प्रस्थान 15:11 - परमेश्‍वरए ताँ तमु क्युइर

¹¹ “ओ याहवेह, देवतामैं न्होंर क्हि धों तब खाब् मुँ? बेल्‍ले पबित्र, बेल्‍ले मान लल् त्हुब, औदिबै के लबर क्हि धों तब खाब् मुँ?

प्रस्थान 15:11 ပူးပေါင်းရင်းမြစ်များ

भजनमैं 113:5

ङ्योए याहवेह परमेश्‍वर धों तब खाब् मुँ? खी ताँन् भन्दा नुबै क्‍ल्‍ह्‍योर म्रुँ तसि क्हुँम्,

भजनमैं 119:120

क्हिने ङ्हिंसि ङ त्हाररिमुँ, धै क्हिए निसाफमैं म्रोंसि ङ ङ्हिंइमुँ।

भजनमैं 136:4

खीजी मत्‍त्रे औदिबै थेब-थेबै केमैं लम्। खीए म्हाँया खोंयोंन् बिलै तरिम्।

भजनमैं 145:17

याहवेहजी लबै तोन्दोंरि केमैं ठिक मुँ, धै ह्रोंसइ बनेबै तोन्दोंरि सैमैंलाइ म्हाँया लम्।

भजनमैं 22:23

ओ याहवेहलाइ मान लब्मैं, खीलाइन थेब् लद्! ओ याकूबए ताँन् सन्तानमैं, खीए मिं क्वेद्! ओ इस्राएलए ताँन् सन्तानमैं, खीने ङ्हिंन्!

भजनमैं 35:10

“ओ याहवेह, क्हि धों तब खाब् मुँ? क्हिजी भों आरेब्मैंलाइ ह्रोंस भन्दा भोंबै म्हिमैंउँइँले जोगेमिंम्, छले भों आरेब्मैं नेरो आयों आख्युब्मैंलाइ ह्रुगिदिबै म्हिमैंउँइँले क्हिजी चमैंलाइ जोगेमिंम्,” बिसि ङए ताँन् ज्यु नेरो सैंइ बिप्रम्।

भजनमैं 60:2

क्हिजी ङिए ह्‍युललाइ थर्केसि क्ल्हेवाइमुँ। चर्बै होंल्दोंमैं म्यालमिंन्, तलेबिस्याँ च त्हाररिइमुँ।

भजनमैं 66:5

खो, परमेश्‍वरजी लबै केमैं ङ्‍ह्‍योद्, म्हिमैंए ल्हागिर खीजी लबै केमैं औदिले छ्याँब् मुँ!

भजनमैं 77:11

दिलेया याहवेहजी लबै केमैं ङ मैंब्मुँ; क्ह्रोंसेंन्ले क्हिजी ओंसों ओंनोंन् लबै औदिबै केमैं ङ मैंब्मुँ।

भजनमैं 77:14

क्हि औदिबै केमैं लबै परमेश्‍वर ग; क्हिजी ह्रोंसए शक्ति ह्रें-ह्रेंमैंए म्हाँजोर उँइँमिंइमुँ।

भजनमैं 77:19

क्हिजी डोरेबै घ्याँ मा ङ्युँइए महाँजोर मुँल, क्हि प्रबै घ्याँ थेबै क्युए महाँजोर मुँल; दिलेया क्हिए प्हलेए म्है आम्रोंल।

भजनमैं 86:10

तलेबिस्याँ क्हि बेल्‍ले थेब मुँ धै औदिबै केमैं लम्; घ्रि मत्‍त्रे परमेश्‍वर क्हि ग।

भजनमैं 86:8

ओ प्रभु, क्हि धों तब अरू देवतामैं खाबै आरे, क्हिजी लब् धों तबै केमैं अरू खाबज्यै या लल् आखाँ।

भजनमैं 89:18

तलेबिस्याँ ढालइ धोंले ङिलाइ रक्षा लमिंबै म्हि याहवेहलन् ग, इस्राएलर्बै पबित्र परमेश्‍वरजी ङिलाइ ङिए म्रुँ पिंइमुँ।

भजनमैं 90:11

क्हिए ह्रिस कति ल्हें मुँ बिसि खाबइ क्होइमुँ? क्हिए थेबै ह्रिस क्हिलाइ लल् त्हुबै मान धों तब् ग।

प्रस्थान 18:11

याहवेह ताँन् देवतामैं भन्दा थेब मुँन बिसि ङइ तोगो सेइ, तलेबिस्याँ मिश्रीमैंइ इस्राएलीमैंए फिर आछ्याँबै के लमा खीजी चमैंलाइ जोगेमिंइ।”

प्रस्थान 20:3

“छतसि ङलाइ मत्‍त्रे म्हाँदिद् अरू देवतामैं आम्हाँदिद्।

प्रस्थान 3:20

छतसि ङ चमैंए म्हाँजोर ङए यो क्वेसि औदिबै केमैंउँइँले मिश्रीमैंए फिर ल्हिब्मुँ। च लिउँइँ च म्रुँइ क्हेमैंलाइ ह्‍याल् पिंब्मुँ।

प्रस्थान 8:10

फारोइ “प्हन्हाँग” बिइ। मोशाइ बिइ, “क्हिइ बिब् धोंलेन् तब्मुँ, धै ङिए याहवेह परमेश्‍वर धोंब अरू खाबै आरे बिसि क्हिइ सेब्मुँ।

प्रस्थान 8:6

छबिमा हारूनइ मिश्रर्बै क्यु मुँबै क्ल्ह्‍योजरे ह्रोंसए यो स्योंमा प्हद्गोमैं त्होंसि मिश्र ह्‍युल हुवाइ।

प्रस्थान 9:14

‘ह्‍याल् आपिंस्याँ चु लार ङइ क्हिए फिर, के लब्मैंए फिर नेरो म्हिमैंए फिर बेल्‍ले थेबै दुःखमैं कुलब्मुँ। छले पृथ्‍बीर ङ धोंबै परमेश्‍वर खाबै आरे बिसि क्हिइ सेब्मुँ।

लूका 12:5

दिलेया खाब् म्रोंसि ङ्हिंल् त्‍हुम् बिस्याँ ङ क्‍हेमैंने बिमुँ, क्‍हेमैं परमेश्‍वर म्रोंसि ङ्हिंनु, तलेबिस्याँ म्हि सैवासि नर्गर भ्‍योंवाबै शक्‍ति खीने मुँ।

दर्शन 13:4

झाइले च अजिङ्गरइ ह्रोंसए हग खेदोलाइ पिंबइले ताँन् म्‍हिमैंइ अजिङ्गरलाइ फ्‍योइ। चमैंइ च खेदोलाज्यै या फ्‍योसि बिइ, “चु खेदो धों तब खाब् मुँ? चुने बालु खाबै या ल्हडें लल् आखाँ।”

दर्शन 15:4

ओ प्रभु, क्‍हि म्रोंसि ताँन् म्‍हिमैं ङ्हिंल् त्‍हुम्, धै ताँन् म्हिमैंइ क्हिए मान लल् त्‍हुम्, तलेबिस्याँ क्‍हि मत्‍त्रे पबित्र परमेश्‍वर ग। ताँन् ह्रेंमैं क्‍हि ङाँर खसि क्हिलाइ फ्‍योब्‍मुँ, तलेबिस्याँ क्‍हिजी ठिक निसाफ लम् बिसि ताँनइ म्रोंल् खाँइमुँ।”

दर्शन 4:8

च सो प्ह्‍याबै सैमैं प्लिल प्‍ह्‍या टु-टु मुँल, चमैंए ज्यु तिगोंन् नेरो प्‍ह्‍यागों न्होंरै या मि-मि मुँल। चमैंइ त्‍हिंयाँ म्‍हुँइँस “तोन्दोंरि लल् खाँबै याहवेह परमेश्‍वर पबित्र, पबित्र, पबित्र मुँ। खी ओंसों ओनोंन् मुँल, तिंयाँ या मुँ, लिउँज्‍यै या तरिब्‍मुँ।” बिसि भों आन्हल्‍ले भजन प्रिंबै प्रिंबन् लरिमल।