प्रस्थान 15:22 - परमेश्‍वरए ताँ तमु क्युइर

²² छ तबै लिउँइँ मोशाइ इस्राएलीमैं काँसए घारि मुँबै मा ङ्युँइउँइँले डोरेसि बोइ। चमैं शूर बिबै क्यु आरेबै क्ल्ह्‍योउँइँ ह्‍यामा चमैंइ सोंरो समा प्रमा चमैंइ क्यु आयों।

प्रस्थान 15:22 ပူးပေါင်းရင်းမြစ်များ

उत्पत्ति 16:7

याहवेहए स्वर्गदूतइ शूर सहर ह्‍याबै घ्याँर म्हि आटिबै क्ल्ह्‍योर क्युए मुल ङाँर हागारलाइ त्होइ।

उत्पत्ति 20:1

च क्ल्ह्‍योउँइँले अब्राहाम नेगेब बिबै क्ल्ह्‍योउँइँ ह्‍याइ, धै कादेश नेरो शूरए म्हाँजोर्बै गरार बिबै ह्‍युलर टिइ। गरार ह्‍युलर टिमा चर्बै म्हिमैंने

उत्पत्ति 25:18

इश्माएलए प्हसेमैं शुरउँइँले हवीलाए म्हाँजोर्बै क्ल्ह्‍योर टिमल। च क्ल्ह्‍यो मिश्रर्बै स्यारउँइँ पूर्वउँइँ अश्शूर ह्‍याबै घ्याँर मुँल। चमैं खेंमैंए आघें-अलिमैंने आक्ह्रिसि ह्रेंगो टिनेल।

भजनमैं 136:16

खीजी ह्रोंसए म्हिमैंलाइ क्यु आयोंबै क्‍ल्‍ह्‍योउँइँले डोरेपइ। खीए म्हाँया खोंयोंन् बिलै तरिम्।

भजनमैं 77:20

मोशा नेरो हारूनए योउँइँले क्हिजी ह्रोंसए म्हिमैं क्युमैंए बगल धोंले डोरेइ।

भजनमैं 78:52

धै खीजी ह्रोंसए म्हिमैं क्युमैं धोंले बैरु तेसि पखइ, धै क्यु बगल धोंले चमैंलाइ क्यु आयोंबै क्‍ल्‍ह्‍योए म्हाँजोउँइँले खीजी डोरेइ।

भजनमैं 78:53

चमैं आङ्हिंरिगे बिसि खीजी जोगेदै पखइ, दिलेया चमैंए शत्तुरमैं बिस्याँ मा ङ्युँइर प्ल्हुँयाइ।

प्रस्थान 17:1

ताँन् इस्राएलीमैं सिनए क्यु आयोंबै क्ल्ह्‍योउँइँले याहवेहजी बिब् धोंलेन् क्ल्ह्‍यो-क्ल्ह्‍योर ह्‍यासि रपिदिम बिबै क्ल्ह्‍योर ब्यारेक लइ। चर चमैंइ प्ह्रों बनेइ, दिलेया चर म्हिमैंए ल्हागिर थुँबै क्यु आरेल।

प्रस्थान 3:18

“इस्राएलर्बै चिबनाँबमैंइ क्हिए ताँ थेब्मुँ, धै क्हि नेरो चिबनाँबमैं मिश्रर्बै म्रुँ ङाँर ह्‍यासि क्हेमैंइ चने छ बिद्, ‘हिब्रूमैंए याहवेह परमेश्‍वरजी ङिने त्होइमुँ। छतसि तारे ङि क्हिने बिन्ति लमुँ, ङिए याहवेह परमेश्‍वरए ल्हागिर क्यु आयोंबै क्ल्ह्‍योर ख्रो पिंबर सोंरोबै घ्याँर ङि ह्‍याल् पिंन्।’