प्रस्थान 15:2 - परमेश्‍वरए ताँ तमु क्युइर

² याहवेहन् ङए शक्‍ति ग, ङलाइ जोगेमिंब खीन् ग, छतसि ङ खीलाइ क्वे प्रिंब्मुँ। खी ङए परमेश्‍वर ग, ङ खीए सेवा लब्मुँ, खी ङए खेमैंए परमेश्‍वर ग, ङ खीए मिं थेब् लब्मुँ।

प्रस्थान 15:2 ပူးပေါင်းရင်းမြစ်များ

उत्पत्ति 17:7

“क्हि नेरो क्हिए सन्तानए परमेश्‍वर तबर, धै क्हिए लिउँइँ खबै सन्तानमैंने ङए बाछा खोंयोंइ बिलै तरिबै ल्हागिर फैब्मुँ।

उत्पत्ति 49:18

“ओ याहवेह, क्हिजी जोगेमिंम् बिसि ङ पैंरिइमुँ।

भजनमैं 109:1

ओ परमेश्‍वर, ङ क्हिए मिं क्वेब्मुँ, आपोंन्ले आटिमिंन्!

भजनमैं 118:14

याहवेहजी ङलाइ शक्‍ति पिंमा ङइ खीए मिंर क्वें प्रिंम्, तलेबिस्याँ खीजी ङ जोगेमिंइमुँ।

भजनमैं 118:21

क्हिजी ङए प्राथनाए ज्वाफ पिंबै ल्हागिर नेरो ङलाइ जोगेमिंबै ल्हागिर ङ क्हिलाइ धन्यबाद पिंम्।

भजनमैं 118:28

क्हि ङए परमेश्‍वर ग, छतसि ङ क्हिलाइन धन्यबाद पिंब्मुँ, क्हि ङए परमेश्‍वर ग, ङ क्हिलाइन थेब् लब्मुँ।

भजनमैं 132:5

ङए मिर न्हरु या खल् पिंरिब् आरे, धै ङए मि तिस्याँ या च्युँ लल् पिंरिब् आरे।”

भजनमैं 140:7

ओ याहवेह, ङलाइ जोगेमिंबै शक्ति मुँबै परमेश्‍वर, ल्हडें तबै त्हिंइर क्हिजी ङए क्र जोगेमिंमुँ।

भजनमैं 145:1

ओ ङए परमेश्‍वर, ङए म्रुँ, ङ क्हिए मिं थेब् लब्मुँ, ङ खोंयोंन् बिलै क्हिलाइ धन्यबाद पिंब्मुँ।

भजनमैं 18:46

याहवेह सोगों मुँ! ङ लोबै पाराए मिं थेब तरिगे! ङ जोगेमिंबै परमेश्‍वरए मिं बेल्‍ले थेब तरिगे।

भजनमैं 22:10

फिबै त्हे ओंनोंन् ङ क्हिलन् ग, आमाए फोर मुँब् ओंनोंबै ङए परमेश्‍वर क्हिन् ग।

भजनमैं 22:3

दिलेया क्हि पबित्र परमेश्‍वर राजगद्दिर टिम्, इस्राएलीमैंइ क्हिए मिं क्वेम्।

भजनमैं 27:1

याहवेह ङए चारबै ह्‍वे नेरो ङए मुक्‍ति ग! ङ खाब्ने ङ्हिंब? याहवेहन् ङए रक्षा लबै किल्‍ला ग। छतसि ङ खाब् म्रोंसि ङ्हिंब?

भजनमैं 28:8

याहवेहजी खीए म्हिमैंलाइ भों पिंम्, धै खीजी त्हाँबै म्रुँ जोगेसि रक्षा लमिंम्।

भजनमैं 30:1

ओ याहवेह, क्हिजी ङ गैरुउँइँले कैंडो तेमिंइ, धै ङ म्रोंसि ङए शत्तुरमैं निस्योल् आपिंइमुँ, छतसि ङ क्हिए मिं थेब् लब्मुँ।

भजनमैं 34:3

ङने बा-बालुन् याहवेहए मिं थेब् लद्, धै ङ्यो खागु तसि खीए मिं कैंडो लले!

भजनमैं 48:14

छ लस्याँ “खोंयोंन् बिलै तरिबै ङ्योए परमेश्‍वर खीन् ग, धै खीजीन् ङ्योलाइ खोंयोंन् बिलै डोरेब्मुँ,” बिसि क्हेमैंइ लिउँइँबै पुस्ताने बिल् खाँब्मुँ।

भजनमैं 59:17

ओ ङए भों, क्हिए बयन लदै ङ क्वे प्रिंब्मुँ, ओ परमेश्‍वर, क्हि ङए किल्‍ला, नेरो ङलाइ खोंयोंइ आनुबै म्हाँया लबै परमेश्‍वर ग।

भजनमैं 68:20

ङ्योए परमेश्‍वर जोगेमिंबै परमेश्‍वर ग। याहवेह ङ्योए प्रभु ग, खीजीन् ङ्योलाइ सिबउँइले सोगों लमिंम्।

भजनमैं 99:5

ङ्योए याहवेह परमेश्‍वरए मिं क्वेद्; धै खीए प्हले फ्योद्! तलेबिस्याँ खी पबित्र मुँ!

भजनमैं 99:9

ङ्योए याहवेह परमेश्‍वरए मिं थेब् लद्, धै खीए पबित्र कोंर खीए मिं क्वेद्; तलेबिस्याँ ङ्योए याहवेह परमेश्‍वर पबित्र मुँ।

प्रस्थान 14:13

मोशाइ इस्राएलीमैंने बिइ, “क्हेमैं आङ्हिंन्ले सैं भोंब लद्। ङ्ह्‍योद्! याहवेहजी तिंयाँ क्हेमैंलाइ मिश्रउँइँले फ्रेमिंब्मुँ। चु मिश्रीमैं क्हेमैंइ तिंयाँ म्रोंइमुँ, तारे क्हेमैंइ धबै चमैंलाइ खोंयोंन् बिलै म्रोंरिब् आरे।

प्रस्थान 3:6

खीजी धबै बिइ, “ङ क्हिए खेमैं माँमैं अब्राहाम, इसहाक नेरो याकूबए परमेश्‍वर ग।” छबिमा मोशाइ परमेश्‍वरलाइ ङ्‍ह्‍योब ङ्हिंसि ह्रोंसए लि हुइ।

प्रस्थान 4:22

च त्हेर क्हिइ फारो म्रुँने छले बिद्, ‘याहवेहजी बिइमुँ, इस्राएल ङए च्ह थेब ग।

प्रस्थान 40:34

च लिउँइँ न्हाँम्स्योइ पबित्र तम्बु हुवामा याहवेहए चारबै ह्‍वेइ पबित्र तम्बु चारइ।

प्रस्थान 6:7

ङइ क्हेमैंलाइ ङए म्हिमैं तल् पिंब्मुँ, धै ङ क्हेमैंए परमेश्‍वर तब्मुँ। मिश्रीमैंए कब्छैं तसि टिल् त्हुबइले क्हेमैंलाइ तेइ पखबै ङ याहवेह क्हेमैंए परमेश्‍वर ग बिसि क्हेमैंइ सेब्मुँ

लूका 1:77

पापउँइँले क्षमा योंसि मुक्‍ति योंब्मुँ बिबै ताँ क्हिइ परमेश्‍वरए म्‍हिमैंने लोमिंब्मुँ।

लूका 2:30

तलेबिस्याँ क्‍हिजी कुल्‍मिंबै म्रुँ ख्रीष्‍ट ङए मिइ म्रोंल् योंइ।

यूहन्‍ना 4:22

क्हेमैंइ म्हाँदिरिबै सै क्‍हेमैंइ आसे। ङि यहूदीमैंइ बिस्‍याँ तो म्हाँदिरिइमुँ बिसि सेइमुँ। तलेबिस्याँ यहूदीमैंउँइँले ताँन् म्‍हिमैंइ मुक्‍ति योंब्मुँ।

यूहन्‍ना 5:23

तलेबिस्याँ खैले म्हिमैंइ परमेश्‍वर आबाए मान लमुँ, छलेन ताँन् म्हिमैंइ खीए च्हए मान लरिगे। च्‍हए मान आलब्मैंइ च्‍हलाइ कुल्‍मिंबै आबालै या मान आल।

चेला चिब्मैंए केमैं 4:12

अरू खाबज्यै मुक्‍ति पिंल् आखाँ तलेबिस्याँ ङ्योइ मुक्‍ति योंबर स्वर्गए न्होंरि म्हिमैंए ल्हागिर अरू खाबै मिं या परमेश्‍वरजी आपिंइँमुँ।”

२ कोरिन्थी 5:19

ङिइ बिबै सैं तोंबै ताँ चुन् ग: परमेश्‍वरजी ख्रीष्‍टउँइँले ताँन् म्‍हिमैंलाइ खीने बालु क्ह्रिल् लमिंइमुँ। म्‍हिमैंइ लबै पापए सजैं परमेश्‍वरजी आपिं। छतसि म्‍हिमैंलाइ खीने बालु क्ह्रिल् लमिंबै ल्हागिर खीए बारेर्बै ताँ म्हिमैंने बिमिंबै जिम्‍मा ङिलाइ पिंथेंइमुँ।

एफिसी 2:22

छले ख्रीष्‍टने घ्रिन् तबइले क्हेमैं अरू ह्रेंमैंलाज्यै या परमेश्‍वरए पबित्र प्ल्ह टिबै धिं बनेसिन् मुँ।

फिलिप्पी 2:11

झाइले ताँनइ परमेश्‍वर आबाए मान तबै ल्हागिर “येशू ख्रीष्‍टन् प्रभु ग” बिसि म्हाँदिब्मुँ।

फिलिप्पी 4:13

तलेबिस्याँ ख्रीष्‍टजी ङलाइ तआन् सैए फिर ट्होबै भों पिंइमुँ। छतसि ङइ चु ताँन् सै लल् खाँम्।

कलस्सी 2:9

छतसि छाबै स्‍योर ताँ आक्‍वेंन्, तलेबिस्याँ परमेश्‍वरने मुँबै ताँन् गुनमैं येशू ख्रीष्‍टने मुँ।

दर्शन 15:3

चमैंइ परमेश्‍वरए के लबै स्‍योंम्‍बै मोशा नेरो क्‍यु च्हजए भजन प्रिंरिल: “ओ ताँन् भन्दा भोंबै याहवेह परमेश्‍वर, क्‍हिए केमैं बेल्‍ले थेब नेरो औदिबै मुँ! ओ ताँन् ह्रेंमैंए म्रुँ, क्‍हिजी लबै के ठिक नेरो क्ह्रोंसेंन्बै मुँ।

दर्शन 19:1

छ तबै लिउँइँ स्‍वर्गर म्‍हिए हुलइ थेबै कैले छ बिरिब ङइ थेइ, “परमेश्‍वरए मिं थेब तरिगे! खीए मान तरिगे! तलेबिस्याँ खीए शक्‍तिजी ङ्योलाइ जोगेथेंइमुँ,