प्रस्थान 25:8 - परमेश्‍वरए ताँ तमु क्युइर

⁸ “ङ चमैंए म्हाँजोर टिबर चमैंइ ङए ल्हागिर पबित्र तम्बु घ्रि टौंदिल् त्हुम्।

प्रस्थान 25:8 ပူးပေါင်းရင်းမြစ်များ

प्रस्थान 15:17

क्हिजी क्हिए म्हिमैं पखसि ह्रोंसए कोंर थेंब्मुँ। ओ याहवेह, च क्ल्ह्‍योर्न क्हिए ल्हागिर टिबै क्ल्ह्‍यो बनेइ, ओ याहवेह, च पबित्र क्ल्ह्‍यो क्हिए योजीन् बनेइ।

प्रस्थान 15:2

याहवेहन् ङए शक्‍ति ग, ङलाइ जोगेमिंब खीन् ग, छतसि ङ खीलाइ क्वे प्रिंब्मुँ। खी ङए परमेश्‍वर ग, ङ खीए सेवा लब्मुँ, खी ङए खेमैंए परमेश्‍वर ग, ङ खीए मिं थेब् लब्मुँ।

प्रस्थान 29:45

इस्राएलीमैंए म्हाँजोर ङ टिब्मुँ, धै चमैंए परमेश्‍वर तब्मुँ।

प्रस्थान 29:46

ङ याहवेह चमैंए परमेश्‍वर ग धै ङ चमैंए म्हाँजोर टिबै ल्हागिर ङइ चमैंलाइ मिश्र ह्‍युलउँइँले तेइ पखइ बिसि चमैंइ सेब्मुँ। ङ याहवेह चमैंए परमेश्‍वर ग।

चेला चिब्मैंए केमैं 7:44

“परमेश्‍वर खोंयोंइ ङ्योने मुँ बिब् था सेरिगे बिसि परमेश्‍वरजी म्हि आटिबै क्ल्ह्‍योर मोशाने थेबै तम्‍बु बनेल् पिंइ। झाइले खीजी नमुना उँइँमिंब् धोंले मोशाइ थेबै तम्‍बु बनेइ।

२ कोरिन्थी 6:16

ङ्यो परमेश्‍वर टिबै क्‍ल्‍ह्‍यो तबइले ङ्योइ कु म्हाँदिल् खाँम्मा? आखाँ! तलेबिस्याँ ङ्योए ज्यु क्ह्रोंसेंन खोंयोंइ तरिबै परमेश्‍वर टिबै क्‍ल्‍ह्‍यो ग। परमेश्‍वरजी ङ्योए बारेर छ बिइमुँ: “ङए म्‍हिमैंने ङ टिब्‍मुँ, झाइले चमैंने प्रब्मुँ। ङ चमैंए परमेश्‍वर तब्‍मुँ, झाइले चमैं ङए म्हिमैं तब्‍मुँ।”

हिब्रू 3:6

दिलेया ख्रीष्‍ट बिस्याँ परमेश्‍वरए च्‍ह मुँल। छतसि ङ्योइ थेंबै आशार लिउँइँ समा खीए फिर भर थेंसि सैं भोंब् लरिस्याँ ङ्यो या परमेश्‍वरए प्हसेमैं तम्।

दर्शन 21:3

धै राजगद्दिउँइँले थेबै कैले छ बिब ङइ थेइ, “तारे परमेश्‍वर म्‍हिमैंने टिब्‍मुँ, झाइले चमैं खीए म्‍हिमैं तब्‍मुँ। परमेश्‍वर खीन् चमैंने तब्‍मुँ, धै खी चमैंए परमेश्‍वर तब्मुँ।