प्रस्थान 15:17 - परमेश्‍वरए ताँ तमु क्युइर

¹⁷ क्हिजी क्हिए म्हिमैं पखसि ह्रोंसए कोंर थेंब्मुँ। ओ याहवेह, च क्ल्ह्‍योर्न क्हिए ल्हागिर टिबै क्ल्ह्‍यो बनेइ, ओ याहवेह, च पबित्र क्ल्ह्‍यो क्हिए योजीन् बनेइ।

प्रस्थान 15:17 ပူးပေါင်းရင်းမြစ်များ

भजनमैं 114:2

च त्हेरि यहूदा ह्‍युल याहवेहए पबित्र क्‍ल्‍ह्‍यो तयाइ, धै इस्राएल खीए ग्याल्स तइ।

भजनमैं 2:6

“सियोन बिबै ङए पबित्र कोंर ङइ ह्रोंसए म्रुँ थेंइमुँ,” बिसि खीजी बिम्।

भजनमैं 44:2

क्हिजी ह्रोंसए योजीन् अरू ह्रेंमैं ल्हावासि ङिए खेमैं चर टिल् पिंइ; क्हिजी अरू म्हिमैंलाइ कुरवासि ङिए खेमैंलाइ थेब् लमिंइ।

भजनमैं 68:16

ओ ल्हें च्होमैं मुँबै कों, परमेश्‍वरजी ग्याल्स लल् म्हैबै सियोन बिबै कोंउँइँ तले आछ्याँबै सैंले ङ्ह्‍योल? चर याहवेह खोंयोंन् बिलै टिब्मुँ।

भजनमैं 76:2

यरूशलेमर खीए तम्बु मुँ, खी टिबै क्‍ल्‍ह्‍यो सियोन बिबै कोंर मुँ।

भजनमैं 80:15

च अँगुरए धुँ क्हिजी ह्रोंसए क्योलो योइ रुँइँब् ग, धै क्हिजी ह्रोंसए ल्हागिर फारमिंबै च्ह ङि ग!

भजनमैं 80:8

अँगुरए धुँ घ्रि धोंले क्हिजी ङिलाइ मिश्र ह्‍युलउँइँले पखमिंइ; क्हिजी अरू ह्रेंमैं ल्हावासि च धुँ कनान ह्‍युलर रुँइँइ।

प्रस्थान 15:13

क्हिए खोंयोंन् बिलै आखाँबै म्हाँयार क्हिजी मिश्रउँइँले फ्रेमिंबै म्हिमैं डोरेब्मुँ। क्हिजी ह्रोंसए भोंउँइँले चमैं क्हिए पबित्र क्ल्ह्‍योर डोरेब्मुँ।

प्रस्थान 23:20

“ङ्‍ह्‍योद्, क्हेमैंलाइ घ्याँर जोगेबर नेरो ङइ तयार लबै क्ल्ह्‍योर क्हेमैंलाइ सथेंनेबर ङइ क्हेमैंए ओंसो-ओंसो स्वर्गदूत घ्रि कुलब्मुँ।

प्रस्थान 25:8

“ङ चमैंए म्हाँजोर टिबर चमैंइ ङए ल्हागिर पबित्र तम्बु घ्रि टौंदिल् त्हुम्।

प्रस्थान 32:34

तारे ह्‍याद्! ङइ बिबै क्ल्ह्‍योर म्हिमैंलाइ घ्याँ तेंसि बोद्। ङए दूतमैं क्हिए ओंसों-ओंसों ह्‍याब्मुँ। दिलेया चमैंलाइ सजैं पिंबै त्हे खबै लिउँइँ चमैंए पापए दण्ड ङ पिंब्मुँ।”