प्रस्थान 15:1 - परमेश्‍वरए ताँ तमु क्युइर

¹ झाइले मोशा नेरो इस्राएलीमैंइ याहवेहए ल्हागिर चु क्वे प्रिंइ: “ङ याहवेहए ल्हागिर क्वे प्रिंब्मुँ, तलेबिस्याँ खीजी थेबै लडें लसि ट्होइमुँ। खीजी घोडा नेरो चए फिर क्रेब्मैं मा ङ्युँइर (समुन्द्रर) भ्योंमिंइमुँ।

प्रस्थान 15:1 ပူးပေါင်းရင်းမြစ်များ

भजनमैं 105:43

खीजी ह्रोंसइ त्हाँबै म्हिमैंलाइ सैं तोंन् लदै जयजय बिदै ओरदै पखइ।

भजनमैं 106:12

झाइले खीजी बिबै ताँर बिश्‍वास लसि चमैंइ खीए मिं थेब् लदै भजन क्वेमैं प्रिंइ।

भजनमैं 107:15

याहवेहजी लबै खोंयोंइ आनुबै म्हाँयाए ल्हागिर नेरो म्हिमैंए फिर खीजी लबै औदिबै केमैंए ल्हागिर खीलाइ धन्यबाद पिंरिगे।

भजनमैं 107:8

याहवेहजी लबै खोंयोंइ आनुबै म्हाँयाए ल्हागिर नेरो म्हिमैंए फिर खीजी लबै औदिबै केमैंए ल्हागिर चमैंइ धन्यबाद पिंरिगे।

भजनमैं 32:7

क्हिन् ङए लोइ टिबै क्‍ल्‍ह्‍यो ग, क्हिजी ङ दुःखउँइँले जोगेमिंइमुँ, छतसि ङलाइ जोगेमिंबै परमेश्‍वर क्हिन् ग बिसि सैं तोंदै क्वे प्रिंसि ङ क्हिए मिं क्वेब्मुँ। तिस्याँदे मैंन्

भजनमैं 76:6

ओ याकूबए परमेश्‍वर, क्हिजी हौदिमा घोडा नेरो चर क्रेब्मैं ङ्हिंन-ङ्हिंन् ओलेल् आखाँब् तयाइ।

भजनमैं 76:7

दिलेया ओ याहवेह, क्हिने मत्‍त्रे ङ्हिल् त्हुब मुँ! क्हि ह्रिस खमा क्हिए उँइँर खाब् राल् खाँमुँ?

प्रस्थान 14:26

झाइले याहवेहजी मोशाने बिइ, “मिश्रीमैंए रथमैं नेरो घोडा क्रेब्मैंए फिर च क्यु धबै बडिइ युरिगे बिसि क्हिए यो मा ङ्युँइए (समुन्द्रए) फिर स्योंन्।”

प्रस्थान 14:27

मोशाइ ह्रोंसए यो मा ङ्युँइए (समुन्द्रए) फिर स्योंइ, धै न्हाँगर मि म्रोंमा मा ङ्युँइ धबै एसि ह्रोंसए क्ल्ह्‍योर एखइ। मिश्रीमैं भौदिबर होंमा याहवेहजी चमैं मा ङ्युँइर्न भ्योंमिंइ।

प्रस्थान 15:21

मिरियमइ छ बिदै क्वे प्रिंबर होंइ, “याहवेहए मिंर क्वे प्रिंले, तलेबिस्याँ खीजी औदिबै के लसि ट्होइमुँ। घोडा नेरो चए फिर क्रेब्मैं खीजी मा ङ्युँइर (समुन्द्रर) भ्योंवाइमुँ।”

प्रस्थान 18:11

याहवेह ताँन् देवतामैं भन्दा थेब मुँन बिसि ङइ तोगो सेइ, तलेबिस्याँ मिश्रीमैंइ इस्राएलीमैंए फिर आछ्याँबै के लमा खीजी चमैंलाइ जोगेमिंइ।”

हितोपदेश 29:6

दुष्‍ट म्हि ह्रोंसए पापइ लमा ह्रोंसन् ङोर फेम्, दिलेया ठिक के लबै म्हि बिस्याँ, सैं तोंदै क्वे प्रिंम्।

कलस्सी 2:15

येशू ख्रीष्‍ट क्रूसर सिमिंसि खीजी च ताँन् दुष्‍टए शक्‍ति मुँबै सैमैं केर आफेब् लवासि ट्होवाइमुँ। धै “चमैं ताँन् ङए न्होंर मुँ” बिसि खीजी ताँन् म्‍हिमैंए उँइँरि चमैं फाफेल् लवाइ।

दर्शन 15:3

चमैंइ परमेश्‍वरए के लबै स्‍योंम्‍बै मोशा नेरो क्‍यु च्हजए भजन प्रिंरिल: “ओ ताँन् भन्दा भोंबै याहवेह परमेश्‍वर, क्‍हिए केमैं बेल्‍ले थेब नेरो औदिबै मुँ! ओ ताँन् ह्रेंमैंए म्रुँ, क्‍हिजी लबै के ठिक नेरो क्ह्रोंसेंन्बै मुँ।