प्रस्थान 23:19 - परमेश्‍वरए ताँ तमु क्युइर

¹⁹ “क्हेमैंए म्रोंर ताँन् भन्दा ओंसों रोबै छ्याँबै रो ह्रोंसए याहबेह परमेश्‍वरए धिंर पखो। “र बोक्याए से चए आमाए ङ्‍हेर आह्‍योद्।

प्रस्थान 23:19 ပူးပေါင်းရင်းမြစ်များ

प्रस्थान 22:28

“परमेश्‍वर आस्यारद्, छलेन क्हेमैंए फिर्बै चिब्मैंलाज्यै या सराप आझोंन्।

प्रस्थान 22:29

“क्हेमैंए म्रोंर्बै रोमैं नेरो अँगुरए खुगु परमेश्‍वरए मिंर पखबर क्हैन् आलद्। “क्हेमैंए च्ह थेब ङए ल्हागिर पिंन्।

प्रस्थान 34:26

“क्हेमैंए म्रोंर्बै धाँसे ओंसों रोबै छ्याँबै रा-रोमैं ह्रोंसए याहवेह परमेश्‍वरए धिंर पखो। “र बोक्याए से चए आमाए ङ्‍हेर आह्‍योद्।”

हितोपदेश 12:10

ठिक के लबै म्हिइ ह्रोंसए खेदोमैं वास्ता लम्, दिलेया दुष्‍ट म्हिमैंइ ह्रोंसए खेदोमैं ल्हयो आख।

हितोपदेश 3:9

क्हिए सै न्होर नेरो म्रोंउँइँले खबै रा-रोए फुइ याहवेहए मिंर थेंसि खीए मान लद्;

१ कोरिन्थी 15:20

दिलेया छ बिब आत! ख्रीष्‍ट सिबउँइँले धबै सोगों तब क्‍ह्रोसेंन् ग। सियाब्‍मैं न्‍होंरि ताँन् भन्दा ओंसों येशू सिबउँइँले सोगों तइ। छतसि सिसि न्‍हरु च्‍हुइरिब्‍मैं धबै सोगों तब्मुँ बिबै प्रमाण येशू ख्रीष्‍टन् ग।

दर्शन 14:4

चुमैं च्हमिरिमैंने आन्‍होंल्‍ले टिब्‍मैं ग। क्‍यु च्हज खनि खनि ह्‍यामुँ, चुमैं या खीए लिलिन् ह्‍यामल। चुमैं परमेश्‍वर नेरो क्‍यु च्हजए ल्हागिर म्हिमैंए न्होंउँइँले खासि ओंसोंबै रोए फुइ धोंले त्हाँब्मैं ग।