प्रस्थान 22:23 - परमेश्‍वरए ताँ तमु क्युइर

²³ क्हेमैंइ लुडिसि चमैंइ ङने ग्वार ह्रिमा ङइ चमैंए ताँ थेब्मुँ।

प्रस्थान 22:23 ပူးပေါင်းရင်းမြစ်များ

भजनमैं 10:14

दिलेया ओ परमेश्‍वर, क्हिजी दुःख योंब्मैंए दुःख म्रोंमुँ, क्हिजी चमैंए दुःख ह्रोंसए योर्न किंमुँ, दुःख योंब्मैं ताँन् क्हिए प्हलेर्न खमुँ, खाबै आरेब्मैंलाइ ल्होमिंब क्हिन् ग।

भजनमैं 140:12

आगुइ क्र ओलै आपिंब्मैंए ख लसि याहवेहजी मुद्दा नेमिंम्, धै ङ्हाँदुमैंए ठिक निसाफ लमिंब्मुँ बिसि ङ सेइमुँ।

भजनमैं 145:19

खीने बालु ङ्हिंब्मैं ताँनए सैंर मैंब खीजी पूरा लमिंम्; चमैंइ हुइब खीजी थेमुँ धै चमैंलाइ जोगेमिंम्।

भजनमैं 18:6

ङए सैंरै आमैंबै दुःखमैं ङए फिर तखमा ङइ याहवेहने ग्वार ह्रिइ, छले ल्होमिंन् बिसि ङए परमेश्‍वरलाइ हुइमा खीजी ह्रोंसए टिबै क्ल्ह‍योउँइँले ङए ताँ थेमिंइ।

भजनमैं 68:5

ह्रोंसए पबित्र क्‍ल्‍ह्‍योर टिबै परमेश्‍वर आबा आरेब्मैंए आबा ग, धै खीजी म्हरेस्योमैंलाइ रक्षा लमिंम्।

प्रस्थान 22:27

तलेबिस्याँ चल नेंबै क्वें च घ्रि मत्‍त्रे ग। च घ्रि या क्हिइ थेंवास्याँ च तो नेंसि रोब? छतसि चइ ङने ग्वार ह्रिइ बिस्याँ ङ चए ताँ थेब्मुँ, तलेबिस्याँ ङइ ल्हयो खमुँ।

लूका 18:7

छलेन परमेश्‍वरजी त्हाँबै म्हिमैंइ त्हिंयाँ म्हुँइँस खीने प्राथना लब्मैंए निसाफ खीजी आलमिं रो वा? क्हेमैंए ल्हागिर निसाफ लमिंबर खीजी क्हैल् लम् रो वा?

याकूब 5:4

म्रोंर के लबै म्रोंमैंलाइ पिंल् त्हुबै नों सै क्‍हेमैंइ आपिंइमुँ। च नों सैइ क्हेमैंए फिर छ्याब् ल्हैदिइमुँ। ताँन् भन्दा थेबै भों मुँबै परमेश्‍वरजी क्‍हेमैंए म्रोंमैंए सैं क्रोब थेल् खाँइमुँ।