प्रस्थान 24:15 - परमेश्‍वरए ताँ तमु क्युइर

¹⁵ छ बिसि मोशा सिनै कोंर ह्‍यामा न्हाँम्स्योइ कों हुवाइ।

प्रस्थान 24:15 ပူးပေါင်းရင်းမြစ်များ

प्रस्थान 19:16

नोगिम्धों न्हाँग तमा कोंर गड्‌याङगुडुङ तइ, धै काम्‍लि तिम्‍लि रासि कोंर रुँदो न्हाँमस्यो राइ, धै बेल्‍ले ङ्‍हेबै थुतुरिए कै थेइ। छतमा ब्यारेकर मुँबै ताँन् म्हिमैं ङ्हिंसि थरथर त्हारइ।

प्रस्थान 19:20

झाइले याहवेह सिनै कोंए च्होर युसि मोशालाइ कोंए च्होर हुइ। छतसि मोशा कोंर क्रेसि ह्‍याइ।

प्रस्थान 19:9

याहवेहजी मोशाने बिइ, “थेद्, ङ क्हिने ताँ लब म्हिमैंइ थेरिगे धै खोंयोंन् बिलै या क्हिए फिर बिश्‍वास लरिगे बिसि ङ क्हि ङाँर रुँदो न्हाँम्स्योर युब्मुँ।” म्हिमैंइ बिबै ताँ मोशाइ याहवेहने बिमा

प्रस्थान 24:16

याहवेहए चारबै ह्‍वे सिनै कोंर चारइ। ट्हुगैं समा न्हाँम्स्योइ कों हुवाइ, धै ङिगैंर याहवेहजी न्हाँम्स्यो न्होंउँइँले मोशालाइ हुइ।

मत्ती 17:5

पत्रुसइ छले ताँ लनालन् चारबै न्‍हाँम्‍स्योइ खेमैंलाइ हुवाइ। धै “चु ङइ खोबै च्‍ह ग। चु म्रोंसि ङ बेल्‍ले सैं तोंइमुँ। चइ बिबै ताँ छेनाले थेद्!” बिबै कै च न्‍हाँम्‍स्यो न्‍होंउँइँले थेइ।