प्रस्थान 24:18 - परमेश्‍वरए ताँ तमु क्युइर

¹⁸ मोशा न्हाँम्स्यो न्होंउँइँले कोंर ह्‍याइ, धै प्लिच्यु त्हिंइ प्लिच्यु म्हुँइँस चर टिइ।

प्रस्थान 24:18 ပူးပေါင်းရင်းမြစ်များ

प्रस्थान 19:20

झाइले याहवेह सिनै कोंए च्होर युसि मोशालाइ कोंए च्होर हुइ। छतसि मोशा कोंर क्रेसि ह्‍याइ।

प्रस्थान 24:17

इस्राएलीमैंइ कोंए च्होर ङ्‍ह्‍योमा याहवेहए ह्‍वे लुँरिबै मि धों तब् म्रोंल।

प्रस्थान 25:1

याहवेहजी मोशाने बिइ,

प्रस्थान 32:1

मोशा कोंउँइँले युब क्हैन् लब म्रोंसि इस्राएलीमैं हारून ङाँर खागु तसि “ङिलाइ मिश्र ह्‍युलउँइँले तेइ पखबै मोशालाइ तो तइ ङिइ आसे। छतसि रेद्, ङिए ओंसों-ओंसों घ्याँ तेंबर देवता घ्रि बनेमिंन्,” बिबर होंइ।

प्रस्थान 34:28

मोशा सिनै कोंर याहवेहने बालु प्लिच्यु त्हिंइ प्लिच्यु म्हुँइँस तोइ आचल्‍ले तोइ आथुँल्‍ले टिसि युँमाए प्लनामैंर बाछा फैबै ताँमैं, अथवा म्हिमैंइ ललन् त्हुबै “च्युउलो ताँमैं” प्ह्रिइ।

प्रस्थान 9:29

मोशाइ म्रुँने बिइ, “ङ सहरउँइँ त्होंह्‍याबै तोंदोंन् ङइ याहवेह ङाँइ ह्रोंसए यो स्योंब्मुँ, झाइले मु ङ्‍हेब नेरो तिस्यु युब टियाब्मुँ। छले पृथ्‍बी याहवेहलन् ग बिसि क्हिइ सेब्मुँ।

प्रस्थान 9:33

झाइले मोशा फारो ङाँइले त्होंसि सहर बैरु ह्‍यासि याहवेह ङाँइ ह्रोंसए यो स्योंमा मु ङ्‍हेब नेरो तिस्यु युब टियाइ, धै नाँ या टियाइ।

हितोपदेश 28:1

खाबज्यै आल्हालैया दुष्‍ट म्हि न्हेयाम्, दिलेया ठिक के लबै म्हिमैं बिस्याँ सिंह धोंले आङ्हिंल्‍ले टिरिम्।

मत्ती 4:2

चर प्लिच्‍यु त्हिंइ प्लिच्यु म्हुँइँस समा बर्त टिमा येशूलाइ फो ख्रेंइ।

मर्कूस 1:13

च क्‍ल्‍ह्‍योर दुष्‍टइ प्लिच्यु त्हिंइ समा खीलाइ पापर च्होवाल् म्हैइ। खी क्ह्‍योंर्बै खेदोमैंने टिल् त्हुमा स्‍वर्गदूतमैं युसि खीलाइ ल्होमिंइ।

लूका 4:2

येशू चर प्लिच्‍यु त्हिंइ समा टिमा दियाबलस बिबै दुष्‍ट जाँच लबर चर खइ। च्‍हौ त्हिंइ समा तोइ आचन्‍ले टिमा येशूलाइ फो ख्रेंल।