प्रस्थान 2:21 - परमेश्‍वरए ताँ तमु क्युइर

²¹ हुइ पखमा मोशा च म्हिने बालु टिल् ङिंइ। धै चइ ह्रोंसए च्हमि सिप्पोरा मोशाने ब्ह्‍या लमिंइ।

प्रस्थान 2:21 ပူးပေါင်းရင်းမြစ်များ

प्रस्थान 2:10

कोलो थेब् तबै लिउँइँ कोलोए आमाइ च कोलो फारोए च्हमि ङाँर बोइ। धै चइ च कोलोलाइ च्ह धोंलेन् न्हरिमा “चुलाइ ङइ क्युउँइँले तेब् ग। छतसि ङइ चुए मिं मोशा थेंम्,” बिइ।

प्रस्थान 2:20

छबिमा चइ ह्रोंसए च्हमिमैंने बिइ, “च खनिर मुँ? क्हेमैंइ च म्हिलाइ तले वाथेंसि खल? ह्‍याद्, ङ्योने बालु चब् चबर हुइ पखो।”

प्रस्थान 3:1

मोशाइ ह्रोंसए क्यें मिद्यानर्बै खेगि यित्रोए र-क्युमैं छरिल। छले छरिमा क्यु आयोंबै क्ल्ह्‍योए क्योंजा परमेश्‍वरए कों होरेब बिबै क्ल्ह्‍यो समन् चइ र-क्युमैं छदै बोइ।

प्रस्थान 4:18

च लिउँइँ मोशा ह्रोंसए क्यें यित्रो ङाँर एखसि चने बिइ, “यो छ्युँ लम्, मिश्रर मुँबै ङए आघें-अलिमैं सोगों मुँ उ आरे बिसि ङ्‍ह्‍योबर ह्‍याल् पिंन्,” बिमा यित्रोइ मोशाने “तम्, सैं क्होसि ह्‍याद्!” बिइ।

चेला चिब्मैंए केमैं 7:29

चए ताँ थेसि मोशा भौदिसि मिद्यान ह्‍युलर ह्‍यासि टिइ। चर्न चए च्ह ङ्हिं योंइ।

१ तिमोथी 6:6

दिलेया खाबइ ह्रोंसने तो मुँ च सैर्न सन्तोकले परमेश्‍वरए के लमुँ चन् प्लब् तम्।

हिब्रू 11:25

पाप लसि तिस्याँदे सुख योंब् भन्दा बरु परमेश्‍वरए म्‍हिमैंने दुःख योंसिन् टिब चइ त्‍हाँइ।

हिब्रू 13:5

क्‍हेमैंइ ल्हें मारा-मुइए लोब आलद्। क्हेमैंने मुँबै सैर्न सन्‍तोक तइ टिद्। तलेबिस्याँ परमेश्‍वरजी बिइमुँ, “ङइ क्‍हेमैं खोंयोंइ वाथेंरिब् आरे, ङइ क्हेमैं पिरिब् आरे।”

याकूब 1:10

छलेन प्लबै म्‍हि ङ्हाँदु तयालेया सैं च्योंब् आलरिगे, तलेबिस्याँ म्हि प्ललैया ङ्हाँदु तलैया ट धोंलेन् ङ्योंलोंयाब्मुँ।