प्रस्थान 20:14 - परमेश्‍वरए ताँ तमु क्युइर

¹⁴ “ब्यभिचार आलद्।

प्रस्थान 20:14 ပူးပေါင်းရင်းမြစ်များ

उत्पत्ति 39:9

चु धिंर ङ भन्दा थेब खाबै आरे। क्हि बाहेक अरू तोन्दोंरि सै चइ ङए जिम्मर्न पिंइमुँ, तलेबिस्याँ क्हि चए प्ह्रेंस्यो ग। छतसि चु आछ्याँबै के ङइ खैले लब, धै परमेश्‍वरए बिरोधर ङइ खैले पाप लल् खाँमुँ?”

मत्ती 19:18

चइ खीने बिइ, “खैबै ताँमैं ङिल् त्हुम्?” येशूजी बिइ, “क्हिइ म्‍हि आसैद्, ब्यभिचार आलद्, आह्‍योद्, स्‍योर आतेद्।

रोमी 13:9

मोशाइ प्‍ह्रिबै ठिममैं न्‍होंरि “ब्यभिचार आलदु, म्‍हि आसैदु, आह्‍योदु, लोब आलदु,” बिबै ताँमैं मुँ। दिलेया “ह्रोंसलाइ धोंले ङ्‍हेब् ट्हुब्मैंलाज्यै या म्हाँया लद्” बिबै ताँ ङिंस्याँ ठिमर बिबै ताँन् ताँ लब् धोंन् तम्।

हिब्रू 13:4

ताँन् म्हिमैंए उँइँर ब्ह्‍या इजेत मुँल्‍ले तल् त्हुम्। ब्ह्‍या लल् खाँबै लिउँइँ मुँयुँमैं खाबज्यै या छमिं न्हल् आत, छलेन च्हमिरिमैंज्यै या फ्रें क्ल्योंल् आत, तलेबिस्याँ छाबै के लब्मैंए फिर परमेश्‍वरजी थेबै दण्ड पिंम्।

याकूब 2:11

तलेबिस्याँ “फ्रें आक्ल्योंन्” बिबै परमेश्‍वरजी “सैब्-म्‍लुब् या आलद्” बिइमुँ। छतसि क्‍हिइ फ्रें आक्ल्योंन्ले सैब्-म्‍लुब् लइबिस्‍याँ क्हि छ्वेर्बै ठिम आम्हाँदिबै छ्याब् मुँबन् तइ।

याकूब 4:4

ओ ब्यभिचारिमैं, चु ह्‍युलर्बै आछ्याँबै सैए फिर क्हेमैंए सैं ह्‍यास्याँ क्‍हेमैं परमेश्‍वरए ताँ आङिंब्मैं तम् बिब क्हेमैंइ आसे वा? परमेश्‍वर आम्हाँदिब्‍मैंने प्रबै म्हिइ ह्रोंसलाइन परमेश्‍वरए शत्तुर लवाम्।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”