1 परमेश्वरजी चु ताँन् ताँमैं बिइ:
च लिउँइँ मोशा क्युरु म्हिमैं ङाँर ह्यासि याहवेहजी बिबै ताँ बिमिंइ।
“ङ याहवेह क्हेमैंए परमेश्वर ग, क्हेमैं केब्छैंमैं तसि टिबै मिश्र ह्युलउँइँले ङइन तेसि पखइ।
इस्राएलीमैं क्यु आयोंबै क्ल्ह्योर सिनै कोंर खागु तमा मोशा स्वर्गदूतने मुँल। च स्वर्गदूतइ ङ्योए खेमैंने सिनै कोंर पोंल। स्वर्गदूतउँइँले योंबै सोगों लमिंबै ताँमैं मोशाइ ङ्यो इस्राएलीमैंलाइ लोमिंल।
क्हेमैंइ स्वर्गदूतउँइँले परमेश्वरए ठिम योंल, दिलेया च ताँ क्हेमैंइ आम्हाँदि।”
