प्रस्थान 2:15 - परमेश्‍वरए ताँ तमु क्युइर

¹⁵ फारोइ चु ताँ था सेसि मोशालाइ सैबै सैं लइ। दिलेया मोशा फारो ङाँइले भौदिसि मिद्यान ह्‍युलर ह्‍यासि टिइ। तिगैं च क्यु खादुँ ङाँर टिरिमा

प्रस्थान 2:15 ပူးပေါင်းရင်းမြစ်များ

उत्पत्ति 24:11

चर फेनेसि सहरए बैरु क्यु खादु ङाँर चइ सलुमैं च्युइँथेंइ। ङेसा छझँ च्हमिरिमैं क्यु खाबर चर खमल।

उत्पत्ति 25:2

कतूराइ अब्राहामउँइँले जिम्रान, योक्षान, मदान, मिद्यान, यिशबाक नेरो शूह बिबै च्हमैं फिइ।

उत्पत्ति 25:4

मिद्यानए च्हमैं एपा, एपेर, हानोक, अबिदा नेरो एल्दा मुँल। चु ताँन् कतूराए सन्‍तानमैं मुँल।

उत्पत्ति 29:2

छले ह्‍यारिमा चइ म्रोंए म्हाँजोर क्यु खादु म्रोंइ। चए कारग्युले क्युए बगाल सों मुँल। च क्यु खादुउँइँले म्हिमैंइ क्यु बगालमैं क्यु थुँल् पिंमल। क्यु खादुए सुँ हुथेंबै थेबै युँमा घ्रि मुँल।

प्रस्थान 18:4

अर्को च्हए मिं एलीएजर मुँल, तलेबिस्याँ मोशाइ, “ङए आबाए परमेश्‍वरजी ङलाइ ल्होमिंसि फारोए सेलाँउँइँले ङ जोगेमिंइ,” बिल। छतसि च्हए मिं चइ एलीएजर थेंइ।)

प्रस्थान 4:19

मोशा मिधानर ठिमा याहवेहजी चने बिल, “मिश्रर एह्‍याद्, तलेबिस्याँ क्हिलाइ सैल म्हैब्मैं ताँन् सिल् खाँइ।”

हितोपदेश 22:3

बुद्धि मुँबै म्हिइ ह्रोंसए फिर दुःख खब ओंसोंन् म्रोंसि लोबै क्‍ल्‍ह्‍यो म्हैम्, दिलेया आमादु म्हि छाइन ह्‍याम् धै दुःख योंबर फेम्।

मत्ती 10:23

छतसि म्हिमैंइ क्हेमैंलाइ क्ल्ह्‍यो घ्रिर ह्रुगुदिइ बिस्याँ च क्ल्ह्‍योउँइँले अर्को क्ल्ह्‍योउँइँ भौदिह्‍याद्। क्ह्रोंसेंन ङ क्हेमैंने बिमुँ, परमेश्‍वरउँइँले कुल्‍मिंबै म्हिए च्ह युब् भन्दा ओंसों क्‍हेमैंइ इस्राएलर्बै ताँन् क्ल्ह्‍योर खैलसेया स्युरल् खाँरिब् आरे।

यूहन्‍ना 4:6

चर याकूबइ ताबै क्‍यउदु घ्रि मुँल। येशू प्रना प्रन् नारासि च क्यउदुए रेर क्हुँरिल। च त्हेर त्हिंइ आधा तल।

चेला चिब्मैंए केमैं 7:29

चए ताँ थेसि मोशा भौदिसि मिद्यान ह्‍युलर ह्‍यासि टिइ। चर्न चए च्ह ङ्हिं योंइ।

हिब्रू 11:27

बिश्‍वासउँइँलेन् मोशाइ फारो म्रुँए ह्रिसने आङ्हिंन्‍ले मिश्र ह्‍युल पिवाइ, तलेबिस्याँ परमेश्‍वरलाइ आम्रोंलेया म्रोंब् धोंलेन् च भोंसि तइ।