प्रस्थान 17:12 - परमेश्‍वरए ताँ तमु क्युइर

¹² मोशाए यो नारमा हारून नेरो हुरइ युँमा घ्रि पखसि चए न्होंर थेंमिंमा च चए फिर क्हुँइ। धै हारून नेरो हुरइ घ्रि तिराइ घ्रि तिराइ रासि चए ह्‍योरमिंइ। त्हिंयाँ आलिन् समा चए यो कैंडोन् क्वेरिइ।

प्रस्थान 17:12 ပူးပေါင်းရင်းမြစ်များ

भजनमैं 35:3

बर्षा छेदु, धै ङलाइ ल्हाप्रब्मैंलाइ ल्हिद् “क्हिलाइ मुक्‍ति पिंबै परमेश्‍वर ङन् ग,” बिसि ङए सोने बिमिंन्।

प्रस्थान 17:11

मोशाइ यो कैंडो क्वेरिमा इस्राएलीमैंइ ट्होमल। यो क्युरु लमा अमालेकीमैंइ ट्होमल।

प्रस्थान 17:13

छलमा यहोशूइ अमालेकी सिपाइमैंलाइ सेलाँइ (तरवारइ) ल्हिसि तोइ आचैन् लवाइ।

प्रस्थान 24:14

मोशाइ च चिब्मैंने बिइ, “ङि एसि आयुन् समा ङिलाइ चुर्न प्रेंरिद्। हारून नेरो हुर क्हेमैंनेन् तब्मुँ। खाबलैया तोइ ताँ आक्ह्रिस्याँ चमैं ङाँर ह्‍याद्।”

२ कोरिन्थी 1:11

चए ल्हागिरि क्‍हेमैंज्‍यै या ङिलाइ प्राथना लसि ल्होमिंल् त्हुम्। खीजी अझै ङिलाइ ल्होमिंब्‍मुँ। ल्हें म्‍हिमैंइ छले प्राथना लमिंमा खीजी प्राथना थेसि आशिक पिंब्‍मुँ। छतसि खीजी ङिलाइ ल्होमिंबइले ल्हें म्‍हिमैंइ परमेश्‍वरलाइ धन्‍यबाद पिंब्‍मुँ।

एफिसी 6:18

च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

फिलिप्पी 1:19

ओं, ङ तोंब्मुँ, तलेबिस्याँ क्हेमैंए प्राथना नेरो येशू ख्रीष्‍टए प्ल्हजी ल्होमिंबइले युनन् ङ झेलउँइँले त्होंल् योंब्मुँ बिब ङइ सेइमुँ।

कलस्सी 4:2

परमेश्‍वरलाइ धन्‍यवाद पिंसि आनारल्‍ले न्ह क्रो मि क्रोंले खोंयोंइ या प्राथना लरिद्।

१ थेसलोनिकी 5:25

ओ अलि-अङाँमैं, ङिए ल्हागिरै या प्राथना लमिंन्।

हिब्रू 12:12

छतसि क्‍हेमैंए पडेयाबै योमैं क्वेद्, धै त्हारबै च्‍हिमैं भोंब् लद्।

याकूब 1:6

छले ह्रिमा चइ तिफुँइ संका आलल्‍ले “ह्रोंसइ ह्रिबै सै परमेश्‍वरजी क्ह्रोंसेंन पिंम्” बिबै सैं मैंरिगे। संका लबै म्हि थेबै खैंइ छाइ-माइ लबै मा ङ्युँइर्बै क्‍युए भेल्‍गा धों तब्मुँ।