प्रस्थान 25:22 - परमेश्‍वरए ताँ तमु क्युइर

²² चर्न ङ क्हिने त्होब्मुँ। ठिम थेंबै मुदुसए क्हा फिर्बै करूबमैंए म्हाँजोउँइँले इस्राएलथेंमैंए ल्हागिर ङए ताँन् ठिममैं क्हिलाइ पिंब्मुँ।

प्रस्थान 25:22 ပူးပေါင်းရင်းမြစ်များ

उत्पत्ति 18:33

छले याहवेह अब्राहामने ताँ सेल् खाँबै लिउँइँ छाइले ह्‍याइ। अब्राहाम बिस्याँ ह्रोंसए तम्बुर एखइ।

भजनमैं 80:1

ओ इस्राएलए प्ह्रोंछैं, न्ह तोमिंन्! तलेबिस्याँ क्युए बगल धोंले क्हिजी योसेफए सन्तानमैंलाइ डोरेम्। क्हि करूबमैंए म्हाँजोर टिम्, छतसि क्हिए शक्ति उँइँमिंन्।

भजनमैं 80:2

एफ्राइम, बेन्यामीन नेरो मनश्शे बिबै कुलमैंए उँइँर क्हिए शक्ति उँइँमिंन्, धै ङि जोगेमिंबर युमिंन्!

भजनमैं 90:1

ओ प्रभु, पुस्ताउँइँले पुस्ता समा ङिए टिबै क्‍ल्‍ह्‍यो क्हि तमिंइमुँ।

भजनमैं 99:1

याहवेहजी ग्याल्स लम्; छतसि ह्रें-ह्रेंमैं त्हाररिगे! करूबमैंए म्हाँजोर खी क्हुँम्; पृथ्बी लारिगे!

प्रस्थान 20:24

“क्हेमैंइ ङए ल्हागिर सए ख्रो पिंबै क्ल्ह्‍यो बनेसि मिइ ख्रोंबै ख्रोमैं, क्ह्रिमिंबै ख्रोमैं, क्युमैं नेरो खेदोए ख्रोमैं पिंन्। ङए मिंए मान लबै क्ल्ह्‍योजरे ङ युसि क्हेमैंलाइ आशिक पिंब्मुँ।

प्रस्थान 27:21

पबित्र तम्बुर ठिम थेंबै मुदुसए उँइँर्बै पर्दाए बैरु हारून नेरो चए च्हमैंइ याहवेहए उँइँर च बत्तिमैं ङेसउँइँले न्हाँग समा लुँरिल् लल् त्हुम्। इस्राएलीमैंए पुस्ता-पुस्ता समा खोंयोंन् बिलै चु के लल् त्हुब्मुँ।

प्रस्थान 30:36

चु धुप क्हेमैंए ल्हागिर बेल्‍ले पबित्र तल् त्हुम्। छतसि चए तिबाँ त्हुल् तल्‍ले तोंसि च्हौदे ङ टिबै पबित्र तम्बुर ठिम थेंबै मुदुसए ओंसों थेंन्।

प्रस्थान 30:6

चु धुप म्रोबै क्ल्ह्‍यो ठिम थेंबै मुदुसए ओंसों च्योथेंबै पर्दाए ओंसों थेंन्, चर्न ङ क्हिने त्होब्मुँ।

प्रस्थान 31:18

याहवेहजी सिनै कोंर मोशाने ताँ लल् खाँबै लिउँइँ खीए योरिंइ प्ह्रिबै युँमाए प्लना ङ्हिं खीजी मोशालाइ पिंइ।

प्रस्थान 31:6

चलाइ ल्होबर दान कुलर्बै अहीसामाकए च्ह ओहोलीआबलाइया त्हाँइमुँ। धै ङइ क्हिने लद् बिबै तोन्दोंरि सैमैं बनेबर अरू ताँन् के लब्मैंलाइ ङइ सिप पिंइमुँ।