प्रस्थान 16:8 - परमेश्‍वरए ताँ तमु क्युइर

⁸ धबै मोशाइ बिइ, “याहवेहजी क्हेमैंलाइ ङेसर चबर से नेरो न्हाँगर म्रेंनाले क्हें पिंब्मुँ, तलेबिस्याँ क्हेमैंइ खीए बिरोधर गनगन लब खीजी थेइमुँ। ङि खाब् रो? क्हेमैंए चु गनगन ङिए बिरोधर आङिं, याहवेहए बिरोधर तइमुँ।”

प्रस्थान 16:8 ပူးပေါင်းရင်းမြစ်များ

प्रस्थान 16:12

“इस्राएलीमैं गन गन लब ङइ थेइमुँ। क्हेमैंइ ङेसर से चल् योंब्मुँ, धै न्हाँगर क्हें म्रेंन्ले चल् योंब्मुँ। छले चल् योंमा ङ क्हेमैंए याहवेह परमेश्‍वर ग बिसि क्हेमैंइ सेब्मुँ।”

प्रस्थान 16:9

झाइले मोशाइ हारूनने बिइ, “इस्राएलर्बै ताँन् म्हिमैंने छ बिद्, ‘याहवेहए उँइँर खो, तलेबिस्याँ क्हेमैंइ लबै गनगन खीजी थेइमुँ।’”

प्रस्थान 17:2

छतमा चमैंइ मोशाने ह्रिस खसि बिइ, “ङिलाइ थुँबै क्यु पिंन्।” छबिमा मोशाइ चमैंने बिइ, “क्हेमैं तले ङने ह्रिस खमुँ? क्हेमैं तले याहवेहए जाँच लमुँ?”

मत्ती 10:40

“क्‍हेमैंलाइ मान लब्मैंइ ङलाज्यै या मान लमुँ, धै ङलाइ मान लब्मैंइ ङ कुल्‍मिंबै परमेश्‍वरलाज्यै या मान लम्।

मत्ती 9:4

चमैंए सैंर्बै ताँ सेसि येशूजी चमैंने बिइ, “क्हेमैंए सैं न्होंर छाबै आछ्याँबै ताँमैं तले मैंल?

लूका 10:16

येशूजी धबै चेलामैंने बिइ, “खाब‍इ क्‍हेमैंइ बिबै ताँ थेमुँ, चइ ङए ताँ थेम्। दिलेया खाबइ क्‍हेमैंइ बिब आङिंसि बिरोध लम्, चइ ङए बिरोध लम्। छलेन खाबइ ङइ बिब आङिंसि बिरोध लमुँ, चइ ङ कुल्‍मिंबै परमेश्‍वर आबालाज्यै या बिरोध लम्।”

यूहन्‍ना 13:20

क्ह्रोंसेंन ङ क्हेमैंने बिमुँ, ङइ कुल्मिंबै म्हिलाइ मान लब्मैंइ ङलाज्यै या मान लमुँ, छलेन ङलाइ मान लब्मैंइ ङ कुल्मिंबै आबालाज्यै या मान लमुँ।”

रोमी 13:2

छतसि खाबइ सरकारए बिरोध लमुँ चइ परमेश्‍वरजी खटिदिबै म्हिलाइ बिरोध लम्। छ लब्‍मैंइ सजैं योंब्‍मुँ,

१ कोरिन्थी 10:10

छतसि ङ्योइ गनगन लल् आत, च खेमैंइ गनगन लबइले नास लवाबै स्‍वर्गदूतइ चमैंलाइ सैवाइ।

१ थेसलोनिकी 4:8

छतसि खाबइ चु ताँ आम्हाँदि, चइ म्हिमैंए बिरोध लब आङिं, दिलेया क्हेमैंलाइ खीए पबित्र प्ल्ह पिंबै परमेश्‍वरए बिरोध लब् ग।