प्रस्थान 15:6 - परमेश्‍वरए ताँ तमु क्युइर

⁶ “ओ याहवेह, क्हिए क्योलो यो बेल्‍ले भोंब् मुँल। ओ याहवेह, क्हिए क्योलो योइ शत्तुरमैं त्हुला भुँ लवाइ।

प्रस्थान 15:6 ပူးပေါင်းရင်းမြစ်များ

भजनमैं 17:7

ओ प्रभु, ह्रोंसए शत्तुरमैंउँइँले जोगेबै ल्हागिर क्हिने ग्वार ह्रिखब्मैंलाइ क्हिजी ह्रोंसए क्योलो योइ जोगेमिंसि, क्हिए खोंयोंइ आनुबै म्हाँयाजी लबै प्लेटोयान् तबै केमैं उँइँमिंन्।

भजनमैं 2:9

पैए प्हरे छेसि क्हि चमैंए म्रुँ तब्मुँ, सए भाँडो तिब् धोंले क्हिइ चमैं त्हुल भुँ लवाब्मुँ।’”

भजनमैं 24:8

मान लल् त्हुबै म्रुँ खाब् जा? याहवेहन् ग! खी भोंब नेरो शक्‍ति मुँब मुँ, याहवेहजीन् ल्हडें ट्होम्।

भजनमैं 44:3

तलेबिस्याँ चमैंइ सेलाँइ नेसि ह्‍युल ट्होब आङिं, धै चमैंइ ह्रोंसए यो पाख्राए भोंइ नेसि ट्होबै या आङिं, दिलेया क्हिए क्योलो योर्बै भों नेरो क्हिए चारबै मोंडए ह्‍वेइन चमैंइ ट्होब् ग, तलेबिस्याँ क्हिजी चमैंए फिर म्हाँया लमल।

भजनमैं 44:4

क्हिन ङए म्रुँ नेरो ङए परमेश्‍वर ग; क्हिजी याकूबलाइ ट्होगों लमिंम्!

भजनमैं 60:5

क्हिजी म्हाँया लब्मैं दु:खउँइँले फ्रेमिंबर क्हिए क्योलो योजी ङि जोगेमिंन्, ङिए प्राथना ज्वाफ पिंन्!

भजनमैं 74:11

क्हिजी ह्रोंसए यो, ह्रोंसए क्योलो योइ तले तोइ लल् आपिंल? क्वें न्होंउँइँले यो ट्हुइदु धै चमैं नास लमिंन्!

भजनमैं 77:10

झाइले ताँन् भन्दा थेबै परमेश्‍वरए क्योलो योर भों आरेन उ? बिब ङइ मैंइ। चु ताँर ङए सैं च्योंब् तइ।

भजनमैं 89:14

ठिक के नेरो ठिक निसाफ लसि क्हिजी ग्याल्स लम्; क्हिजी खोंयोंन् आनुबै म्हाँया नेरो भर लल् खाँबै के लम्।

भजनमैं 98:1

याहवेहए मिंर छारा क्वे प्रिंन्, तलेबिस्याँ खीजी औदिबै केमैं लइमुँ! खीए क्योलो यो नेरो पबित्र योजी ह्रोंसए म्हिमैं दु:खउँइँले फ्रेमिंइमुँ।

प्रस्थान 15:11

“ओ याहवेह, देवतामैं न्होंर क्हि धों तब खाब् मुँ? बेल्‍ले पबित्र, बेल्‍ले मान लल् त्हुब, औदिबै के लबर क्हि धों तब खाब् मुँ?

प्रस्थान 15:12

क्हिजी क्हिए क्योलो यो स्योंमा पृथ्‍बीइ चमैं क्ल्ह्‍योंवाइ।

प्रस्थान 15:16

ओ याहवेह, क्हिए म्हिमैं क्योंजा अतर्दिन् समा क्हिजी मिश्रउँइँले फ्रेसि पखबै म्हिमैं क्योंजा आह्‍यान् समा, च ह्रेंमैं ङ्हिंसि त्हारमा क्हिए योर्बै भोंजी चमैं युँमा धोंले क्ल्ह्‍यो घ्रिर्न टिम्।

प्रस्थान 18:8

इस्राएलीमैंलाइ मिश्रउँइँले फ्रेमिंबर याहवेहजी फारो नेरो मिश्रीमैंए फिर लबै तोन्दोंरि ताँमैं नेरो इस्राएलीमैंइ घ्याँर तो-तो दुःख योंइ, धै याहवेहजी चमैंलाइ खैले जोगेमिंइ बिबै ताँमै ताँन् मोशाइ ह्रोंसए क्येंने बिइ।

प्रस्थान 3:20

छतसि ङ चमैंए म्हाँजोर ङए यो क्वेसि औदिबै केमैंउँइँले मिश्रीमैंए फिर ल्हिब्मुँ। च लिउँइँ च म्रुँइ क्हेमैंलाइ ह्‍याल् पिंब्मुँ।

प्रस्थान 6:1

च त्हेर याहवेहजी मोशाने बिइ, “ङइ फारोलाइ तो लब्मुँ बिसि तारे क्हिइ म्रोंब्मुँ। ङए भोंबै योइ लमा चइ क्हेमैं ह्‍याल् पिंब्मुँ। ङए भोंबै योइ लमा चइ ह्रोंसए ह्‍युलउँइँले चमैंलाइ ल्हावाब्मुँ।”

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

दर्शन 2:27

ङइ ङए आबाउँइँले थेबै हग योंब् धोंले चमैंलासे या ङइ थेबै हग पिंब्‍मुँ। पैए प्हरेइ सए भाँडो फदिवाब् धोंले चमैंइ ह्रें-ह्रेंमैंए फिर ग्याल्स लब्‍मुँ।