प्रस्थान 14:28 - परमेश्‍वरए ताँ तमु क्युइर

²⁸ क्यु एइ खसि रथमैं, घोडा क्रेब्मैं इस्राएलीमैंए लिलि खबै फारोए सिपाइमैं, ताँन् क्युइ हुवाइ, चमैं न्होंर घ्रि या आसो।

प्रस्थान 14:28 ပူးပေါင်းရင်းမြစ်များ

उत्पत्ति 50:9

चमैंने बालु रथर क्रेब्मैं नेरो घोडाए फिर क्रेब्मैं या ह्‍याइ। छतमा म्हलामिमैं ल्हें मुँल।

उत्पत्ति 7:18

नाँ युबै युब् तरिमा पृथ्‍बीर क्यु बेल्‍ले ल्हें तसि क्यु झाज क्यु फि-फि क्वेबर होंइ।

भजनमैं 106:22

चमैंए ल्हागिर्न खीजी हामए ह्‍युलर औदिबै केमैं नेरो ओल्ग्‍या मा ङ्युँइर ङ्हिंन् ङ्हाँबै केमैं लल।

भजनमैं 136:15

मिश्रर्बै म्रुँ फारो नरो चए सेनालाइ खीजी ओल्ग्या मा ङ्युँइर भ्योंवाइ। खीए म्हाँया खोंयोंन् बिलै तरिम्।

भजनमैं 78:53

चमैं आङ्हिंरिगे बिसि खीजी जोगेदै पखइ, दिलेया चमैंए शत्तुरमैं बिस्याँ मा ङ्युँइर प्ल्हुँयाइ।

प्रस्थान 14:13

मोशाइ इस्राएलीमैंने बिइ, “क्हेमैं आङ्हिंन्ले सैं भोंब लद्। ङ्ह्‍योद्! याहवेहजी तिंयाँ क्हेमैंलाइ मिश्रउँइँले फ्रेमिंब्मुँ। चु मिश्रीमैं क्हेमैंइ तिंयाँ म्रोंइमुँ, तारे क्हेमैंइ धबै चमैंलाइ खोंयोंन् बिलै म्रोंरिब् आरे।

प्रस्थान 15:10

दिलेया क्हिजी ह्रोंसए सो फुइमा मा ङ्युँइ (समुन्द्रइ) चमैं हुवाइ। बेल्‍ले भोंबै मा ङ्युँइर चमैं पैए सिसा धोंले प्ल्हुँयाइ।

प्रस्थान 15:19

इस्राएलीमैं मा ङ्युँइए म्हाँजोउँइँले क्यु आरेबै सर प्रसि ह्‍याइ, दिलेया फारोए घोडामैं, रथमैं नेरो घोडा फिर क्रेब्मैं मा ङ्युँइर (समुन्द्रर) होंमा याहवेहजी चमैं फिर मा ङ्युँइए क्यु एपखइ।

हिब्रू 11:29

बिश्‍वासउँइँलेन् इस्राएलीमैंइ ओबानो क्ल्ह्‍योर प्रब् धोंले ओल्ग्या मा ङ्युँइ तर्दिइ, दिलेया चमैंलाइ ल्‍हाखबै मिश्रीथेंमैं छलेन् तर्दिबर होंमा ताँन् प्ल्हुँसि सियाइ।