प्रस्थान 27:21 - परमेश्‍वरए ताँ तमु क्युइर

²¹ पबित्र तम्बुर ठिम थेंबै मुदुसए उँइँर्बै पर्दाए बैरु हारून नेरो चए च्हमैंइ याहवेहए उँइँर च बत्तिमैं ङेसउँइँले न्हाँग समा लुँरिल् लल् त्हुम्। इस्राएलीमैंए पुस्ता-पुस्ता समा खोंयोंन् बिलै चु के लल् त्हुब्मुँ।

प्रस्थान 27:21 ပူးပေါင်းရင်းမြစ်များ

उत्पत्ति 1:5

परमेश्‍वरजी मि म्रोंबने “त्‍हिंइ” बिइ, धै मिछु खैबने “म्‍हुँइसा” बिइ। ङेसा तइ धै न्‍हाँग तइ, च ओंसोंबै त्हिंइ मुँल।

उत्पत्ति 1:8

परमेश्‍वरजी च फिर्बै क्ल्‍ह्‍योने “मु” बिइ। ङेसा तइ धै न्‍हाँग तइ, च ङ्हिरोबै त्हिंइ मुँल।

भजनमैं 134:1

ओ याहवेहए सेवा लब्मैं, म्हुँइँसर याहवेहए धिंर राब्मैं, याहवेहए मिं क्वेद्!

प्रस्थान 12:14

च चाड क्हेमैंए ल्हागिर म्‍लेसे म्‍लेल् आखाँबै त्हिंइ तब्मुँ, क्हेमैंइ च त्हिंइ याहवेहए ल्हागिर चाड म्हाँदिब्मुँ। क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिब्रें लद्।

प्रस्थान 16:34

याहवेहजी मोशाने बिब् धोंलेन् च मन्‍न खोंयोंइ बिले तरिगे बिसि हारूनइ ठिम थेंबै मुदुसए ओंसों मन्‍न थेंइ। च मन्‍न यहवेइ फैबै बाछा मुँबै युमा ङ्हि ओंसों थेंइ।

प्रस्थान 25:16

ङए ठिममैं प्ह्रिबै युँमाए प्लना ङ क्हिलाइ पिंब्मुँ, च मुदुसर च युँमाए प्लना थेंन्।

प्रस्थान 28:43

चमैंने छ्याब् आतरिगे धै आसिरिगे बिसि हारून नेरो चए च्हमैं पबित्र क्ल्ह्‍योर सेवा लबर ङ ङाँर खमा च क्वें खिरिगे।

प्रस्थान 29:28

इस्राएलीमैंइ हारून नेरो चए च्हमैंए ल्हागिर खोंयोंन् बिलै पिंल् त्हुबै भाग चुन् तल् त्हुम्। तलेबिस्याँ इस्राएलीमैंइ क्ह्रिमिंबै भेटिमैंउँइँले याहवेहए ल्हागिर पिंल् त्हुबै भाग चुन् ग।

प्रस्थान 29:42

“क्हेमैंए पुस्ता-पुस्ता समा याहवेहए उँइँर पबित्र तम्बुए म्रा ङाँर मिर ख्रोंसि ख्रो पिंब्रें लद्। च क्ल्ह्‍योर्न ङ क्हिने ताँ लबर क्हिने त्होब्मुँ।

प्रस्थान 29:44

“ङइ ख्रो पिंबै क्ल्ह्‍यो नेरो तम्बु पबित्र लब्मुँ। झाइले हारून नेरो चए च्हमैंलाज्यै या खेगि तसि ङए सेवा लबै ल्हागिर पबित्र लब्मुँ।

प्रस्थान 30:21

चमैं आसिरिगे बिसि चमैंइ चु क्युइ यो-प्हले ख्रुरिगे। हारून नेरो चए पुस्ता-पुस्ता समा छलेन् प्हले ख्रुल् त्हुब्मुँ।”

प्रस्थान 30:36

चु धुप क्हेमैंए ल्हागिर बेल्‍ले पबित्र तल् त्हुम्। छतसि चए तिबाँ त्हुल् तल्‍ले तोंसि च्हौदे ङ टिबै पबित्र तम्बुर ठिम थेंबै मुदुसए ओंसों थेंन्।

प्रस्थान 30:8

ङेसरै या बत्ति म्रोमा हारूनइ छ्याँब थाँ खबै धुप च क्ल्ह्‍योर म्रोरिगे। छलेन खबै पुस्ता-पुस्ता समा खोंयोंन् बिलै याहवेहए उँइँर धुप म्रोरिल् त्हुम्।

प्रस्थान 40:3

ठिम थेंबै मुदुस चर थेंन्, धै चए ओंसों पर्दा च्योद्।

मत्ती 4:16

मिछु खैबर टिबै म्हिमैंइ थेबै चारबै ह्‍वे म्रोंइमुँ। सिल् त्‍हुबै मिछु खैबै ह्‍युलर टिब्मैंए फिर ह्‍वे घ्रि चारइमुँ।” यशैयाइ बिबै ताँ क्ह्रोंसेंन तबर छ तइ।

लूका 12:35

“क्हेमैंए क्रे फगि खिसि न्ह क्रों मि क्रोंले क्हेमैंए बत्ति म्रोथेंन्।

यूहन्‍ना 5:35

यूहन्‍ना लुँरिबै चारब बत्ति धोंब मुँल। छतसि क्‍हेमैं चए चारबै बत्तिर तिस्याँदे सैं तोंसि टिबै सैं लइ।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।

२ पत्रुस 1:19

धै अगमवक्तामैंइ येशूए बारेर बिबै ताँलाइ ङ्योइ भर लल् खाँम्। न्हाँग छझँ मि म्रोंबै त्हे आतन् समा धै न्हाँग छझँबै मुसारा आत्होंब् धोंले प्रभु येशू ख्रीष्‍ट युसि क्हेमैंए खोंर आचारन् समा अगमवक्तामैंइ प्ह्रिबै ताँ मिछु खैबर चारबै बत्ति धों तम्। छतसि चमैंए ताँलाइ न्ह क्रों मि क्रोंले थेंस्‍याँ क्‍हेमैंलाइ फायदा तम्।

दर्शन 2:1

“एफिसस नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “मुसारा ङिउलो क्‍योलो योर छेसि माराए पानस ङिउलोए म्‍हाँजोर प्रबै येशूजी चु ताँ बिइमुँ: