प्रस्थान 18:8 - परमेश्‍वरए ताँ तमु क्युइर

⁸ इस्राएलीमैंलाइ मिश्रउँइँले फ्रेमिंबर याहवेहजी फारो नेरो मिश्रीमैंए फिर लबै तोन्दोंरि ताँमैं नेरो इस्राएलीमैंइ घ्याँर तो-तो दुःख योंइ, धै याहवेहजी चमैंलाइ खैले जोगेमिंइ बिबै ताँमै ताँन् मोशाइ ह्रोंसए क्येंने बिइ।

प्रस्थान 18:8 ပူးပေါင်းရင်းမြစ်များ

उत्पत्ति 44:34

तलेबिस्याँ चु कोलो ङने बालु आबोल्‍ले ङए आबा ङाँर ङ खैले ह्‍याब? ङए आबाए फिर दुःख तब ङइ ङ्ह्‍योल् आखाँ।”

भजनमैं 106:10

छले खीजी चमैंलाइ शत्तुरमैंए योउँइँले जोगेसि शत्तुरमैंए योउँइँले फ्रेमिंइ।

भजनमैं 106:8

बिरोध ललेया ह्रोंसए बेल्‍ले थेबै शक्‍ति म्रोंरिगे बिसि, खीजी ह्रोंसए मिंए आब्रु जोगेबै ल्हागिर चमैं जोगेमिंइ।

भजनमैं 107:2

याहवेहजी खामिंब्मैंइ छान् बिरिगे! खीजी शत्तुरमैंए योउँइँले सै फोसि चमैंलाइ फ्रेमिंइ।

भजनमैं 66:16

परमेश्‍वरलाइ मान लब्मैं, ताँन् खसि थेद्, ङए ल्हागिर खीजी लमिंबै केमैं ङलाइ बिल् पिंन्।

भजनमैं 81:7

दुःख तमा क्हेमैंइ ङने ग्वार ह्रिइ, धै क्हेमैंए दु:खउँइँले ङइ फ्रेमिंइ। मु ङ्हेबै क्‍ल्‍ह्‍योउँइँले खाबज्यै आम्रोंल्‍ले ङइ क्हेमैंलाइ ज्वाफ पिंइ; मेरिबार त्होंखबै क्युर ङइ क्हेमैंए जाँच लइ। तियाँदे मैंन्

प्रस्थान 15:16

ओ याहवेह, क्हिए म्हिमैं क्योंजा अतर्दिन् समा क्हिजी मिश्रउँइँले फ्रेसि पखबै म्हिमैं क्योंजा आह्‍यान् समा, च ह्रेंमैं ङ्हिंसि त्हारमा क्हिए योर्बै भोंजी चमैं युँमा धोंले क्ल्ह्‍यो घ्रिर्न टिम्।

प्रस्थान 15:6

“ओ याहवेह, क्हिए क्योलो यो बेल्‍ले भोंब् मुँल। ओ याहवेह, क्हिए क्योलो योइ शत्तुरमैं त्हुला भुँ लवाइ।

प्रस्थान 16:3

इस्राएलीमैंइ चमैंने बिइ, “ङि मिश्रर याहवेहए योउँइँले सिस्याँ छ्याँब तमल। तलेबिस्याँ ङि चर ह्‍योबै भाँडोए कारग्युले क्हुँसि से नेरो अरू चबै सैमैं म्रेंन्ले चल् योंमल। दिलेया क्हेमैंइ ङि ताँन् फोतेंन् सैबर क्यु आयोंबै क्ल्ह्‍योर पखइमुँ।”

प्रस्थान 18:1

परमेश्‍वरजी मोशा नेरो खीए इस्राएली म्हिमैं मिश्रउँइँले तेइ पखमा चमैंए ल्हागिर तोन्दोंरि लबै केमैं मिद्यानर्बै खेगि यित्रो, मोशाए क्येंइ थेइ।

प्रस्थान 2:25

छतसि परमेश्‍वरजी इस्राएलीमैं फिर ङ्ह्‍योइ धै चमैंए फिर न्हुँ लइ।

प्रस्थान 23:23

ङए दूत क्हेमैंए ओंसो-ओंसो ह्‍यासि एमोरी, हित्ती, परिज्जी, कनानी, हिव्‍वि नेरो यबूसीमैंए ह्‍युलर क्हेमैं सथेंनेब्मुँ, धै ङइ चमैंए मिं क्ह्रन् मेटिमिंब्मुँ।

प्रस्थान 4:23

चइ ङए सेवा लबर ङए च्ह ह्‍याल् पिंन् बिसि ङइ क्हिने बिइ, दिलेया क्हिइ चलाइ ह्‍याल् आपिं। छतसि ङइ क्हिए च्ह थेब सैवाब्मुँ।’”

प्रस्थान 7:4

दिलेया फारोइ क्हेमैंए ताँ थेरिब् आरे। छतमा ङइ ङए शक्‍ति मिश्र ह्‍युलर उँइँब्मुँ। धै छेनाले निसाफ लसि ङए म्हिमैं मिश्रउँइँले तेइ पखब्मुँ।

प्रस्थान 7:5

ङइ मिश्र ह्‍युलर ह्रोंसए यो क्वेसि चमैंए म्हाँजोउँइँले इस्राएलीमैं तेइ पखब्मुँ। छलमा मिश्रीमैंइ ङ याहवेह मुँन बिसि सेब्मुँ।”