प्रस्थान 14:4 - परमेश्‍वरए ताँ तमु क्युइर

⁴ ङइ फारोए सैं सारो लमिंब्मुँ धै चइ इस्राएलीमैं ल्हाब्मुँ। दिलेया फारो नेरो चए ताँन् सिपाइमैंउँइँले ङए मिं थेब् तल् योंब्मुँ। छतमा मिश्रीमैंइ ‘ङन् याहवेह ग।’ बिसि सेब्मुँ।” याहवेहजी छले बिमा इस्राएलीमैंइ छान् लइ।

प्रस्थान 14:4 ပူးပေါင်းရင်းမြစ်များ

प्रस्थान 10:2

छ लमा ङइ मिश्रीमैं म्हाँजोर खै-खैबै चिनुमैं उँइँइ बिसि क्हिए च्ह क्वेमैंने बिब्मुँ, झाइले याहवेह ङन् ग बिसि क्हेमैंइ सेब्मुँ।”

प्रस्थान 10:27

दिलेया याहवेहजी फारोए सैं सारो लमिंमा फारोइ चमैं ह्‍याल् आपिं।

प्रस्थान 12:28

झाइले याहवेहजी मोशा नेरो हारूनने बिब् धोंले इस्राएलीमैंइ ताँन् लइ।

प्रस्थान 14:23

मिश्रीमैं, फारोए घोडामैं, रथमैं, नेरो घोडा क्रेब्मैंइ चमैंलाइ मा ङ्युँइए (समुन्द्रए) न्हों-न्होंन् ल्हाबोइ।

प्रस्थान 14:25

खीजी चमैंए रथए पाङ्ग्रामैं प्ल्हमिंमा चमैंइ च ओलेबर गारो तइ। छतमा मिश्रीमैंइ बिबर होंइ, “ङ्यो इस्राएलीमैंउँइँले भौदिह्‍याले, तलेबिस्याँ याहबेह चमैंए ख तसि ङ्योए बिरोधर नेरिइमुँ।”

प्रस्थान 14:3

‘चमैं अलमल् तसि ह्‍युल स्युररिइमा म्हि आटिबे क्ल्‍ह्‍योर चमैं क्वेथेइँमुँ,’ बिसि फारोइ इस्राएलीमैंए बारेर मैंब्मुँ।

प्रस्थान 14:5

झाइले मिश्रर्बै म्रुँइ च म्हिमैं भौदिह्‍याबै ताँ थेसि च नेरो चए के लब्मैंए सैं प्लिंयाइ धै “ङ्योइ तो लगे? ङ्योइ इस्राएलीमैंलाइ ह्‍याल् पिंइ, ङ्योए केबछैंमैं ह्‍याइ!” बिइ।

प्रस्थान 14:8

इस्राएलीमैं सैं भोंन्ले घ्याँर प्ररिल, दिलेया याहवेहजी मिश्रर्बै फारो म्रुँए सैं सारो लमिंमा चइ चमैंए लिलि ह्‍याइ।

प्रस्थान 18:11

याहवेह ताँन् देवतामैं भन्दा थेब मुँन बिसि ङइ तोगो सेइ, तलेबिस्याँ मिश्रीमैंइ इस्राएलीमैंए फिर आछ्याँबै के लमा खीजी चमैंलाइ जोगेमिंइ।”

प्रस्थान 6:7

ङइ क्हेमैंलाइ ङए म्हिमैं तल् पिंब्मुँ, धै ङ क्हेमैंए परमेश्‍वर तब्मुँ। मिश्रीमैंए कब्छैं तसि टिल् त्हुबइले क्हेमैंलाइ तेइ पखबै ङ याहवेह क्हेमैंए परमेश्‍वर ग बिसि क्हेमैंइ सेब्मुँ

प्रस्थान 7:17

छतसि “ङ्‍ह्‍योद्, ङइ नील स्योंर्बै क्यु ङए योर्बै प्हरेइ प्रिंब्मुँ। धै च को तयाब्मुँ। छले ङ याहवेह ग बिबै ताँ क्हिइ सेब्मुँ।

प्रस्थान 7:3

दिलेया ङइ फारोए सैं सारो लवाब्मुँ। धै ङइ ङ्हिंन् ङ्हाँन् तबै औदिबै चिनुमैं ल्हें लमिंब्मुँ।

प्रस्थान 7:5

ङइ मिश्र ह्‍युलर ह्रोंसए यो क्वेसि चमैंए म्हाँजोउँइँले इस्राएलीमैं तेइ पखब्मुँ। छलमा मिश्रीमैंइ ङ याहवेह मुँन बिसि सेब्मुँ।”

प्रस्थान 9:16

दिलेया ह्‍युल तिगोंन् ङए मिं बिप्ररिगे धै ङए शक्‍ति क्हिइ म्रोंल् खाँरिगे बिसि ङइ क्हिलाइ सोगों थेंइमुँ।

रोमी 11:8

परमेश्‍वरए छ्वेर छले प्ह्रिइमुँ, “परमेश्‍वरजी चमैंलाइ क्होल् आखाँबै सैं पिंइमुँ, चमैंलाइ आम्रोंबै मि नेरो आथेबै न्ह पिंइमुँ, छतसि तिंयाँ समन् चमैं छाबन् मुँ।”

रोमी 9:17

मिश्र ह्‍युलर्बै फारो म्रुँए बारेर परमेश्‍वरए छ्वेर छले प्ह्रिइमुँ, “क्हिइ ङए शक्‍ति ह्‍युल तिगोंन् उँइँरिगे, धै ङए शक्‍ति मुँबै मिं बिप्ररिगे ङ्हाँसि, ङइ क्हिलाइ म्रुँ लमिंइ।”

रोमी 9:18

छले परमेश्‍वरजी खीजी ल्हयो खदा ङ्हाँब्‍मैंए फिर ल्हयो खम्, धै सैं सारो लमिंदा ङ्हाँब्‍मैंलाइ खीजी सैं सारो लम्।