प्रस्थान 20:5 - परमेश्‍वरए ताँ तमु क्युइर

⁵ चमैंए ओंसों आकुरद्, चमैंए पूजा आलद्, तलेबिस्याँ क्हेमैंए याहवेह परमेश्‍वर ङ ह्रिस लबै परमेश्‍वर ग। ङलाइ छेरब्मैंए पुस्ता सों, प्लि समा दण्ड पिंब्मुँ,

प्रस्थान 20:5 ပူးပေါင်းရင်းမြစ်များ

भजनमैं 109:14

चए खेबाज्युइ लबै आछ्याँबै केमैं याहवेहजी मैंरिगे, धै चए आमाइ लबै पाप खोंयोंइ आमेटिरिगे!

भजनमैं 78:58

नुबै कोंजरे पूजा लबै क्‍ल्‍ह्‍यो बनेसि चमैंइ खीलाइ ह्रिस खल् लइ; धै चमैंइ कुमैं बनेसि फ्योइ, छतसि खी थेबै ह्रिस खइ।

भजनमैं 79:8

ङिए खेमैंइ लबै पापए हिसाब ङिने आकिंन्; ङिए फिर क्हिजी युनन् ल्हयो खमिंन्, तलेबिस्याँ ङिलाइ क्हिए थेबै खाँचो मुँ।

भजनमैं 81:15

याहवेहलाइ तो धोंइ आङ्हाँब्मैं खी म्रोंसि ङ्हिंमल, दिलेया चमैंइ खोंयोंन् बिलै दण्ड योंरिल् त्हुमल।

प्रस्थान 23:24

चमैंए देवतामैं पूजा लसि आफ्योद्, चमैंए छ्यार लब् धोंले आलद्, चमैंए देवतामैं फतिवाद्, चमैंए पबित्र युँमामैं या फतिवाद्।

प्रस्थान 34:14

क्हेमैंइ अरू देवतामैंए पूजा आलद्, तलेबिस्याँ ङ याहवेह ह्रिस लबै परमेश्‍वर ग।

हितोपदेश 8:36

दिलेया ङने त्होल् आम्हैबै म्हिइ ह्रोंसलाइन नास लम्; ङलाइ हेल लबै म्हिइ कालने म्हाँया लम्।”

मत्ती 4:9

खीने बिइ, “क्‍हिजी पद्खु तसि ङलाइ फ्‍योइ बिस्‍याँ ङइ चु ताँन् सैमैं क्हिलाइ पिंस्यो।”

यूहन्‍ना 15:18

“ह्‍युलर्बै म्हिमैंइ क्‍हेमैं प्ह्रइ बिस्‍याँ, क्हेमैं प्ह्रब् भन्दा ओंसों चमैंइ ङलाइ प्ह्रब् ग बिसि क्हेमैंइ मैंन्।

यूहन्‍ना 7:7

चु ह्‍युलर्बै म्हिमैंइ क्‍हेमैंलाइ हेल् आल, दिलेया ङलाइमि हेल् लम्, तलेबिस्याँ चमैंइ लबै केमैं आछ्याँब मुँ बिसि ङइ बिमिंम्।

यूहन्‍ना 9:2

छाब् म्रोंसि खीए चेलामैंइ खीने, “गुरु, चु म्हि फिब् ओंनोंबै तले कन तगे? खाबइ पाप लगे? चुइ उ चुए आबा-आमाइ पाप लगे?” बिसि ङ्योएमा।

रोमी 1:30

आगुलाइ स्यारब, परमेश्‍वरलाइ आम्हाँदिब, खाबलाज्यै या म्‍हि आलब, थेब् प्‍हैंब, पाप केमैं लदै प्रब, आबा-आमाइ बिबै ताँ आङिंब,

रोमी 8:7

छतसि ओंसोंबै बानिए लिलि प्रब्मैं परमेश्‍वरए शत्तुर ग, तलेबिस्याँ चमैंइ ठिमर्बै ताँ आम्हाँदि, म्हाँदिलै या आखाँ।

१ कोरिन्थी 10:22

क्हेमैंइ छाबै ताँ क्‍होसे या अझै प्रभुलाइ ह्रिस खल् लब् वा? प्रभु भन्दा ङ्यो भोंब मुँ ङ्हाँइमुँ वा?

याकूब 4:4

ओ ब्यभिचारिमैं, चु ह्‍युलर्बै आछ्याँबै सैए फिर क्हेमैंए सैं ह्‍यास्याँ क्‍हेमैं परमेश्‍वरए ताँ आङिंब्मैं तम् बिब क्हेमैंइ आसे वा? परमेश्‍वर आम्हाँदिब्‍मैंने प्रबै म्हिइ ह्रोंसलाइन परमेश्‍वरए शत्तुर लवाम्।