प्रस्थान 14:29 - परमेश्‍वरए ताँ तमु क्युइर

²⁹ दिलेया इस्राएलीमैं बिस्याँ मा ङ्युँइए म्हाँजोउँइँले कारा क्ल्ह्‍योर प्रसि ह्‍याइ। चमैंए क्योलो नेरो त्हेब्रेउँइँ क्यु बान्‍नों तइ।

प्रस्थान 14:29 ပူးပေါင်းရင်းမြစ်များ

भजनमैं 106:9

खीजी काँसए घारि मुँबै मा ङ्युँइलाइ हौदिमा च ङ्हारयाइ, धै खीजी क्यु आयोंबै क्ल्ह्‍योर्बै घ्याँर धोंलेन् च गैरु क्‍ल्‍ह्‍योउँइँले ह्रोंसए म्हिमैं डोरेसि बोइ।

भजनमैं 136:13

खीजी ओल्ग्या मा ङ्युँइ ङ्हिबाँ लवाइ। खीए म्हाँया खोंयोंन् बिलै तरिम्।

भजनमैं 78:13

खीजी मा ङ्युँइ ङ्हिबाँ लइ धै क्युए म्हाँजोउँइँले चमैंलाइ क्योंज डोरेबोइ, धै खीजी गारा धोंले क्यु रामिंइ।

प्रस्थान 14:22

धै चमैंए क्योलो नेरो त्हेब्रे हार चमैंए ल्हागिर क्यु बान्‍नो तइ, छतमा इस्राएलीमैं मा ङ्युँइए म्हाँजोउँइँले कारा क्ल्ह्‍योर प्रसि ह्‍याइ।

प्रस्थान 15:19

इस्राएलीमैं मा ङ्युँइए म्हाँजोउँइँले क्यु आरेबै सर प्रसि ह्‍याइ, दिलेया फारोए घोडामैं, रथमैं नेरो घोडा फिर क्रेब्मैं मा ङ्युँइर (समुन्द्रर) होंमा याहवेहजी चमैं फिर मा ङ्युँइए क्यु एपखइ।

प्रस्थान 15:8

क्हिए नखुँर्बै सोइ फुइमा क्युए थुप्रो तयाइ। प्ल्होंखबै क्यु क्ल्ह्‍यो घ्रिर्न थुप्रो तसि बान्‍नों धोंले राइ। गैरु क्यु मा ङ्युँइए म्हाँजोर चाँयाइ।

१ कोरिन्थी 10:1

ओ अलि-अङाँमैं, ङ्योए इस्राएली खेमैंलाइ खै तल बिसि क्‍हेमैंइ सेरिगे बिब ङए सैं मुँ, चमैं मोशाए लिलि मिश्र ह्‍युलउँइँले त्‍होंखमा न्‍हाँम्‍स्योइ घ्याँ तेंमिंदै बोल, धै चमैं ताँन् ओल्ग्‍या मा ङ्युँइए म्हाँजोउँइँले तसि ह्‍याल।