प्रस्थान 26:36 - परमेश्‍वरए ताँ तमु क्युइर

³⁶ “तम्बुए म्राए ल्हागिर मु रङ, कलेजी रङ, ओल्ग्या रु नेरो छेनाले रोबै सुति क्वेंए बुट्‍टा फ्रिंबै पर्दा बनेद।

प्रस्थान 26:36 ပူးပေါင်းရင်းမြစ်များ

भजनमैं 78:60

शिलोर मुँबै पबित्र तम्बुए न्होंर खी म्हिमैंए म्हाँजोर टिमल, दिलेया तोगो च तम्बु खीजी पिवाइ।

प्रस्थान 26:31

“झाइले पबित्र तम्बुए न्होंर सजेबै ल्हागिर, मु रङ, कलेजी रङ, ओल्ग्या रुइ छेनाले ख्रिंबै सुति क्वेंए पर्दा बनेद्। धै सिपालु म्हिइ बनेबै करूबमैं चर थेंल् त्हुम्।

प्रस्थान 27:16

“म्राए ल्हागिर मु रङ, कलेजी रङ नेरो ओल्ग्या रुइ रोबै क्वें नेरो छेनाले ख्रिंबै सुति क्वेंए बुट्टा झोंबै ङ्हिस्यु क्रुए पर्दा तल् त्हुम्। चए त्होमैं प्लिउलो, क्योबै क्ल्ह्‍यो या प्लिउलो तल् त्हुम्।

प्रस्थान 28:15

“निसाफ लबै म्हिए ल्हागिर छेनाले टुल् ह्रबै म्हिए लहागिर तिंर खिबै क्वें बनेद्। एपोद बनेब् धोंलेन् मारा, मु रङ, कलेजी रङ, ओल्ग्या रङ नेरो छेनाले ख्रिंबै सुतिए क्वेंल टुल् त्हुम्।

प्रस्थान 28:39

“प्हले समा फेनेबै ह्रिंग्यो क्वें नेरो क्रेगि छेनाले ख्रिंबै सुति क्वेंल बनेदु। बुट्टा झोंबै रुइन फगि या बनेद्।

प्रस्थान 35:11

पबित्र तम्बु, तम्बु स्युबै पाल, पाल टौंदिमा चैदिबै छत, अँङ्‍कुसिमैं फैलोमैं, बार थोबै सैमैं, त्होमैं, क्योबै क्ल्ह्‍योमैं;

प्रस्थान 35:15

धुप म्रोबै क्ल्ह्‍यो, च क्ल्ह्‍यो नोबै प्हरेमैं, अभिषेक लबै छ्युगु, लिंबै थाँ खबै धुप; पबित्र तम्बुए म्रार्बै पर्दा;

प्रस्थान 36:37

तम्बुए म्राए ल्हागिर चमैंइ मु रङ, कलेजी रङ नेरो ओल्ग्या रङर्बै रुइ रोबै क्वें नेरो छेनाले ख्रिंबै सुतिए क्वेंर बुट्टा झोंबै पर्दा बनेइ।

प्रस्थान 38:18

ह्‍युर्बै मुल म्रार्बै पर्दा मु रङ, कलेजी रङ नेरो ओल्ग्या रङर्बै रुइ टुसि बुट्टा झोंब मुँल। च पर्दा ङ्हिस्यु क्रु ह्रिंब नेरो ङ्‍हउरु नुब मुँल।

प्रस्थान 39:29

याहवेहजी मोशाने बिब् धोंलेन् छेनाले ख्रिंबै सुति क्वें ख्रिंसि, मु रङ, कलेजी रङ, ओल्ग्या रुइ बुट्टा झोंबै फगि टुइ।

प्रस्थान 39:33

झाइले चमैंइ पबित्र तम्बु नेरो चर चैदिबै तोन्दोंरि सैमैं मोशा ङाँर पइ: अङ्‍कुसिमैं, फ्ल्याकमैं, बार थोबै सैंमैं, नेरो त्होमैं क्योबै क्ल्ह्‍योमैं,

प्रस्थान 40:5

ठिम थेंबै मुदुसए ओंसों धुप म्रोबै ख्रो पिंबै क्ल्ह्‍यो थेंन्, झाइले पबित्र तम्बुए म्रार पर्दा झोंन्।

यूहन्‍ना 10:9

म्रा ङन् ग। ङउँइँले न्‍होंर होंब्मैं ताँन् जोगेल् योंब्‍मुँ। धै चमैं खोरए न्हों, बैरु ह्‍याब खब लल् योंब्मुँ, धै छि मुँबै क्ल्ह्‍योर रेंल् योंब्‍मुँ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।