प्रस्थान 26:31 - परमेश्‍वरए ताँ तमु क्युइर

³¹ “झाइले पबित्र तम्बुए न्होंर सजेबै ल्हागिर, मु रङ, कलेजी रङ, ओल्ग्या रुइ छेनाले ख्रिंबै सुति क्वेंए पर्दा बनेद्। धै सिपालु म्हिइ बनेबै करूबमैं चर थेंल् त्हुम्।

प्रस्थान 26:31 ပူးပေါင်းရင်းမြစ်များ

भजनमैं 137:5

ओ यरूशलेम, ङइ क्हिलाइ म्‍लेयाइ बिस्याँ ङए क्योलो योइ ह्रोंसए सिपमैं म्‍लेयारिगे!

प्रस्थान 25:18

माराए प्ह्‍या ङ्हिं मुँबै करूबमैं बनेसि मुदुसए छेउ छेउर थेंन्।

प्रस्थान 25:4

नीलो, कलेजी, ओल्ग्या रु, मलमलए क्वें, रए मुइ बनेब क्वें,

प्रस्थान 26:1

“क्हिइ पर्दा च्युउलो झोंबै पबित्र तम्बु बनद्। च पर्दामैं छेनाले रोबै सुति क्वेंला तल् त्हुम्। च क्वेंमैं मु रङ (नीलो), कलेजी नेरो ओल्ग्या रङर्बै रुइ रोब तल् त्हुम्। माराए के लल् ह्रब्मैंइ बनेबै करूबमैं चर थेंन्।

प्रस्थान 26:32

माराइ म्होरबै बबुल सिंए प्लिउलो त्होर माराए अङ्‍कुसिइ च पर्दा च्योद्।

प्रस्थान 27:16

“म्राए ल्हागिर मु रङ, कलेजी रङ नेरो ओल्ग्या रुइ रोबै क्वें नेरो छेनाले ख्रिंबै सुति क्वेंए बुट्टा झोंबै ङ्हिस्यु क्रुए पर्दा तल् त्हुम्। चए त्होमैं प्लिउलो, क्योबै क्ल्ह्‍यो या प्लिउलो तल् त्हुम्।

प्रस्थान 27:21

पबित्र तम्बुर ठिम थेंबै मुदुसए उँइँर्बै पर्दाए बैरु हारून नेरो चए च्हमैंइ याहवेहए उँइँर च बत्तिमैं ङेसउँइँले न्हाँग समा लुँरिल् लल् त्हुम्। इस्राएलीमैंए पुस्ता-पुस्ता समा खोंयोंन् बिलै चु के लल् त्हुब्मुँ।

प्रस्थान 28:15

“निसाफ लबै म्हिए ल्हागिर छेनाले टुल् ह्रबै म्हिए लहागिर तिंर खिबै क्वें बनेद्। एपोद बनेब् धोंलेन् मारा, मु रङ, कलेजी रङ, ओल्ग्या रङ नेरो छेनाले ख्रिंबै सुतिए क्वेंल टुल् त्हुम्।

प्रस्थान 35:12

बाछा फैबै बकस, बकसर नोबै प्हरेमैं, बकसए क्हा नेरो पर्दा;

प्रस्थान 35:25

च्हमिरिमैंइ ह्रों-ह्रोंसइ पेरबै मु रङर्बै रु, कलेजी रङर्बै रु, ओल्ग्या रङर्बै रु नेरो छेनाले ख्रिंबै सुतिए क्वें पखइ।

प्रस्थान 35:35

चमैंइ ताँन् खालर्बै भाँडार बुट्टा झोंब, मु रङर्बै क्वें, कलेजी रङर्बै क्वें, ओल्ग्या रङर्बै क्वें नेरो छेनाले ख्रिंबै सुतिए क्वें रोसि बुट्टा झोंबै केमैं छेनाले लल् खाँरिगे बिसि खीजी चमैंलाइ सिपमैं पिंइमुँ।”

प्रस्थान 35:6

मु रङर्बै क्वें, कलेजी रङर्बै क्वें, ओल्ग्या रु, नेरो छेनाले ख्रिंबै सुतिए क्वें; रए मुइ;

प्रस्थान 36:35

चमैंइ मु रङ, कलेजी रङ, नेरो ओल्गया रुइ रोबै क्वें नेरो छेनाले ख्रिंबै सुतिए क्वेंला पर्दा घ्रि बनेइ, चर बुट्टा झोंल् ह्रब्मैंइ करूबए बुट्टामैं झोंइ।

प्रस्थान 36:36

पर्दा च्योबै ल्हागिर बबुल सिंए त्हो प्लिउलो बनेसि माराइ म्होरइ। अङ्‍कुसिमैं या माराल बनेइ। त्होमैं धाँदिबर चाँदिए क्योबै क्ल्ह्‍यो प्लिउलो बनेइ।

प्रस्थान 36:8

के लब्मैं न्होंर्बै छेनाले बनेल् ह्रब्मैंइ पर्दा च्युउलो मुँबै तम्बु बेनेइ। च पर्दामैं मु रङ, कलेजी रङ नेरो ओल्ग्या रङइ रोबै क्वें नेरो छेनाले ख्रिंबै सुति क्वेंला बुट्टा पिंल् ह्रब्मैंइ बनेबै करूबमैं पर्दार मुँल।

प्रस्थान 38:23

चने बालु दानए कुलर्बै अहीसामाकए च्ह ओहोलीआब मुँल। च भाडर बुट्टा प्रिंल् ह्रब् नेरो मु रङर्बै, कलेजी रङर्बै नेरो ओल्ग्या रङर्बै रुमैं नेरो छेनाले ख्रिंबै सुतिइ बुट्टा झोंल् ह्रब् मुँल।

प्रस्थान 40:21

याहवेहजी बिब् धोंलेन् मोशाइ ठिम थेंबै मुदुस पबित्र तम्बु न्होंर थेंइ, झाइले च मुदुस म्हिमैंइ आम्रोंरिगे बिसि पर्दा झोंइ।

प्रस्थान 40:3

ठिम थेंबै मुदुस चर थेंन्, धै चए ओंसों पर्दा च्योद्।

मत्ती 27:51

च त्हेर्न मन्दिरर्बै पर्दा क्‍वें ङ्हिबाँ फैले ताइले माइ समा ट्होह्‍याइ, धै सयो खइ, पारामैं तियाइ।

मर्कूस 15:38

च तोंदोंन् यरूशलेमरि मन्दिरर्बै पर्दा ताइले माइ समा म्‍हाँजोर्न ङ्हिबाँ फैले टोह्‍याइ।

लूका 23:45

त्हिंयाँ या चारब म्हयाइ। च त्‍हेर्न यरूशलेम सहरर्बै मन्दिरर च्योथेंबै पर्दा क्‍वें या ङ्हिंबाँ फैले म्हाँजोर्न ट्होयाइ।

एफिसी 2:14

छले ख्रीष्‍टजी यहूदीमैं नेरो अरू ह्रेंमैंलाइ क्‍ह्रिल् लमिंइ। स्योंम यहूदीमैंए मन्‍दिरर यहूदी नेरो अरू ह्रेंमैंलाइ फेलबै गारा घ्रि मुँल। दिलेया येशू ख्रीष्‍टजी ह्रोंसए ज्युन् पिंसि च गारा फुवासि यहूदीमैं नेरो अरू ह्रेंमैंलाइ घ्रिन् लवाइ।