प्रस्थान 22:29 - परमेश्‍वरए ताँ तमु क्युइर

²⁹ “क्हेमैंए म्रोंर्बै रोमैं नेरो अँगुरए खुगु परमेश्‍वरए मिंर पखबर क्हैन् आलद्। “क्हेमैंए च्ह थेब ङए ल्हागिर पिंन्।

प्रस्थान 22:29 ပူးပေါင်းရင်းမြစ်များ

प्रस्थान 13:12

क्हेमैं ताँनइ च्ह थेब याहवेहलाइ पिंन्। क्हेमैंए खेदोमैंइ ओंसों फिबै त्होबामैं या ताँन् याहवेहए ल्हागिर्न तब्मुँ।

प्रस्थान 13:2

“इस्राएलीमैं न्होंर्बै म्हिमैंए च्ह थेब्मैं नेरो खेदोए ओंसों फिबै त्होब ङल् ग। छतसि ङलाइ पिंन्।”

प्रस्थान 23:15

क्हेमैंइ प्लेढा आझोंबै क्हें चबै चाड म्हाँदिद्। ङइ क्हेमेंने बिब् धोंले आबीब म्हैंनर बिबै त्हेर ङिगैं समा प्लेढा आझोंबै क्हें चद्, तलेबिस्याँ चु म्हैंनर्न क्हेमैं मिश्र ह्‍युलउँइँले त्होंइ खब् ग। क्हेमैं ङ ङाँर खमा यो क्होत्‍ते आखो।

प्रस्थान 23:16

“अर्को, क्हेमैंइ म्रोंर प्लुसि खबै ओंसोंबै रो परमेश्‍वरए मिंर पिंसि बालि खैंबै चाड म्हाँदिद्। “अर्को, ह्रोंसइ रुँइँबै रो ह्रोंसए म्रोंउँइँले खुमा बालि ङ्‍हेरबै चाड म्हाँदिद्।

प्रस्थान 23:19

“क्हेमैंए म्रोंर ताँन् भन्दा ओंसों रोबै छ्याँबै रो ह्रोंसए याहबेह परमेश्‍वरए धिंर पखो। “र बोक्याए से चए आमाए ङ्‍हेर आह्‍योद्।

प्रस्थान 34:19

“च्ह थेब्मैं नेरो क्हेमैंए खेदोमैंइ ओंसों फिबै त्होबामैं, भालेमैं ङलन् ग।

प्रस्थान 34:20

दिलेया गदाइ ओंसों फिबै प्हसेए साटोर क्यु झजा पिंसि स्यो लद्। चलाइ स्यो आलस्याँ चए खरि चुवाद्। ह्रोंसए च्ह थेब्मैंलायै या तो मुँले सै पिंसि स्यो लद। “खाबै या भेटि आपल्‍ले ङ ङाँर खल् आत।

मत्ती 6:33

बरु ओंसों क्हेमैंए सैं परमेश्‍वरए ग्याल्सउँइँ ल्‍हैदिद्, खीजी बिब् धोंले ताँन् लद्। धै खीजी चु ताँन् सैमैं क्हेमैंलाइ थप्दिमिंब्मुँ।

रोमी 8:23

सृष्‍टि मत्‍त्रे आङिं, ङ्योज्‍यै या दुःखए सो सेंसिन् परमेश्‍वरए घ्‍याँ ङ्‌ह्‍योरिइमुँ। परमेश्‍वरजी लिउँइँ पिंबै ताँन् आशिकए फुइ तोगोइन खीए पबित्र प्ल्ह ङ्योए ल्हागिर पिंइमुँ। छतमा खीजी ङ्योलाइ खीए च्‍ह-च्हमिमैं लमिंसि जोगेमिंब्मुँ बिसि ङ्योइ घ्‍याँ ङ्‌ह्‍योरिइमुँ।

याकूब 1:18

खीजी बनेबै ताँन् सैमैं न्‍होंर ङ्यो ओंसोंबै रो धों तरिगे बिसि खीए सैंर मैंब् धोंले खीए क्‍ह्रोंसेंन्‍बै ताँउँइँले ङ्यो खीए प्‍हसेमैं तल् पिंइ।