प्रस्थान 19:24 - परमेश्‍वरए ताँ तमु क्युइर

²⁴ याहवेहजी चने बिइ, “क्हि क्युरु ह्‍यासि हारूनने बालु कोंर क्रेसि खो। खेगिमै नेरो म्हिमैं बिस्याँ, बार ङ्वैसि कोंर क्रेसि ङ ङाँर आखरिगे। आस्याँ ङइ चमैं सैवाब्मुँ।”

प्रस्थान 19:24 ပူးပေါင်းရင်းမြစ်များ

प्रस्थान 19:12

कोंए कारग्युले बार थोसि म्हिमैंने छ बिद्, ‘क्हेमैं न्ह क्रों मि क्रोंले टिद्, क्हेमैं कों फिर आह्‍याद्, धै चए साँदमैं या आछुइद्। कों छुइबै म्हिलाइ खैले बिलैया सैवाब्मुँ।

प्रस्थान 19:25

च लिउँइँ मोशा क्युरु म्हिमैं ङाँर ह्‍यासि याहवेहजी बिबै ताँ बिमिंइ।

प्रस्थान 24:1

याहवेहजी धबै मोशाने बिइ, “क्हि हारून, नादाब, अबिहू नेरो इस्राएलर्बै चिब्मैं न्होंर्बै ङिच्यु चिब्मैं कों क्रेसि ङ ङाँर खो, धै ह्रेंगोउँइँलेन् क्र कुरसि ङलाइ फ्योद्।

प्रस्थान 24:9

च लिउँइँ मोशा, हारून, नादाब, अबिहू नेरो इस्राएलर्बै चिब्मैं न्होंर्बै ङिच्यु चिब्मैं कोंर क्रेसि

मत्ती 11:12

यूहन्‍नाइ सैं तोंबै ताँ बिमिंबै त्हेउँइँले तोगो समा स्वर्गर्बै ग्याल्स युन्ले ओंसों ह्‍यारिइमुँ। बिरोध लब्मैं बिस्याँ खैच्हिजिले च ग्याल्स ट्होल् म्हैम्।

लूका 13:24

येशूजी चमैंने बिइ, “रुबै म्राउँइँले न्‍होंर होंबै भों लद्, तलेबिस्याँ ङ क्‍हेमैंने बिमुँ, ल्‍हें म्‍हिमैं रुबै म्राउँइँले न्‍होंर होंल् म्‍हैब्‍मुँ, दिलेया होंल् खाँरिब् आरे।

लूका 16:16

“बप्‍तिस्मा पिंबै यूहन्‍नाए पलो समा स्‍योंमा परमेश्‍वरजी मोशाने पिंबै ठिम नेरो अगमबक्‍तामैंइ प्‍ह्रिबै छ्वे मत्‍त्रे मुँल। च त्हेसेरो तिंयाँ समा ‘परमेश्‍वरजी ग्याल्स लबर होंइमुँ। छतसि खीलाइ म्‍हाँदिद्, छ लस्याँ खीजी क्‍हेमैंए फिर आशिक पिंब्‍मुँ,’ बिसि परमेश्‍वरए ग्याल्सर्बै सैं तोंबै ताँ बिप्रइमुँ। छतसि ताँन् म्‍हिमैं ह्रोंसइ खाँन् समा भों लसि परमेश्‍वरए ग्याल्सए न्होंर होंम्।

यूहन्‍ना 1:17

स्‍योंम्‍बै मोशालाइ परमेश्‍वरजी खीए ठिम पिंइ, दिलेया येशू ख्रीष्‍टउँइँले क्‍ह्रोंसेंन्‍बै ताँ नेरो बेल्‍ले थेबै दयाम्हाँया ङ्योइ योंइ।

रोमी 4:15

तलेबिस्याँ ठिमर्बै ताँ आम्हाँदिब्मैं म्रोंसि परमेश्‍वर ह्रिस खम्, दिलेया ठिमन् आरेस्याँ पाप तो जा बिसेया आसेमल।

गलाती 3:19

छ बिस्‍याँ ठिम तले चैदिइ? तलेबिस्याँ अब्राहामए सन्‍तान न्होंर्बै बाछा योंबै म्‍हि ख्रीष्‍ट आयुन् समा आछ्याँबै केमैं तो जा बिसि उँइँबै ल्हागिर ठिम चैदिल। च ठिम स्‍वर्गदूतमैंउँइँले योंइ धै म्हिमैंलाइ स्‍वर्गदूतमैंने क्ह्रिमिंबै ल्हागिर मोशाइ च ठिम स्‍वर्गदूतमैंए योउँइँले किंसि म्हिमैंलाइ पिंइ।

गलाती 3:22

दिलेया “ताँन् म्‍हिमैं पापए न्होंर मुँ” बिसि छ्वेइ बिइमुँ। छतसि परमेश्‍वरजी बाछा फैसि पिंम् बिबै खोंयोंइ आनुबै छ्ह येशू ख्रीष्‍टए फिर बिश्‍वास लबइले मत्‍त्रेन् योंइमुँ।

हिब्रू 12:29

तलेबिस्याँ ङ्योए परमेश्‍वर नास लवाबै मि ग।

हिब्रू 4:16

छतसि ङ्योलाइ खाँचो तबै त्हेर खीए साहयता नेरो परमेश्‍वरए दयाम्हाँया योंल् खाँरिगे बिसि सैं भोंब् लसि दयाम्हाँया मुँबै परमेश्‍वरए ङाँर ङ्यो ह्‍याले।