प्रस्थान 2:23 - परमेश्‍वरए ताँ तमु क्युइर

²³ ल्हें त्हिंइ लिउँइँ मिश्रर्बै म्रुँ सियाइ। इस्राएलीथेंमैं केब्छैं तसि टिल् त्हुबइले प्ल्हाबै सो हेंसि ल्होमिन् बिसि प्राथना लइ। चमैंइ लबै प्राथना परमेश्‍वर ङाँर फेनेइ।

प्रस्थान 2:23 ပူးပေါင်းရင်းမြစ်များ

उत्पत्ति 16:11

याहवेहए दूतइ चने बिइ, “क्हिइ प्हसे नोइमुँ क्हिइ च्ह घ्रि फिब्मुँ। चए मिं इश्माएल थेंनु, तलेबिस्याँ याहवेहजी क्हिए दुःख म्रोंइमुँ।

उत्पत्ति 4:10

याहवेहजी बिइ, “क्हिइ छाबै आछ्याँबै के तले लल? क्हिए अलिए कोइ सउँइँले ङने ग्वार ह्रिरिइमुँ।

भजनमैं 102:1

ओ याहवेह, ङए प्राथना थेमिंन्; ल्होमिंन् बिसि लबै प्राथना क्हि ङाँर फेनेरिगे!

भजनमैं 102:2

ङए फिर दुःख तमा क्हिए लि ङ ङाँइँले आलोमिंन्! क्हिए न्ह ङ ङाँइ तोमिंन्; धै ङइ ग्वार ह्रिमा ङलाइ युनन् ज्वाफ पिंन्!

भजनमैं 12:5

“आखाँम्मैं लुडिवाइमुँ, धै ङ्हाँदुमैंइ दुःखए सो हेंइमुँ। छतसि तारे ङ रेब्मुँ, धै चमैंए न्होह्रों लब्मैंउँइँले ङइ चमैं जोगेमिंब्मुँ,” बिसि याहवेहजी बिमुँ

भजनमैं 18:6

ङए सैंरै आमैंबै दुःखमैं ङए फिर तखमा ङइ याहवेहने ग्वार ह्रिइ, छले ल्होमिंन् बिसि ङए परमेश्‍वरलाइ हुइमा खीजी ह्रोंसए टिबै क्ल्ह‍योउँइँले ङए ताँ थेमिंइ।

प्रस्थान 1:14

मसला नेरो इटा बनेब धै म्रोर्बै ताँन् खालर्बै केब्छैंमैंइ लबै केमैं लबर ल्हैदिसि चमैंए छ्ह ककाँ क्युँक्युँ ङ्हाँन् लइ।

प्रस्थान 4:19

मोशा मिधानर ठिमा याहवेहजी चने बिल, “मिश्रर एह्‍याद्, तलेबिस्याँ क्हिलाइ सैल म्हैब्मैं ताँन् सिल् खाँइ।”

प्रस्थान 6:5

मिश्रीमैंइ केब्छैं लसि थेंबै इस्राएलीमैंइ दुःखए सो हेंब ङइ थेइमुँ। धै ङइ चमैंने फैबै बाछा ङइ मैंइमुँ।

प्रस्थान 6:9

मोशाइ इस्राएलीमैंने छान् बिसि बिमिंइ, दिलेया चमैं आगुए केब्छैं तसि टिल् त्हुबइले चमैंए सैं सियाल। छतसि चमैंइ मोशाए ताँ थेल् आङिं।

प्रस्थान 7:7

फारोने ताँ लमा मोशा प्रेच्यु बर्षर्बै नेरो हारून प्रेच्युसे सोंदिर्बै मुँल।

चेला चिब्मैंए केमैं 7:30

“प्लिच्यु बर्ष तबै लिउँइँ सिनै बिबै कोंर्बै क्यु आयोंबै क्ल्ह्‍योर लुँरिबै मिए राबार स्वर्गदूत घ्रि च ङाँर म्रोंयुइ।

याकूब 5:4

म्रोंर के लबै म्रोंमैंलाइ पिंल् त्हुबै नों सै क्‍हेमैंइ आपिंइमुँ। च नों सैइ क्हेमैंए फिर छ्याब् ल्हैदिइमुँ। ताँन् भन्दा थेबै भों मुँबै परमेश्‍वरजी क्‍हेमैंए म्रोंमैंए सैं क्रोब थेल् खाँइमुँ।