20 “ङ्ह्योद्, क्हेमैंलाइ घ्याँर जोगेबर नेरो ङइ तयार लबै क्ल्ह्योर क्हेमैंलाइ सथेंनेबर ङइ क्हेमैंए ओंसो-ओंसो स्वर्गदूत घ्रि कुलब्मुँ।
च त्हिंइर्न याहवेहजी अब्रामने छ बिसि बाछा फैइ, “मिश्र ह्युलर्बै स्योंउँइँले यूफ्रेटिस बिबै थेबै स्यों समार्बै चु ताँन् ह्युलै या ङइ क्हिए प्हसेमैंलाइ पिंइमुँ।
चइ ङने बिइ, ‘ङ याहवेहए सेवा लबै म्हि ग। छतसि खीजीन् ह्रोंसए स्वर्गदूत क्हिने बालु कुलब्मुँ, छले कुलमा क्हिए के छ्याँब तब्मुँ। धै ङए ङेंमैं नेरो ङए आबाए धिंउँइँले ङए च्हए ल्हागिरि क्हिइ प्ह्रेंस्यो घ्रि पखब्मुँ।
ङए आबाए धिं नेरो ङए ह्युलउँइँले ङलाइ पखबै स्वर्ग नेरो पृथ्बीर्बै याहवेह परमेश्वरजी कसम चसि ‘ङइ क्हिए सन्तानलाइ चु ह्युल पिंब्मुँ,’ बिसि ङने बाछा फैइमुँ। छतसि ङए च्हए ल्हागिर क्हिइ च क्ल्ह्योउँइँले प्ह्रेंस्यो घ्रि पखल खाँरिगे बिसि खीजीन् ह्रोंसए स्वर्गदूत क्हिए ओंसों ओंसों कुलब्मुँ।
ङलाइ ताँन् दुःखउँइँले फ्रेमिंबै स्वर्गदूतइ चुमैंए फिर आशिक पिंरिगे! चु कोलोमैंने ङए बाज्यु अब्राहाम, ङए आबा इसहाक नेरो ङए मिं आम्हरिगे। पृथ्बीर चुमैंल ल्हें-ल्हें सन्तानमैं तरिगे।”
तलेबिस्याँ प्रबै घ्याँजरे क्हिलाइ जोगेबर खीजी ह्रोंसए स्वर्गदूतमैं कुलब्मुँ।
झाइले इस्राएलर्बै सिपाइमैंए ओंसों-ओंसों प्रबै परमेश्वरए दूत स्योसि चमैंए लिग्याँइ ह्याइ, धै न्हाँम्स्योए त्हो या चमैंए ओंसोंउँइँले स्योसि चमैंए लिग्याँइ राइ।
ओ याहवेह, क्हिए म्हिमैं क्योंजा अतर्दिन् समा क्हिजी मिश्रउँइँले फ्रेसि पखबै म्हिमैं क्योंजा आह्यान् समा, च ह्रेंमैं ङ्हिंसि त्हारमा क्हिए योर्बै भोंजी चमैं युँमा धोंले क्ल्ह्यो घ्रिर्न टिम्।
क्हिजी क्हिए म्हिमैं पखसि ह्रोंसए कोंर थेंब्मुँ। ओ याहवेह, च क्ल्ह्योर्न क्हिए ल्हागिर टिबै क्ल्ह्यो बनेइ, ओ याहवेह, च पबित्र क्ल्ह्यो क्हिए योजीन् बनेइ।
ङए दूत क्हेमैंए ओंसो-ओंसो ह्यासि एमोरी, हित्ती, परिज्जी, कनानी, हिव्वि नेरो यबूसीमैंए ह्युलर क्हेमैं सथेंनेब्मुँ, धै ङइ चमैंए मिं क्ह्रन् मेटिमिंब्मुँ।
तारे ह्याद्! ङइ बिबै क्ल्ह्योर म्हिमैंलाइ घ्याँ तेंसि बोद्। ङए दूतमैं क्हिए ओंसों-ओंसों ह्याब्मुँ। दिलेया चमैंलाइ सजैं पिंबै त्हे खबै लिउँइँ चमैंए पापए दण्ड ङ पिंब्मुँ।”
छबिमा याहवेहजी बिइ, “ङ क्हिने बालुन् ह्याब्मुँ, धै क्हिलाइ भों न्हल् पिंब्मुँ।”
क्हेमैंए ओंसों-ओंसों दूत घ्रि कुल्मिंब्मुँ, धै कनानी, एमोरी, हित्ती, परिज्जी, हिव्वी नेरो यबूसीमैंलाइ ल्हाब्मुँ।
झाइले म्रुँजी ह्रोंसए क्योलो हारबै म्हिमैंने ‘खो, ङए आबाउँइँले आशिक योंबै म्हिमैं, ह्युल बनेब् ओंनोंन् क्हेमैंए ल्हागिर बनेथेंबै ग्याल्सर क्ल्हे लबर खो,’ बिब्मुँ।
ङ ह्यासि क्हेमैंए ल्हागिर क्ल्ह्यो तयार लल् खाँबै लिउँइँ ङ धबै युब्मुँ, धै क्हेमैं ङ ङाँर बोयाब्मुँ। झाइले ङ टिबै क्ल्ह्योर क्हेमैं या टिल् योंब्मुँ।