प्रस्थान 18:21 - परमेश्‍वरए ताँ तमु क्युइर

²¹ दिलेया म्हिमैंए न्होंउँइँले ह्रब्-सेबै म्हिमैं त्हाँन्। चमैं परमेश्‍वरने ङ्हिंब्मैं, बिश्‍वास योग्यर्बै म्हिमैं, आछ्याँबै केमैं आलब छ्याँबै के लबै म्हिमैं तल् त्हुम्। चमैं हजार-हजार, प्र-प्र, ङ्‍हच्यु-ङ्‍हच्यु नेरो च्यु-च्युए फिर चिब तबर त्हाँन्।

प्रस्थान 18:21 ပူးပေါင်းရင်းမြစ်များ

उत्पत्ति 22:12

दूतजी बिइ, “क्हिइ च कोलोए फिर यो आरेद्, चलाइ तोइ आलद्। तारे क्हि परमेश्‍वरने ङ्हिंमना बिसि ङइ सेइ, तलेबिस्याँ क्हिए च्ह घ्रि, क्हिए घ्रिदे मुँबै च्है या क्हिइ ङ ङाँइले लोइ आथें।”

उत्पत्ति 42:18

सोंरो लिउँइँ योसेफइ चमैंने बिइ, “ङ परमेश्‍वरने ङ्हिंबै म्हि ग। छतसि क्हेमैंइ चु के लस्याँ क्हेमैं सोब्मुँ।

उत्पत्ति 47:6

मिश्र ह्‍युल क्हिए योर्न मुँ। चु ह्‍युलर्बै ताँन् भन्दा छ्याँबै क्ल्ह्‍योर क्हिए आबा नेरो आघें-अलिमैं टिल् पिंन्। चमैं गोशेन ह्‍युलर्न टिल् पिंन्। धै चमैं न्होंर सिपालु म्हिमैं मुँस्याँ चमैंए जिम्मार ङए खेदोमैं या कुल्मिंन्।”

भजनमैं 15:1

ओ याहवेह, क्हिए पबित्र तम्बुर खाब् होंल् खाँमुँ? क्हिए पबित्र कोंर खाब् टिल् योंमुँ?

भजनमैं 15:5

मुइ पिंमा ब्याज आकिंब, धै तोइ छ्याब आरेबै म्हिमैंलाइ नास लबर घुस (ख्याब) आकिंब, छाबै म्हि क्हिए पबित्र कोंर टिल् योंमुँ। छ लबै म्हिइ खोंयोंइन रक्षा योंम्।

प्रस्थान 17:9

छतमा मोशाइ यहूशूने बिइ, “अमालेकीमैंने नेबै ल्हागिर च्हौदे म्हिमैं त्हँसि नेबर ह्‍याद्। प्हन्हाँग याहवेहए प्हरे ङए योर किंसि ङ कोंए फिर राब्मुँ।”

प्रस्थान 18:25

मोशाइ ताँन् इस्राएलीमैं न्होंर ह्रब्-सेबै म्हिमैं त्हाँसि हजार-हजार, प्र-प्र, ङ्‍हच्यु-ङ्‍हच्यु, च्यु-च्युए फिर्बै चिब्मैं तल् पिंइ।

हितोपदेश 28:2

ह्‍युलर्बै म्हिमैंइ आछ्याँबै के लमा चलेबै नेतामैं ल्हें त्होंम्, दिलेया बुद्धि मुँबै म्हिइ ह्‍युल चलेमा चए ग्याल्सर्बै म्हिमैंइ ल्हें त्हे समा सुख योंम्।

लूका 18:2

“सहर घ्रिर नि‍याधिश घ्रि मुँल। च परमेश्‍वर म्रोंसेया आङ्हिंमल, म्हिमैंलाज्यै या तोइ वास्ता आलमल।

लूका 18:4

ल्‍हें त्‍हे समा नियाधिशइ थेबै न्ह आलल्‍ले टिइ। दिलेया ‘ङइ परमेश्‍वरै या आम्हाँदि, म्‍हिमैंलाज्यै या तोइ वास्ता आल, दिलेया चु म्हरेस्योइमि छोंरों ङ्हाँनन् लइ,’ बिसि चइ सैं न्हों-न्हों मैंइ।

चेला चिब्मैंए केमैं 20:33

ङइ खाबलै या मारा, चाँदि नेरो क्वेंए लोब आल।

चेला चिब्मैंए केमैं 6:3

छतमा ओ अलि-अङाँमैं, क्हेमैंए न्होंउँइँलेन् पबित्र प्ल्हजी नेरो बुद्धिइ प्लिंब धै ताँनइ म्हाँदिबै म्हि ङिउँलो त्हाँन्। धै ङ्योइ चमैंलाइ चु चब् चुबै के पिंले।

१ तिमोथी 3:3

प्हा आथुँब, प्होंगि आलब, ह्रिस आखब, सैदिल् खाँब, मुइए लोब आलब तल् त्हुम्।