प्रस्थान 18:12 - परमेश्‍वरए ताँ तमु क्युइर

¹² च लिउँइँ मोशाए क्यें यित्रोइ परमेश्‍वरए ल्हागिर मिइ ख्रोंबै ख्रो नेरो अरू भेटिमैं या पिंइ। झाइले हारून नेरो इस्राएलर्बै चिबनाँब्मैं मोशाए क्यें यित्रोने परमेश्‍वरए ओंसों क्हें चबर खइ।

प्रस्थान 18:12 ပူးပေါင်းရင်းမြစ်များ

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 26:25

झाइले इसहाकइ चर ख्रो पिंबै क्ल्ह्‍यो घ्रि बनेसि याहवेहए मिं क्वेइ। धै ह्रोंसए तम्बु चर्न टौंदिइ। चरै या चए केब्छैंमैंइ अर्को क्यु खादु घ्रि ताइ।

उत्पत्ति 26:30

छबिमा इसहाक सैं तोंसि चमैंलाइ चब् थुँब् लमिंइ।

उत्पत्ति 31:54

झाइले याकूबइ कोंर क्यु सैसि ख्रो पिंइ, धै ह्रोंसए ङें-ट्हुब्मैं हुइसि चब्-थुँब् पिंइ। चमैंइ चब्-थुँब लसि च क्ल्ह्‍योर्न म्हुँइँस थोइ।

उत्पत्ति 4:4

दिलेया हाबिलइ ह्रोंसए क्युए बगालउँइँले ओंसों फिबै छोबै क्यु भेटि पखइ। छतमा याहवेह हाबिल नेरो चए भेटि म्रोंसि सैं तोंइ।

उत्पत्ति 43:25

झाइले त्हिंइ आधार योसेफने त्होनेब् बिसि खेंमैंइ पखबै क्होल्सैमैं छेइ, तलेबिस्याँ चिबइ कैं चर्न चब्मुँ बिसि चमैंने बिल।

उत्पत्ति 8:20

झाइले नोआइ याहवेहए ल्हागिर ख्रो पिंबै क्ल्ह्‍यो घ्रि बनेसि चल् तबै खेदोमैं नेरो नमेंमैं घ्रि-घ्रि किंसि परमेश्‍वरए मिंर ख्रो पिंइ।

प्रस्थान 18:13

प्हन्हाँगधों मोशा म्हिमैंए निसाफ लबर टिमा न्हाँगउँइँले ङेसा समा म्हिमैं मोशाए कारग्युले टिइ।

प्रस्थान 2:16

मिद्यानर्बै खेगिला (पुजारिला) च्हमि ङिग्लो ह्रोंसए आबाए र-क्युमैं क्यु थुँमिंबै ल्हागिर क्यु खासि डुँडर झोंबर होंल।

प्रस्थान 2:20

छबिमा चइ ह्रोंसए च्हमिमैंने बिइ, “च खनिर मुँ? क्हेमैंइ च म्हिलाइ तले वाथेंसि खल? ह्‍याद्, ङ्योने बालु चब् चबर हुइ पखो।”

प्रस्थान 20:24

“क्हेमैंइ ङए ल्हागिर सए ख्रो पिंबै क्ल्ह्‍यो बनेसि मिइ ख्रोंबै ख्रोमैं, क्ह्रिमिंबै ख्रोमैं, क्युमैं नेरो खेदोए ख्रोमैं पिंन्। ङए मिंए मान लबै क्ल्ह्‍योजरे ङ युसि क्हेमैंलाइ आशिक पिंब्मुँ।

प्रस्थान 24:11

दिलेया परमेश्‍वरजी इस्राएलर्बै चिब्मैंए न्होह्रों आल। चमैंइ परमेश्‍वरलाइ म्रोंइ धै बालुन् चब् थुँब् लइ।

प्रस्थान 24:5

च लिउँइँ मोशाइ इस्राएलर्बै फ्रेसिमैं कुलइ, धै चमैंइ याहवेहए मिंर मिइ ख्रोंबै ख्रोमैं नेरो क्ह्रिमिंबै ल्हागिर क्ल्या साँढेमैं ख्रो पिंइ।

प्रस्थान 3:1

मोशाइ ह्रोंसए क्यें मिद्यानर्बै खेगि यित्रोए र-क्युमैं छरिल। छले छरिमा क्यु आयोंबै क्ल्ह्‍योए क्योंजा परमेश्‍वरए कों होरेब बिबै क्ल्ह्‍यो समन् चइ र-क्युमैं छदै बोइ।

प्रस्थान 33:7

म्हिमैं टिबै ब्यारेकउँइँले ल्हें ह्रेंगो मोशाइ तम्बु घ्रि टौंदिमल। च तम्बुलाइ मोशाइ याहवेहने त्होबै तम्बु बिमल, धै याहवेहने त्होदा ङ्हाँब्मैं च तम्बुर ह्‍यामल।

लूका 14:1

तिगें प्रिबै त्हिंइर येशू फरिसी घ्रिए धिंर चब् चबर ह्‍याइ। च म्‍हि फरिसीमैं न्‍होंर्बै चिब मुँल। “येशूजी तो-तो लमगे?” बिसि म्हिमैंइ छैं लरिल।

लूका 14:15

चु ताँ थेसि येशूने बालु चबर टिब्मैं न्होंर्बै म्‍हि घ्रिइ खीने बिइ, “परमेश्‍वरए ग्याल्सर्बै भत्‍यार चल् योंब्‍मैं ङ्‍हो सब्मैं ग!”

१ कोरिन्थी 10:18

झाइले अर्को नमुना: इस्राएलीमैं ङ्‍ह्‍योद्, परमेश्‍वरए मिंर ख्रो पिंबै सै चब्‍मैं ख्रो पिंबै म्हिने घ्रिन् तइ।

१ कोरिन्थी 10:21

क्‍हेमैंइ प्रभुए प्‍हेला नेरो स्यागि म्होंगिए प्‍हेला ङ्हिंना ङ्हिंनउँइँले थुँल् आखाँ। छलेन क्‍हेमैंइ प्रभुए टेबल नेरो स्यागि म्होंगिए टेबलउँइँले या चल् आखाँ।

१ कोरिन्थी 10:31

ङइ तो बिम् बिस्‍याँ: क्‍हेमैंइ चलेया, थुँलेया, तो ललेया परमेश्‍वरए थेबै मान तबै ल्हागिर मत्‍त्रे लद्।