प्रस्थान 24:4 - परमेश्‍वरए ताँ तमु क्युइर

⁴ झाइले मोशाइ याहवेहए ताँन् ताँमैं प्ह्रिइ। धै प्हँन्हाँग्धों न्हाँकर्न रेसि मोशाइ कोंए जरर ख्रो पिंबै क्ल्ह्‍यो घ्रि बनेसि चर इस्राएलए कुल घ्रि-घ्रि ल्हागिर घ्रि-घ्रि लसि च्युसे ङ्हिं युँमा क्योइ।

प्रस्थान 24:4 ပူးပေါင်းရင်းမြစ်များ

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 28:18

याकूब न्हाँकर्न रेसि चइ क्रेगुँ लबै युँमा किंसि त्हो धोंले क्योइ, धै चए च्होर छ्युगु युमिंइ।

उत्पत्ति 28:22

झाइले ङइ त्हो धोंले क्योथेंबै चु युँमा परमेश्‍वरए धिं तब्मुँ। धै क्हिजी ङलाइ पिंबै तोन्दोंरि सैमैंउँइँले च्युबाँर्बै तिबाँ ङइ खैलेबिलेन् क्हिए मिंर पिंब्मुँ।”

उत्पत्ति 31:45

झाइले याकूबइ युँमा घ्रि पखसि त्हो धोंले क्योइ।

प्रस्थान 17:14

च लिउँइँ याहवेहजी मोशाने बिइ, “चु ताँ मैंबै ल्हागिर कापिर प्ह्रिथेंन्। ङइ चु ह्‍युलउँइँले अमालेकीमैंए मिं क्ह्रन् म्हवाम् बिसि यहोशूने बिद्।”

प्रस्थान 17:15

मोशाइ चर ख्रो पिंबै क्ल्ह्‍यो घ्रि बनेसि चए मिं “याहवेह ङए ताच्यैं (झन्डा) ग” थेंइ।

प्रस्थान 21:1

“तारे ङइ क्हेमैंए ल्हागिर पिंबै ठिममैं चुन् ग।

प्रस्थान 24:7

च लिउँइँ मोशाइ याहवेहजी ल्हैदिबै ताँ प्ह्रिबै कितब किंसि म्हिमैंए उँइँर थेबै कैले खेमिंमा “याहवेहजी ल्हैदिबै ताँन् ताँमैं ङिं लब्मुँ,” बिसि चमैंइ बिइ।

प्रस्थान 28:21

इस्राएलए कुल ङो सेबै ल्हागिर च च्युसे ङ्हिं मणिर याकूबए च्युसे ङ्हिं च्हमैंए मिं घ्रि-घ्रिले खोप्दिद्।

प्रस्थान 34:27

याहवेहजी मोशाने बिइ, “चु ताँमैं प्ह्रिद्, तलेबिस्याँ चु ताँ धोंलेन् क्हि नेरो इस्राएलीमैंने ङइ बाछा फैइमुँ।”

लूका 22:30

झाइले क्‍हेमैं या ङए ग्याल्सर ङने बालु चल् योंब्‍मुँ, थुँल् योंब्‍मुँ। धै राजगद्दिर क्हुँसि इस्राएलर्बै च्युसे ङ्हिं कुलए निसाफ लब्‍मुँ।”

गलाती 2:9

याकूब, पत्रुस नेरो यूहन्‍ना बिश्‍वासीमैं न्होंर्बै चिब्मैं मुँल। परमेश्‍वरए दयाम्हाँया ङए फिर मुँबइले ङइ छ्याँबै के लइमुँ बिब् चमैंइ क्होसि ङ नेरो बारनाबासलाइ खेंमैंने संगतिर घ्रि तल् पिंइ। छले खेंमैंइ यहूदीमैं न्होंर, ङिइ अरू ह्रेंमैं न्होंर परमेश्‍वरए के लबै ल्हागिर चमैं ङिने सैं क्ह्रिइ।

दर्शन 21:14

च सहरर्बै बानुए तेंजरे च्युसे ङ्हिं थे-थेबै युमाँ मुँल, धै चए फिर क्‍यु च्हजए च्युसे ङ्हिं चेला चिब्मैंए मिं प्‍ह्रिल।