प्रस्थान 24:14 - परमेश्‍वरए ताँ तमु क्युइर

¹⁴ मोशाइ च चिब्मैंने बिइ, “ङि एसि आयुन् समा ङिलाइ चुर्न प्रेंरिद्। हारून नेरो हुर क्हेमैंनेन् तब्मुँ। खाबलैया तोइ ताँ आक्ह्रिस्याँ चमैं ङाँर ह्‍याद्।”

प्रस्थान 24:14 ပူးပေါင်းရင်းမြစ်များ

उत्पत्ति 22:5

धै अब्राहामइ चए केब्छैंमैंने बिइ, “क्हेमैं चुर गधा ङाँर टिरिद्। ङ नेरो चु कोलो ताइ ह्‍यासि ख्रो पिंसि क्हेमैं ङाँर्न एयुम्।”

प्रस्थान 17:10

मोशाइ बिब् धोंले यहोशूइ लइ, धै अमालेकीमैंने नेबर होंइ। मोशा, हारून नेरो हुर बिस्याँ कोंए फिर ह्‍याइ।

प्रस्थान 17:12

मोशाए यो नारमा हारून नेरो हुरइ युँमा घ्रि पखसि चए न्होंर थेंमिंमा च चए फिर क्हुँइ। धै हारून नेरो हुरइ घ्रि तिराइ घ्रि तिराइ रासि चए ह्‍योरमिंइ। त्हिंयाँ आलिन् समा चए यो कैंडोन् क्वेरिइ।

प्रस्थान 18:16

चमैं न्होंरि आक्ह्रिबै ताँमैं तोइ मुँस्याँ चमैं ङ ङाँर खम्, धै ङ चमैंए म्हाँजोरि निसाफ लमिंब्मुँ। छलमा ङइ चमैंने परमेश्‍वरए ठिममैं बिमिंब्मुँ।”

प्रस्थान 32:1

मोशा कोंउँइँले युब क्हैन् लब म्रोंसि इस्राएलीमैं हारून ङाँर खागु तसि “ङिलाइ मिश्र ह्‍युलउँइँले तेइ पखबै मोशालाइ तो तइ ङिइ आसे। छतसि रेद्, ङिए ओंसों-ओंसों घ्याँ तेंबर देवता घ्रि बनेमिंन्,” बिबर होंइ।