ खोंयोंन् बिलै ठिक के लरिगे, धै क्हिए म्हिमैं सैं तोंदै क्हिए जयजय लरिगे।

भजनमैं 149:4

तलेबिस्याँ ह्रोंसए म्हिमैं म्रोंसि याहवेह सैं तोंम्; कुरब्मैंलाइ खीजी ट्होगों लमिंम्।

भजनमैं 96:6

खीए उँइँर इजेत नेरो मान मुँ; खीए पबित्र क्‍ल्‍ह्‍यो म्रोंमा खी कति भोंब मुँ, कति छ्याँब् मुँ बिसि सेल् खाँम्।

प्रस्थान 28:40

“क्हिइ हारूनए च्हमैंए ल्हागिर बेल्‍ले मान तबै छ्याँबै लबेदा, फगि, नेरो क्रेगिमैं टुद्।

प्रस्थान 29:28

इस्राएलीमैंइ हारून नेरो चए च्हमैंए ल्हागिर खोंयोंन् बिलै पिंल् त्हुबै भाग चुन् तल् त्हुम्। तलेबिस्याँ इस्राएलीमैंइ क्ह्रिमिंबै भेटिमैंउँइँले याहवेहए ल्हागिर पिंल् त्हुबै भाग चुन् ग।

प्रस्थान 31:10

खेगि के लबर हारून नेरो चए च्हमैंइ खिल् त्हुबै क्वेंमैं,

प्रस्थान 40:13

हारूनलाइ पबित्र क्वें खिमिंसि अभिषेक लद्, झाइले च खेगि तसि ङए सेवा लरिगे बिसि चलाइ पबित्र लद्।

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

रोमी 13:14

बरु येशू ख्रीष्‍ट धोंन् तबर भों लद्, धै ह्रोंसए सैंउँइँले खबै आछ्याँबै इच्‍छामैं पिवाद्।

रोमी 3:22

छतमा येशू ख्रीष्‍टए फिर बिश्‍वास लब्मैं ताँनलाइ परमेश्‍वरजी ठिक ठर्दिम्। यहूदी नेरो अरू ह्रेंमैं खाबलाज्यै या खीजी आफेल।

गलाती 3:27

तलेबिस्याँ क्‍हेमैं बप्‍तिस्‍मा किंब्मैं ख्रीष्‍टने घ्रिन् तइमुँ। छतसि छारा क्‍वें खिब् धोंलेन क्हेमैंइ ख्रीष्‍टए छ्याँबै बानि किंइमुँ।

हिब्रू 2:9

दिलेया ताँन् सै खीए न्होंर मुँ बिबै ताँ ङिइ सेइमुँ। दे त्हेए ल्हागिर खीलाइ स्वर्गदूतमैं भन्दा दे क्युरु लमिंइ, तलेबिस्याँ म्हिमैंए फिर्बै परमेश्‍वरए दयाम्हाँयाइ लमा म्हिमैंए पाप ख्रुमिंबै ल्हागिर खी दु:खले सिल् त्हुइ। दिलेया सिबइले खी धबै सोगों तसि खइ। छतसि परमेश्‍वरजी खीलाइ थेबै मानए मुकुट कुमिंइ।

हिब्रू 7:26

ङ्योए ल्हागिर छाबै म्हि घ्रि ख्रो पिंबै खेगि क्रथे तल् त्हुम्, तलेबिस्याँ येशू पबित्र, छ्याब् आरेब नेरो तोइ पाप आरेब मुँ। छतसि परमेश्‍वरजी पापि म्‍हिमैंउँइँले स्यो लसि खीलाइ स्‍वर्ग भन्दा ताइ थेंमिंइमुँ।

२ पत्रुस 1:17

धै ताँन् भन्दा थेबै परमेश्‍वर आबाजी येशूलाइ थेबै मान पिंसि चारमिंइ, धै च चारबै ह्‍वेइले “चु ङए खोबै च्‍ह ग! चु म्रोंसि ङ बेल्‍ले सैं तोंइमुँ,” बिबै कै ङिइ थेल।

१ यूहन्‍ना 3:2

ङइ खोबै थुमैं, ङ्यो तोगो परमेश्‍वरए प्‍हसेमैं ग। प्‍हँना लिउँइँ ङ्यो खै तम् बिसि तोगो बिल् आखाँ, दिलेया ङ्योइ चु ताँ घ्रि सेइमुँ: ख्रीष्‍ट युबै त्हिंइर खी खैब मुँ छाबन् खीलाइ ङ्योइ छेनाले म्रोंब्‍मुँ। छतसि च त्हेर ङ्यो या खी धोंन् तब्‍मुँ।

दर्शन 19:8

च प्‍ह्रेंस्‍योलाइ खिबै ल्हागिर परमेश्‍वरजी फोस्रे ब्योंबै छ्याँबै मलमलए क्‍वें पिंइ।” (च छ्याँबै मलमलए क्‍वें परमेश्‍वरए म्‍हिमैंए छ्याँबै केमैं ग।)

दर्शन 5:10

धै क्‍हिजी चमैंलाइ म्रुँमैं नेरो ङ्योए परमेश्‍वरए सेवा लबर ख्रो पिंबै खेगिमैं लमिंइ। छले चमैंइ पृथ्‍बीए फिर ग्याल्स लब्मुँ।”