प्रस्थान 19:5 - परमेश्‍वरए ताँ तमु क्युइर

⁵ तारे ङए ताँ छेनाले थेसि ङने बाछा फैब् धोंले क्हेमैं प्रइ बिस्याँ, ताँन् ह्‍युल ङलन् तलेया ताँन् ह्रेंमैं न्होंरि क्हेमैं ङए म्हिमैं तब्मुँ।

प्रस्थान 19:5 ပူးပေါင်းရင်းမြစ်များ

उत्पत्ति 17:9

परमेश्‍वरजी अब्राहामने धबै बिइ, “क्हिइ ङए बाछा ङिंल् त्हुब्मुँ। क्हि नेरो क्हिए लिउँइँ खबै सन्तानमैं चमैंए लिउँइँ खबै पुस्ताज्यै ङिंल् त्हुब्मुँ।

भजनमैं 135:4

तलेबिस्याँ याहवेहजी याकूबलाइ ह्रोंसल् लबर, धै इस्राएलीमैंलाइ ह्रोंसए म्हिमैं तबर त्हाँइमुँ।

भजनमैं 24:1

पृथ्‍बी नेरो चर मुँबै तोन्दोंरि सैमैं याहवेहलन् ग, ह्‍युल नेरो चर टिब्मैं ताँन् खीलन् ग,

भजनमैं 25:10

खीजी फैबै बाछाए ताँमैं ङिंब्मैंलाइ याहवेहजी खोंयोंइ आनुबै म्हाँया लसि भर पर्दिल् खाँन्ले डोरेम्।

प्रस्थान 15:26

खीजी बिइ, “क्हेमैंइ ङए ताँ छेनाले थेसि ङइ बिबै ताँन् ताँमैं नेरो ङए ठिममैं म्हाँदिइ बिस्याँ, ङइ मिश्रीमैं फिर कुलब् धों तबै नब-छबमैं घ्रि या क्हेमैंए फिर कुलरिब् आरे, तलेबिस्याँ क्हेमैं सल् लबै याहवेह ङन् ग।”

प्रस्थान 23:22

क्हेमैंइ चइ बिबै ताँ ङिंसि ङइ बिब् धों लस्याँ, ङ क्हेमैंए ताँन् शत्तुरमैं नेरो बिरोधीमैंए बिरोध लब्मुँ।

प्रस्थान 24:7

च लिउँइँ मोशाइ याहवेहजी ल्हैदिबै ताँ प्ह्रिबै कितब किंसि म्हिमैंए उँइँर थेबै कैले खेमिंमा “याहवेहजी ल्हैदिबै ताँन् ताँमैं ङिं लब्मुँ,” बिसि चमैंइ बिइ।

प्रस्थान 34:9

धै मोशाइ बिइ, “ओ याहवेह, क्हिए म्हाँया ङने मुँ बिस्याँ ङ यो छ्युँ लमुँ, क्हिन् ङिने बालु प्रमिंन्। चु म्हिमैं आच्योब्मैं मुँलेया ङिए दुष्‍ट केमैं नेरो पापए क्षमा लमिंसि ङिलाइ क्हिए म्हिमैं लमिंन्।”

प्रस्थान 6:7

ङइ क्हेमैंलाइ ङए म्हिमैं तल् पिंब्मुँ, धै ङ क्हेमैंए परमेश्‍वर तब्मुँ। मिश्रीमैंए कब्छैं तसि टिल् त्हुबइले क्हेमैंलाइ तेइ पखबै ङ याहवेह क्हेमैंए परमेश्‍वर ग बिसि क्हेमैंइ सेब्मुँ

प्रस्थान 8:22

दिलेया च त्हिंइर याहवेह चु ह्‍युलर मुँ बिब् क्हिइ सेरिगे बिसि ङए म्हिमैं टिबै गोशेन ह्‍युललाइ बिस्याँ ङइ जोगेमिंब्मुँ, चर च्युमिं तरिब् आरे।

प्रस्थान 9:29

मोशाइ म्रुँने बिइ, “ङ सहरउँइँ त्होंह्‍याबै तोंदोंन् ङइ याहवेह ङाँइ ह्रोंसए यो स्योंब्मुँ, झाइले मु ङ्‍हेब नेरो तिस्यु युब टियाब्मुँ। छले पृथ्‍बी याहवेहलन् ग बिसि क्हिइ सेब्मुँ।

१ कोरिन्थी 10:26

तलेबिस्याँ “पृथ्‍बी नेरो चर मुँबै तोन्दोंरि सै प्रभुलन् ग,” बिसि परमेश्‍वरए छ्वेर प्ह्रिइमुँ।

१ कोरिन्थी 10:28

दिलेया खाबै मुँले क्‍हेमैंने, “चु कुर चडेबै सै ग,” बिस्‍याँ च सै आचद्। तलेबिस्‍याँ, चु कुर चडेबै सै ग बिमिंबै म्‍हिए ल्हागिर नेरो चइ छ्याँब् नेरो आछ्याँब फेलल् खाँना बिब् मैंसि च सैमैं आचद्।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 11:8

बिश्‍वासउँइँलेन् अब्राहामइ परमेश्‍वरजी बिब ङिंइ, धै ह्‍याद् बिबै क्ल्ह्‍योउँइँ ह्‍याइ। लिउँइँ च क्ल्ह्‍योए क्ल्हे चलाइन तल् पिंबै सैं परमेश्‍वरल् मुँल। दिलेया ह्रोंस खनइ ह्‍यारिइमुँ बिब ह्रोंसलाइन था आरेल।

हिब्रू 8:9

चु बाछा ङइ चमैंए खेमैं-माँमैंने फैबै बाछा धोंब तरिब् आरे। च त्हेरि ङइ चमैंए यो क्‍हासि मिश्र ह्‍युलउँइँले डोरेसि पखल। दिलेया ङइ फैबै बाछाए ताँमैंर चमैं दरले टिल् आखाँ। छतसि ङइ चमैंए वास्‍ता आल,” बिसि याहवहजी बिइमुँ।

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।