प्रस्थान 26:1 - परमेश्‍वरए ताँ तमु क्युइर

¹ “क्हिइ पर्दा च्युउलो झोंबै पबित्र तम्बु बनद्। च पर्दामैं छेनाले रोबै सुति क्वेंला तल् त्हुम्। च क्वेंमैं मु रङ (नीलो), कलेजी नेरो ओल्ग्या रङर्बै रुइ रोब तल् त्हुम्। माराए के लल् ह्रब्मैंइ बनेबै करूबमैं चर थेंन्।

प्रस्थान 26:1 ပူးပေါင်းရင်းမြစ်များ

प्रस्थान 25:18

माराए प्ह्‍या ङ्हिं मुँबै करूबमैं बनेसि मुदुसए छेउ छेउर थेंन्।

प्रस्थान 25:4

नीलो, कलेजी, ओल्ग्या रु, मलमलए क्वें, रए मुइ बनेब क्वें,

प्रस्थान 25:8

“ङ चमैंए म्हाँजोर टिबर चमैंइ ङए ल्हागिर पबित्र तम्बु घ्रि टौंदिल् त्हुम्।

प्रस्थान 26:2

ताँन् पर्दामैं नाप घ्रिर्बै तल् त्हुम्, ताँन् पर्दामैं ङ्हिस्युसे प्रेउरु ह्रिंब, प्लिउरु प्ल्हाब तल् त्हुम्।

प्रस्थान 26:31

“झाइले पबित्र तम्बुए न्होंर सजेबै ल्हागिर, मु रङ, कलेजी रङ, ओल्ग्या रुइ छेनाले ख्रिंबै सुति क्वेंए पर्दा बनेद्। धै सिपालु म्हिइ बनेबै करूबमैं चर थेंल् त्हुम्।

प्रस्थान 26:36

“तम्बुए म्राए ल्हागिर मु रङ, कलेजी रङ, ओल्ग्या रु नेरो छेनाले रोबै सुति क्वेंए बुट्‍टा फ्रिंबै पर्दा बनेद।

प्रस्थान 31:7

छतसि ङ टिबै पबित्र तम्बु, ठिम थेंबै मुदुस, हुबै क्हा नेरो तम्बु सजेबै ताँन् सैमैं, चमैंइ बनेरिगे:

प्रस्थान 35:11

पबित्र तम्बु, तम्बु स्युबै पाल, पाल टौंदिमा चैदिबै छत, अँङ्‍कुसिमैं फैलोमैं, बार थोबै सैमैं, त्होमैं, क्योबै क्ल्ह्‍योमैं;

प्रस्थान 35:35

चमैंइ ताँन् खालर्बै भाँडार बुट्टा झोंब, मु रङर्बै क्वें, कलेजी रङर्बै क्वें, ओल्ग्या रङर्बै क्वें नेरो छेनाले ख्रिंबै सुतिए क्वें रोसि बुट्टा झोंबै केमैं छेनाले लल् खाँरिगे बिसि खीजी चमैंलाइ सिपमैं पिंइमुँ।”

प्रस्थान 35:6

मु रङर्बै क्वें, कलेजी रङर्बै क्वें, ओल्ग्या रु, नेरो छेनाले ख्रिंबै सुतिए क्वें; रए मुइ;

प्रस्थान 36:35

चमैंइ मु रङ, कलेजी रङ, नेरो ओल्गया रुइ रोबै क्वें नेरो छेनाले ख्रिंबै सुतिए क्वेंला पर्दा घ्रि बनेइ, चर बुट्टा झोंल् ह्रब्मैंइ करूबए बुट्टामैं झोंइ।

प्रस्थान 39:3

चमैंइ माराए तारमैं बनेसि च तारइ मु रङ, कलेजी रङ, ओल्ग्या रङ नेरो छेनाले ख्रिंबै सुतिए क्वेंर बुट्टा झोंइ।

प्रस्थान 40:2

“ओंसोंबै म्हैंनर्बै ओंसोंबै त्हिंइर याहवेहए पबित्र तम्बु क्योद्।

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

यूहन्‍ना 2:21

दिलेया खीजी बिबै मन्दिर ह्रोंसए ज्युए बारेर मुँल।

हिब्रू 8:2

धै खेगि क्रथे तसि येशूजी स्‍वर्गर्बै क्ह्रोंसेंन्बै ताँन् भन्दा पबित्र क्ल्ह्‍योरि सेवा लम्। च पबित्र क्ल्ह्‍यो म्‍हिइ बनेब आङिं, दिलेया प्रभु परमेश्‍वरजी बनेब ग।

हिब्रू 9:2

च पबित्र क्ल्ह्‍योए ओंसोंबै कोठार अर्को च्‍योंबै कोठा या मुँल। ओंसोंबै कोठार बत्ति म्रोंबै पानस घ्रि नेरो टेबल घ्रि मुँल। च टेबलए फिर परमेश्‍वरए मिंर पिंबै क्हें थेंमल। च ओंसोंबै कोठाने “पबित्र क्‍ल्‍ह्‍यो” बिमल।

हिब्रू 9:9

चु ताँ तिंजरेबै ल्हागिर नमुना घ्रि ग। चुए मतलब भेटिमैं नेरो परमेश्‍वरए मिंर पिंबै र-क्‍युए ख्रोइ म्‍हिए सैंलाइ ख्रुसि चोखो लल् आखाँ।

दर्शन 19:8

च प्‍ह्रेंस्‍योलाइ खिबै ल्हागिर परमेश्‍वरजी फोस्रे ब्योंबै छ्याँबै मलमलए क्‍वें पिंइ।” (च छ्याँबै मलमलए क्‍वें परमेश्‍वरए म्‍हिमैंए छ्याँबै केमैं ग।)

दर्शन 21:3

धै राजगद्दिउँइँले थेबै कैले छ बिब ङइ थेइ, “तारे परमेश्‍वर म्‍हिमैंने टिब्‍मुँ, झाइले चमैं खीए म्‍हिमैं तब्‍मुँ। परमेश्‍वर खीन् चमैंने तब्‍मुँ, धै खी चमैंए परमेश्‍वर तब्मुँ।