प्रस्थान 28:12 - परमेश्‍वरए ताँ तमु क्युइर

¹² इस्राएलए च्हमैं मैंबै ल्हागिर च युँमा ङ्हिं एपोदए प्हैंदर च्योमिंन्। झाइले याहवेहजी खोंयोंन् बिलै मैंरिगे बिसि चमैंए मिं हारूनइ ह्रोंसए प्हैंदर नोरिगे।

प्रस्थान 28:12 ပူးပေါင်းရင်းမြစ်များ

भजनमैं 89:19

क्हिजी बिब् ङिंबै म्हिने तिखे दर्शनर बिइ: “ङइ बेल्‍ले भोंबै म्हिलाइ भों पिंइमुँ; इस्राएली म्हिमैंए न्होंउँइँले त्हाँबै म्हिलाइ ङइ म्रुँ लमिंइमुँ।

प्रस्थान 12:14

च चाड क्हेमैंए ल्हागिर म्‍लेसे म्‍लेल् आखाँबै त्हिंइ तब्मुँ, क्हेमैंइ च त्हिंइ याहवेहए ल्हागिर चाड म्हाँदिब्मुँ। क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिब्रें लद्।

प्रस्थान 13:9

याहवेहजी ह्रोंसए शक्‍तिए योजी मिश्रउँइँले क्हेमैं तेइ पखब् ग। छतसि याहवेहजी पिंबै ठिमर्बै ताँमैं क्हेमैंए सुँर तरिगे बिसि क्हेमैंए ल्हागिर योर नेरो ङ्‍होए ओंसों क्हेमैंलाइ मैंल् लमिंबै चिनु तब्मुँ।

प्रस्थान 28:11

युँमार खोप्दिल् ह्रब्मैंइ खैले खोप्दिमुँ, छलेन् युँमा ङ्हिंर इस्राएलए च्हमैंए मिं खोप्दिद्। झाइले च युँमा माराए के लबै म्हिने जोड्दिबर ल्हैदिद्।

प्रस्थान 28:29

“हारून पबित्र क्ल्ह्‍योर होंमा चइ इस्राएलए कुलए मिं खोप्दिबै तिंर खिबै क्वें खिब्मुँ धै ङ याहवेहजी ङए म्हिमैं मैंरिब्मुँ।

प्रस्थान 28:7

च क्वेंमैं जोड्दिबै ल्हागिर काँदए छेउ ङ्हिंर फैसों ङ्हिं तल् त्हुम्।

लूका 1:54

परमेश्‍वरजी ङ्योए खेमैंने फैबै बाछा पूरा लसि ह्रोंसलाइ म्हाँदिबै इस्राएलीमैं ल्होबर खी युइमुँ।

लूका 1:72

खीजी ङ्योए खेमैंने फैबै पबित्र बाछा मैंसि ङ्योए फिर ल्हयो खमिंइमुँ।

चेला चिब्मैंए केमैं 10:4

छबिमा कर्नेलियस ङ्हिंसि स्वर्गदूत ङाँइ ङ्ह्‍योबै-ङ्ह्‍योबन् लसि, “बिल् त्हुबै ताँ तोइ मुँ वा?” बिइ। स्‍वर्गदूतइ चने बिइ, “क्हिइ ङ्हाँदुमैंए खाँचो टार्दिमिंबै छ्याँबै केमैं नेरो क्हिइ लबै प्राथना परमेश्‍वरए उँइँर फेनेइमुँ।

१ कोरिन्थी 11:24

झाइले परमेश्‍वरलाइ धन्‍यबाद पिंसि क्‍हें लुँसि छ बिइ, “चु क्‍हें क्‍हेमैंए ल्हागिर ङए ज्यु ग। ङलाइ मैंबै ल्हागिर चब्रें लद्।”