प्रस्थान 20:2 - परमेश्‍वरए ताँ तमु क्युइर

² “ङ याहवेह क्हेमैंए परमेश्‍वर ग, क्हेमैं केब्छैंमैं तसि टिबै मिश्र ह्‍युलउँइँले ङइन तेसि पखइ।

प्रस्थान 20:2 ပူးပေါင်းရင်းမြစ်များ

भजनमैं 50:7

“ओ ङए म्हिमैं, ङ पोंमुँ, ङए ताँ थेद्!” बिसि परमेश्‍वरजी बिम्। “ओ इस्राएल, ङ परमेश्‍वर ग, ङ क्हिए परमेश्‍वर ग। ङ क्हिए बिरोधर पोंब्मुँ:

भजनमैं 81:10

ङ याहवेह क्हेमैंए परमेश्‍वर ग, क्हेमैंलाइ मिश्र ह्‍युलउँइँले ङइ तेसि पखइ। क्हेमैंए सुँ आँ लद्, ङइ म्रेंन्ले चल् पिंब्मुँ।

भजनमैं 81:11

“दिलेया ङ‍ए म्हिमैंइ ङइ बिबै ताँ थेल् आङिं; इस्रएल ङए न्होंर टिल् आङिं।

भजनमैं 81:7

दुःख तमा क्हेमैंइ ङने ग्वार ह्रिइ, धै क्हेमैंए दु:खउँइँले ङइ फ्रेमिंइ। मु ङ्हेबै क्‍ल्‍ह्‍योउँइँले खाबज्यै आम्रोंल्‍ले ङइ क्हेमैंलाइ ज्वाफ पिंइ; मेरिबार त्होंखबै क्युर ङइ क्हेमैंए जाँच लइ। तियाँदे मैंन्

प्रस्थान 13:14

प्हँना लिउँइँ क्हेमैंए च्हमैंइ तले छ लब् जा बिसि क्हेमैंने ङ्योए बिस्याँ, च त्हेर क्हेमैंइ चमैंने छले बिद्, ‘याहवेहजी ङिलाइ केब्छैं तसि टिल् त्हुबै मिश्र ह्‍युलउँइँले ह्रोंसए शक्‍तिए योजी तेइ पखमिंइ।

प्रस्थान 13:3

झाइले मोशाइ म्हिमैंने बिइ, “क्हेमैं केब्छैं तसि टिबै मिश्र ह्‍युलउँइँले त्होंइ खबै चु त्हिंइ क्हेमैंइ मैंथेंन्, तलेबिस्याँ याहवेहजी ह्रोंसए योए शक्‍तिजी क्हेमैं च क्ल्ह्‍योउँइँले तेइ पखइ। च त्हिंइर प्लेढा झोंबै क्हें आचद्।

प्रस्थान 15:13

क्हिए खोंयोंन् बिलै आखाँबै म्हाँयार क्हिजी मिश्रउँइँले फ्रेमिंबै म्हिमैं डोरेब्मुँ। क्हिजी ह्रोंसए भोंउँइँले चमैं क्हिए पबित्र क्ल्ह्‍योर डोरेब्मुँ।

प्रस्थान 15:16

ओ याहवेह, क्हिए म्हिमैं क्योंजा अतर्दिन् समा क्हिजी मिश्रउँइँले फ्रेसि पखबै म्हिमैं क्योंजा आह्‍यान् समा, च ह्रेंमैं ङ्हिंसि त्हारमा क्हिए योर्बै भोंजी चमैं युँमा धोंले क्ल्ह्‍यो घ्रिर्न टिम्।

प्रस्थान 15:26

खीजी बिइ, “क्हेमैंइ ङए ताँ छेनाले थेसि ङइ बिबै ताँन् ताँमैं नेरो ङए ठिममैं म्हाँदिइ बिस्याँ, ङइ मिश्रीमैं फिर कुलब् धों तबै नब-छबमैं घ्रि या क्हेमैंए फिर कुलरिब् आरे, तलेबिस्याँ क्हेमैं सल् लबै याहवेह ङन् ग।”

प्रस्थान 20:1

परमेश्‍वरजी चु ताँन् ताँमैं बिइ:

प्रस्थान 29:46

ङ याहवेह चमैंए परमेश्‍वर ग धै ङ चमैंए म्हाँजोर टिबै ल्हागिर ङइ चमैंलाइ मिश्र ह्‍युलउँइँले तेइ पखइ बिसि चमैंइ सेब्मुँ। ङ याहवेह चमैंए परमेश्‍वर ग।

प्रस्थान 6:6

“छतसि ‘ङ याहवेह ग’ बिसि इस्राएलीमैंने बिद्। ‘ङइ क्हेमैंलाइ मिश्रीमैंइ पिंबै दुःखउँइँले फ्रेमिंब्मुँ, धै चमैंए केब्छैं तसि टिल् त्हुबइले तेइ पखब्मुँ। ङए भों मुँबै यो रेसि चमैंए फिर ङ्हिंन् ङ्हाँबै दुःख पिंसि क्हेमैंलाइ जोगेमिंब्मुँ।

रोमी 10:12

तलेबिस्याँ यहूदी नेरो अरू ह्रेंमैंए न्‍होंरि खाबै या स्यो आरे। घ्रि मत्‍त्रेन् परमेश्‍वर ताँनए प्रभु ग। खीने प्राथना लब्‍मैं ताँनए फिर खीजी आशिक पिंम्।

रोमी 3:29

परमेश्‍वर यहूदीमैंए परमेश्‍वर मत्‍त्रे आङिं। अरू ह्रेंमैंलैया परमेश्‍वर ग।