प्रस्थान 18:11 - परमेश्‍वरए ताँ तमु क्युइर

¹¹ याहवेह ताँन् देवतामैं भन्दा थेब मुँन बिसि ङइ तोगो सेइ, तलेबिस्याँ मिश्रीमैंइ इस्राएलीमैंए फिर आछ्याँबै के लमा खीजी चमैंलाइ जोगेमिंइ।”

प्रस्थान 18:11 ပူးပေါင်းရင်းမြစ်များ

भजनमैं 119:21

थेब् प्हैंब्मैंलाइ क्हिजी हौदिमुँ। चमैं सरापए न्होंर मुँ, क्हिजी तेंबै घ्याँर चमैं आप्र।

भजनमैं 135:5

याहवेह बेल्‍ले थेब मुँ, छतसि ङ्योए प्रभु ताँन् देवतामैं भन्दा थेब मुँ बिसि ङइ सेइमुँ।

भजनमैं 31:23

ओ खीए ताँन् म्हिमैं, याहवेहलाइ म्हाँया लद्! खीए फिर बिश्‍वास लब्मैंलाइ याहवेहजी रक्षा लम्, दिलेया थेब् प्हैंब्मैंलाइ बिस्याँ खीजी पिंल् त्हुबै दण्ड पिंम्।

भजनमैं 95:3

तलेबिस्याँ याहवेह बेल्‍ले थेबै परमेश्‍वर ग, ताँन् देवतामैंए फिर्बै थेबै म्रुँ खीन् ग।

भजनमैं 97:9

तलेबिस्याँ ओ याहवेह, ह्‍युलए फिर ताँन् भन्दा थेबै परमेश्‍वर क्हिन् म्रुँ ग; ताँन् देवतामैं भन्दा थेब क्हिन् मुँ।

प्रस्थान 1:10

चमैं ल्हें ततै ह्‍याब्मुँ, धै खनिज्यै प्होंब-नेब तस्याँ चमैं ङ्योए शत्तुरमैंने क्ह्रिसि ङ्योए बिरोधर प्होंब-नेब लब्मुँ धै चु ह्‍युल पिसि ह्‍याब्मुँ। छतसि तारे ङ्योइ च्हैंसि मैंसि चमैंने बालु के लल् त्हुम्।”

प्रस्थान 1:16

“हिब्रूस्योमैंइ प्हसे फिसि चमैंए सुसर लमा च्ह फिस्याँ सैवाद्, च्हमिं फिस्याँ आसैद्।”

प्रस्थान 1:22

छतमा फारो म्रुँइ ह्रोंसए ताँन् म्हिमैंने “हिब्रूमैंला च्हमैं कति फिलेया चमैं ताँन् नील स्योंर भ्योंवाँन्, च्हमिंमैं बिस्याँ सोगोंन् थेंन्,” बिसि ल्हैदिइ।

प्रस्थान 10:3

छतसि मोशा नेरो हारून फारो ङाँर ह्‍यासि चने बिइ, “हिब्रूमैंए याहवेह परमेश्‍वरजी क्हिने ‘खोंयों समा क्हि च्योंने तसि ङइ बिब् आङिं?’ बिइ। ‘ङए सेवा लरिगे बिसि ङए म्हिमैं ह्‍याल् पिंन्।

प्रस्थान 12:12

“च म्हुँइँसर ङ मिश्र तसि ह्‍याब्मुँ, धै मिश्रर्बै म्हि नेरो खेदोए ओंसों फिब्मैं सैवाब्मुँ, धै मिश्रर्बै ताँन् देवतामैंए बिरोधर ङइ निसाफ लब्मुँ। तलेबिस्याँ ङ याहवेह ग।

प्रस्थान 14:18

फारो, चए रथमैं नेरो चए गोडा क्रेब्मैंलाइ ङइ ट्होवामा मिश्रीमैंइ ङन् याहवेह ग बिबै ताँ सेब्मुँ।”

प्रस्थान 14:8

इस्राएलीमैं सैं भोंन्ले घ्याँर प्ररिल, दिलेया याहवेहजी मिश्रर्बै फारो म्रुँए सैं सारो लमिंमा चइ चमैंए लिलि ह्‍याइ।

प्रस्थान 15:11

“ओ याहवेह, देवतामैं न्होंर क्हि धों तब खाब् मुँ? बेल्‍ले पबित्र, बेल्‍ले मान लल् त्हुब, औदिबै के लबर क्हि धों तब खाब् मुँ?

प्रस्थान 5:2

दिलेया फारोइ बिइ, “याहवेह बिब खाब् रो? ङइ तले चए ताँ ङिंसि इस्राएलीमैं ह्‍याल् पिंब? याहवेह ङइ ङो आसे, छतसि इस्राएलीमैं ङइ ह्‍याल् आपिं।”

प्रस्थान 5:7

“तारे इँट बनेबर चमैंलाइ पराल आपिंन्। चमैं ह्रोंसन् ह्‍यासि ह्रोंसए ल्हागिर पराल खुरिगे।

लूका 1:51

खीजी ह्रोंसए भोंबै योजी थेबै केमैं लइँमुँ, सैं न्हों-न्हों छलम् छुलम् बिसि थेब् प्हैंब्मैंलाइ सग्याँ-प्हुग्याँ लवाइमुँ।

याकूब 4:6

दिलेया खीजी अझै दयाम्हाँया लम्। छतसि परमेश्‍वरए छ्वेर छले बिइमुँ, “थेब् प्हैंब्मैंलाइ खीजी आखो, दिलेया च्योंने तब्मैंए फिर दयाम्हाँया लम्।”

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”