प्रस्थान 22:14 - परमेश्‍वरए ताँ तमु क्युइर

¹⁴ “खाबज्यै ह्रोंसए ङ्‍हेब्मैंउँइँले खेदो ङैसि बोमा क्ल्याए क्ल्हे आरेमा क्ल्या नें म्योंइ अथवा सियाइ बिस्याँ, ङैबै म्हिइ चए खि पिंरिगे।

प्रस्थान 22:14 ပူးပေါင်းရင်းမြစ်များ

भजनमैं 37:21

दुष्‍ट म्हिमैंइ छे किंमुँ, धै चमैंइ छे आफो, दिलेया ठिक के लबै म्हिंमैंइ बिस्याँ थेबै सैंले पिंम्।

प्रस्थान 21:34

च इनार बनेबै म्हिइ क्ल्या अथवा गदाए क्ल्हेलाइ मुइ पिंसि च सियाबै खेदो चइन योंरिगे।

प्रस्थान 22:11

ह्रोंसए ङ्‍हेब्मैंए सैमैं ङइ आछुइमुँ बिसि याहवेहए ओंसों कसम चसि चमैं ङ्हिंए न्होंरि आक्ह्रिबै ताँ क्ह्रिरिगे। धै खेदोए क्ल्‍हेइ च ताँ ङिंरिगे, छलमा ङ्‍हेब्मैंए सै थेंबै म्हिइ खि फोल् आत्हु।

प्रस्थान 22:13

क्ह्‍योंर्बै चें भलुइ खेदोलाइ सैवाइ बिस्याँ, च खेदो थेंबै म्हिइ खेदोए सिनु फखसि उँइँल् त्हुब्मुँ। धै च खेदो चें भलुइन सैवाब् ग बिस्याँ खेदो थेंबै म्हिइ खि फोल् आत्हु।

प्रस्थान 22:15

दिलेया क्ल्याए क्ल्‍हे क्ल्यानेन् मुँस्याँ ङै बोबै म्हिइ चए खि फोल् त्हुरिब् आरे। च खेदो नों सै फोसि पखब् ग बिस्याँ, चए नोक्सन् तब नों सैन पूरा लब्मुँ।

मत्ती 5:42

म्हिमैंइ क्‍हिने तोइ ह्रिसयाँ पिंन्, धै क्‍हिने छे ह्रिब्मैंलाइ ‘आपिं!’ आबिद्।

लूका 6:35

छले आङिं, ह्रोंसए शत्तुरमैंलाज्यै या म्‍हाँया लद्, चमैंए फिर ल्हयो खद्, एल् आखाँबै म्‍हिमैंलाज्यै या छे पिंन्। छलस्याँ परमेश्‍वरङाँइँले क्‍हेमैंइ थेबै इनाम योंब्‍मुँ। धै क्‍हेमैं ताँन् भन्दा थेबै परमेश्‍वरए च्ह-च्हमि ठर्दिब्‍मुँ, तलेबिस्याँ परमेश्‍वरजी बैगुनिमैं नेरो दुष्‍टमैं फिर ल्हयो खम्।