प्रस्थान 19:16 - परमेश्‍वरए ताँ तमु क्युइर

¹⁶ नोगिम्धों न्हाँग तमा कोंर गड्‌याङगुडुङ तइ, धै काम्‍लि तिम्‍लि रासि कोंर रुँदो न्हाँमस्यो राइ, धै बेल्‍ले ङ्‍हेबै थुतुरिए कै थेइ। छतमा ब्यारेकर मुँबै ताँन् म्हिमैं ङ्हिंसि थरथर त्हारइ।

प्रस्थान 19:16 ပူးပေါင်းရင်းမြစ်များ

भजनमैं 50:3

ङ्योए परमेश्‍वर युसिन् मुँ, युसि खी च्याँले टिरिब् आरे; खीए ओंसों लुँबै मि मुँ, खीए कारर्ग्युले नाँ-खैंमैं मुँ।

भजनमैं 77:18

नाँ-खैंर मु ङ्हेब् धोंले क्हिए कै तेइ; क्हिए कम्‍लि-तिम्‍लिइ ताँन् ह्‍युल चारइ; पृथ्‍बी ङ्हिंसि त्हारइ।

भजनमैं 81:8

“ओ ङए म्हिमैं थेद्! ङइ क्हेमैंलाइ लोदा सैंदा लब्मुँ! ओ इस्राएल, क्हेमैंइ ङए ताँ थेब् गो बिस्याँ!

भजनमैं 97:4

खीए कम्‍लि-तिम्‍लिइ ह्‍युलर चारम्; पृथ्‍बीइ म्रोंसि थरथरले त्हारम्।

प्रस्थान 19:11

झाइले नोगि चमैं छेसि टिरिगे, तलेबिस्याँ नोगि सिनै कोंर ताँन् म्हिमैंइ म्रोंल्‍ले ङ युब्मुँ।

प्रस्थान 19:15

च लिउँइँ चइ म्हिमैंने बिइ, “नोगिए ल्हागिर छेइ टिद्। क्हेमैं च्हमिरिमैंने बालु आतद्।”

प्रस्थान 19:17

च लिउँइँ मोशाइ ब्यारेकउँइँले म्हिमैंलाइ परमेश्‍वरने त्होबर पखमा म्हिमैं कोंए फेदिर राइ।

प्रस्थान 19:9

याहवेहजी मोशाने बिइ, “थेद्, ङ क्हिने ताँ लब म्हिमैंइ थेरिगे धै खोंयोंन् बिलै या क्हिए फिर बिश्‍वास लरिगे बिसि ङ क्हि ङाँर रुँदो न्हाँम्स्योर युब्मुँ।” म्हिमैंइ बिबै ताँ मोशाइ याहवेहने बिमा

प्रस्थान 20:18

च त्हेर काम्‍लि तिम्‍लि रासि मु ङ्‍हेब नेरो थुतुरिए कै थेइ धै कोंउँइँले मिखु खब म्रोंसि चमैं थरथरले त्हारसि ह्रेंगोन् रारिइ।

प्रस्थान 20:21

दिलेया म्हिमैं ह्रेंगोन् रारिइ। परमेश्‍वर मुँबै रुँदो न्हाँम्स्योर खीए ङाँर मोशा ह्‍याइ।

प्रस्थान 40:34

च लिउँइँ न्हाँम्स्योइ पबित्र तम्बु हुवामा याहवेहए चारबै ह्‍वेइ पबित्र तम्बु चारइ।

प्रस्थान 9:23

झाइले मोशाइ ह्रोंसए प्हरे मुउँइँ स्योंमा याहवेहजी मु ङ्‍हेल् लवासि पृथ्‍बीर काम्‍लि-तिम्‍लि रासि मिश्रर ङ्हिंन ङ्हाँबै तिस्यु कुल्मिंइ।

मत्ती 24:31

झाइले थेबै कैलै थुतुरि ह्रासि खीजी ह्रोंसए स्‍वर्गदूतमैं कुल्‍मिंब्‍मुँ। धै खीजी त्हाँबै म्हिमैं मुर्बै छेउ घ्रिउँइँले अर्को छेउ समा ह्‍युलर्बै ताँन् क्ल्ह्‍योउँइँले स्‍वर्गदूतमैंइ खी ङाँर खागु लब्मुँ।”

हिब्रू 12:21

चर म्रोंबै सै बेल्‍ले ङ्हिंन् ङ्हाँब मुँल, छतमा मोशाज्यै “ङ ङ्हिंसि त्‍हारइ” बिल।

दर्शन 1:10

प्रभुए त्हिंइर पबित्र प्ल्हजी ङलाइ प्लिंइ। च्हमा ङए लिउँइँ थुतुरुल् धों तबै कैइ,

दर्शन 11:19

च लिउँइँ स्वर्गर परमेश्‍वरए मन्‍दिरर्बै म्रा थोंयाइ, धै खीजी फैबै बाछाए ठिम झोंथेंबै म्हदुस मन्‍दिर न्होंर म्रोंइ। च्हमा काम्‍लि तिम्‍लि चारइ, मु ङ्‌हेइ, सयो खइ धै थे-थेबै तिस्‍यु युइ।

दर्शन 4:1

च लिउँइँ ङइ धबै दर्शनर स्‍वर्गर्बै म्रा थोंथेंब् म्रोंइ। धै ङइ ओंसों थेबै कैइ “छुइ कैंडो खो, ङइ क्हिलाइ तारे लिउँइँ तबै ताँमैं उँइँमिंस्‍यो” बिबै बिगुलए कै ङइ थेइ।

दर्शन 4:5

च राजगद्दिउँइँले काम्‍लि तिम्‍लि धोंबै चारबै बत्तिमैं म्रोंमल धै मु ङ्‌हेबै कैमैं थेमल। च राजगद्दिए उँइँरि मि लुँब् धोंबै बत्ति ङि मुँल। च बत्तिमैं परमेश्‍वरए प्ल्ह ङि मुँल।

दर्शन 8:5

झाइले च स्‍वर्गदूतइ ख्रो पिंबै क्ल्ह्‍योर्बै मि भुर धूपारार तिगोंले झोंसि पृथ्‍बीर भ्‍योंवाइ। झाइले मु ङ्‌हेसि, काम्‍लि तिम्‍लि रासि पृथ्‍बीर सयो ह्‍याइ।