प्रस्थान 17:7 - परमेश्‍वरए ताँ तमु क्युइर

⁷ याहवेह ङ्योए म्हाँजोर मुँ उ आरे बिसि इस्राएलीमैंइ आक्वेंसि प्होंगि कैगि लसि याहवेहए जाँच लइ, छतसि च क्ल्ह्‍योए मिं मोशाइ मस्साह नेरो मेरीबा थेंइ।

प्रस्थान 17:7 ပူးပေါင်းရင်းမြစ်များ

भजनमैं 106:32

मेरिबाए क्युरै या चमैंइ याहवेह ह्रिस खल् लइ, चमैंइ लमा मोशाइ दु:ख योंइ।

भजनमैं 78:18

ह्रोंसए सैंर मैंब् धोंले चबै सै ह्रिसि चमैंइ सेन-सेन् परमेश्‍वरए जाँच लइ।

भजनमैं 81:7

दुःख तमा क्हेमैंइ ङने ग्वार ह्रिइ, धै क्हेमैंए दु:खउँइँले ङइ फ्रेमिंइ। मु ङ्हेबै क्‍ल्‍ह्‍योउँइँले खाबज्यै आम्रोंल्‍ले ङइ क्हेमैंलाइ ज्वाफ पिंइ; मेरिबार त्होंखबै क्युर ङइ क्हेमैंए जाँच लइ। तियाँदे मैंन्

भजनमैं 81:8

“ओ ङए म्हिमैं थेद्! ङइ क्हेमैंलाइ लोदा सैंदा लब्मुँ! ओ इस्राएल, क्हेमैंइ ङए ताँ थेब् गो बिस्याँ!

भजनमैं 95:8

याहवेहजी छले बिमुँ, “क्हेमैंए खेमैंइ मेरीबा नेरो क्यु आयोंबै क्‍ल्‍ह्‍योर्बै मस्साहर लब् धोंले ह्रोंसए सैं सारो आलद्।

प्रस्थान 17:2

छतमा चमैंइ मोशाने ह्रिस खसि बिइ, “ङिलाइ थुँबै क्यु पिंन्।” छबिमा मोशाइ चमैंने बिइ, “क्हेमैं तले ङने ह्रिस खमुँ? क्हेमैं तले याहवेहए जाँच लमुँ?”

प्रस्थान 34:9

धै मोशाइ बिइ, “ओ याहवेह, क्हिए म्हाँया ङने मुँ बिस्याँ ङ यो छ्युँ लमुँ, क्हिन् ङिने बालु प्रमिंन्। चु म्हिमैं आच्योब्मैं मुँलेया ङिए दुष्‍ट केमैं नेरो पापए क्षमा लमिंसि ङिलाइ क्हिए म्हिमैं लमिंन्।”

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।