प्रस्थान 2:10 - परमेश्‍वरए ताँ तमु क्युइर

¹⁰ कोलो थेब् तबै लिउँइँ कोलोए आमाइ च कोलो फारोए च्हमि ङाँर बोइ। धै चइ च कोलोलाइ च्ह धोंलेन् न्हरिमा “चुलाइ ङइ क्युउँइँले तेब् ग। छतसि ङइ चुए मिं मोशा थेंम्,” बिइ।

प्रस्थान 2:10 ပူးပေါင်းရင်းမြစ်များ

उत्पत्ति 16:11

याहवेहए दूतइ चने बिइ, “क्हिइ प्हसे नोइमुँ क्हिइ च्ह घ्रि फिब्मुँ। चए मिं इश्माएल थेंनु, तलेबिस्याँ याहवेहजी क्हिए दुःख म्रोंइमुँ।

उत्पत्ति 4:25

धबै आदम ह्रोंसए प्ह्रेंस्योने बालु तसि चए प्ह्रेंस्योइ च्‍ह फिइ। “कयिनइ सैवाबै हाबिलए साटोरि परमेश्‍वरजी ङलाइ कोलो घ्रि पिंइमुँ।” बिसि हब्बाइ चए मिं शेत थेंइ।

उत्पत्ति 48:5

याकूबइ धबै बिइ, “ङ मिश्रर खब् भन्दा ओंसों मिश्रर फिबै क्हिए च्हमैं ङ्हिं ङलन् ग। रूबेन नेरो शिमियोन धोंले एफ्राइम नेरो मनश्शे या ङलन् ग।

प्रस्थान 2:9

झाइले फारोए च्हमिइ चने बिइ, “चु कोलो बोसि ङ्‍हे थुँमिंब्रें लद्। ङइ क्हिए नों सै पिंब्मुँ।” छबिमा च च्हमिरिइ कोलो बोसि ङ्‍हे थुँमिंब्रें लइ।

मत्ती 1:21

चइ च्‍ह घ्रि फिब्‍मुँ। क्हिइ खीए मिं येशू थेंब्मुँ। तलेबिस्याँ खीजी ह्रोंसए म्‍हिमैंलाइ चमैंए पापउँइँले जोगेमिंब्‍मुँ।”

गलाती 4:5

ङ्यो खीए प्हसेमैं तरिगे बिसि परमेश्‍वरजी ठिमए न्होंर टिब्‍मैंलाइ सै फोसि खाबै ल्हागिर ह्रोंसए च्हलाइ कुल्मिंइ।

हिब्रू 11:24

फ्रेंसि तबै लिउँइँ बिश्‍वासउँइँलेन् मोशाइ “च फारो म्रुँए च्हमिंए च्‍ह ग,” बिसि बिल् आङिं।

१ यूहन्‍ना 3:1

मैंन्दि, परमेश्‍वर आबाजी ङ्योलाइ कति थेबै म्हाँया लइमुँ। च्‍हौ थेबै म्हाँया लसि खीजी ङ्योलाइ “ह्रोंसए प्‍हसेमैं” बिइमुँ। क्ह्रोंसेंन ङ्यो परमेश्‍वरए प्‍हसेमैं तइमुँ। चु ह्‍युलर्बै म्‍हिमैंइ परमेश्‍वरलाइ ङो आसेइमुँ, छतसि ङ्योलाइ “परमेश्‍वरए प्‍हसेमैं ग,” बिसि आसे।