प्रस्थान 28:1 - परमेश्‍वरए ताँ तमु क्युइर

¹ “ङए ल्हागिर खेगि (पुजारि) के लरिगे बिसि इस्राएलीमैंए म्हाँजोउँइँले क्हिए आघें हारून नेरो चए च्हमैं नादाब, अबिहू, एलाजार नेरो इताममार क्हि ङाँर हुइद्।

प्रस्थान 28:1 ပူးပေါင်းရင်းမြစ်များ

भजनमैं 115:10

ओ हारूनए सन्तान, याहवेहए फिर भर थेंन्! क्हेमैंलाइ ल्होब नेरो जोगेब खीन् ग।

भजनमैं 99:6

मोशा नेरो हारून खीए खेगिमैं मुँल, खीए मिं किंब्मैं न्होंर शमूएल मुँल। चमैंइ याहवेहने ग्वार ह्रिमा खीजी चमैंलाइ ज्वाफ पिंइ।

प्रस्थान 24:1

याहवेहजी धबै मोशाने बिइ, “क्हि हारून, नादाब, अबिहू नेरो इस्राएलर्बै चिब्मैं न्होंर्बै ङिच्यु चिब्मैं कों क्रेसि ङ ङाँर खो, धै ह्रेंगोउँइँलेन् क्र कुरसि ङलाइ फ्योद्।

प्रस्थान 24:9

च लिउँइँ मोशा, हारून, नादाब, अबिहू नेरो इस्राएलर्बै चिब्मैं न्होंर्बै ङिच्यु चिब्मैं कोंर क्रेसि

प्रस्थान 28:41

चु क्वेंमैं क्हिए आघें नेरो चए च्हमैं खिमिंसि खेगि के लबर चमैंलाइ त्हाँसि छ्युगु फोद्।

प्रस्थान 29:1

“ङए सेवा लबर हारून नेरो चए च्हमैंलाइ पबित्र लबर क्हिइ चमैंए ल्हागिर लल् त्हुबै के चुन् ग: तोइ खोट आरेबै क्ल्या भारा नेरो क्यु साँड् ङ्हिं पइ खो।

प्रस्थान 29:44

“ङइ ख्रो पिंबै क्ल्ह्‍यो नेरो तम्बु पबित्र लब्मुँ। झाइले हारून नेरो चए च्हमैंलाज्यै या खेगि तसि ङए सेवा लबै ल्हागिर पबित्र लब्मुँ।

प्रस्थान 29:9

हारूनए च्हमैंए क्रर क्रेगि तिंमिंन्। धै हारून नेरो चए च्हमैंलाइ फगि खिमिंन्। झाइले खोंयोंन् बिलै चमैं खेगि तल् योंब्मुँ। छले हारून नेरो चए च्हमैं खेगि के लबर त्हाँन्।

प्रस्थान 30:30

“खेगि तसि ङए सेवा लरिगे बिसि हारून नेरो चए च्हमैं अभिषेक लसि पबित्र लदु।

प्रस्थान 31:10

खेगि के लबर हारून नेरो चए च्हमैंइ खिल् त्हुबै क्वेंमैं,

प्रस्थान 35:19

पबित्र क्ल्ह्‍योर सेवा लमा खेगिमैंइ खिबै क्वेंमैं, हारूनइ खेगि के लमा खिबै पबित्र क्वेंमैं नेरो हारूनए च्हमैंइ खेगि के लमा खिबै क्वेंमैं।”

प्रस्थान 6:23

हारूनइ अम्मिनादाबए च्हमि नहशोनए अङाँ एलीशेबाने ब्ह्‍या लइ। चइ नादाब, अबिहू, एलाजार नेरो ईतामार फिइ।

लूका 1:8

तिगें जकरियाल मन्दिरर ख्रो पिंबै पलो तल। छतसि चइ खेगिए के लरिल।